Chapletajic 20:9 - Quiché Bible

⁹ Ri Abimelec xtakan che u siq'uixic ri Abraham, xubij che: “¡Chawilampe' ri a banom chke! ¿Jas c'ax nu banom chawe chi a c'amom ulok jun nimalaj mac panuwi' xukuje' ri e nu winak? We jastak ri' man queban taj.

Chapletajic 20:9 交叉參考

Chapletajic 12:18

Rumal ri' ri ajawinel xutak u siq'uixic ri Abram, xubij che: “¿Jasche je a banom wa' chwe? ¿Jasche man xak'alajisaj ta chnuwäch chi awixokil we ixok ri'?

Chapletajic 20:10

¿Jas cätajin cachomaj aretak je xaban wa' chwe?” xcha' ri Abimelec che ri Abraham. Ri Abimelec jewa' xuban che u ch'abexic ri Abraham,

Chapletajic 20:8

Ak'ab xwalij ri Abimelec chucab k'ij xebumulij conojel ri pataninel tak rech, xubij c'u chque ronojel ri xrichic'aj. Aretak xquito', sibalaj xquixe'j quib.

Chapletajic 26:10

Ri Abimelec xubij che: “¿Jasche je a banom wa' chke? Man c'ax taj we ta c'o jun chque ri aj waral xwar ta ruc' ri awixokil, xaban ta c'u ri' chke chi xujmacunic.”

Chapletajic 29:25

Ak'ab chucab k'ij ri Jacob xrilo chi ruc' ri Lea xwar wi, xuch'a' che ri Laban: “¿Jas ri banom la chwe? ¿La ma ta xinchacun uc' la che u ch'äquic ri Raquel? ¿Jas c'u che xinsub la?”

Chapletajic 34:7

Aretak xetzelej ulok ri e u c'ojol ri Jacob pa ri juyub, xquetamaj c'ut ri xc'ulmatajic, sibalaj xpe coyowal rumal chi bantajinak jun nimalaj c'ax chque ri aj israelib chi ri Siquem xk'oyi' ruc' ri u mia'l ri Jacob. ¡Jun jasach wa' ri ma ta mawi jubik' xbantajic!

Chapletajic 38:24

Oc'owinak chi oxib ic' aretak xya' u bixic che ri Juda, xbix che: “Ri awalib Tamar u nimon rib cuc' tak achijab, k'alaj chi yawab winak chic.” Ri Juda ruc' royowal xubij: “¡Chiwesaj bic, chiporoj pa k'ak'!”

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Ucab Samuel 12:5

Ri David sibalaj xpe royowal chrij we achi ri', xubij c'u che ri Natan: “¡Quinban na ri chi'nic ri kas cäban na pa ri u bi' ri Dios chi jachin ri xbanow we jasach ri' takal che chi cäcämisaxic!

Ucab Samuel 13:12

Ri ali xutzelej u bixic che: “Jayi' nu xibal, minawetzelaj, man caban ta c'u wa' pa Israel. ¡Maban we etzelal ri'!

Elem 32:21

Xubij c'u ri Moises che ri Aaron: “¿Jas ri xuban we tinimit ri' chawe chi xebatakchi'j che u banic jun nimalaj mac?”

Elem 32:35

Ri Ajawaxel xuya' jun c'axalaj yabil paquiwi' ri winak, rumal rech chi xquik'ijilaj ri alaj ama' wacax re k'an puak ri xuban ri Aaron.

E C'ambal tak Tzij 28:10

Ri quebuc'am bic ri e utz pa itzel be cäkaj na pa ri u c'amibal; e are' c'u ri winak ri man c'o ta etzelal caquibano cäquic'am na ri sibalaj utz na.

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Romanos 2:11

Ri Dios man nim ta cäril wi jun winak chuwäch ri jun chic, xane' junam queril wi conojel.

Ri Tit 1:11

Rajawaxic chi cätz'apix ri u pa qui chi'. Quequitijoj ri winak che jastak ri man ya'tal taj xa' rech cäquich'äc puak rumal. Quequituquij jujun tak ja winak.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Ri Josue 7:25

Ri Josue xubij che: “¿Jasche xac'am ulok we u q'ueyowal ri' pakawi'? Camic, are' ri Ajawaxel chubana' chi chkaj ri u q'ueyowal pawi' ri xac'am ulok pakawi'.” Xuwi xbitaj wa', conojel ri aj israelib xquicämisaj ri Acan che abaj xukuje' ri e c'o ruc', xequiporoj c'ut.