Chapletajic 2:25 - Quiché Bible

²⁵ Ri achi jacha' ri ixok e ch'anach'oj, man c'o ta c'u jun chque ri quieb xuna' ta q'uixbal chi jewa' qui banom wa'.

Chapletajic 2:25 交叉參考

Chapletajic 3:7

Pa ri jok'otaj ri' xejaktaj ri qui bak'wäch, qui cabichal c'ut xquil quib chi e ch'analic. Xequit'is u xak tak higo che ch'ukubal quib.

Salmib 25:3

¡Mawi jubik' mel qui q'uixbal ri qui cuban qui c'u'x chij la! ¡Are chel qui q'uixbal ri man c'o ta rumal cäquiyac quib che c'ulelaxic la!

Salmib 31:17

Che la quintz'onoj wi tok'ob, Ajawaxel; ¡Minya' la pa ri q'uixbal! ¡E are cheya' la ri e banal tak etzelal pa q'uixbal, chekasaj la bic pa ri mukbal!

Elem 32:25

Xril c'u ri Moises chi ri aj israelib xak e tzokopitalic qui yo'm quib pa yok'ic cumal ri qui c'ulel, man e k'ilom ta c'ut rumal ri Aaron,

Ri Isaiy 44:9

Man c'o ta jun chque ri e banal tak diosib c'o ta jubik' quebajwataj ta wi, xukuje' ri e dios ri sibalaj lok' quequil wi man c'o ta jubik' qui patan. Ri quek'ijilanic e moy xukuje' e nimak tak con, rumal ri' quel na qui q'uixbal.

Ri Isaiy 47:3

Chilitaj na ri a cuerp ch'analic, je, chcanaj ri awe chisak. Quinya' na ri c'äjisabal a wäch, man c'o ta c'u jachin cäcuin che u k'atixic cuc' tak ri e u bochi'nic.”

Ri Isaiy 54:4

Maxe'j awib, man quel ta na a q'uixbal man catyok' ta na, mawi c'o jas catq'uix wi na. Cäsach na ri a q'uixbal pa jolom ri elinak aretak c'ä at ac'al na, man cänataj ta chi na chawe ri a q'uixbal ri xelic aretak c'ä at malca'n,

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Ezequiel 16:61

Aretak chinya' ri awatz xukuje' a chak' chawe che a mialaxelab, man quinutakchi'j ta c'ut ri c'ulwächinic che wa', ri at cänataj na ri ojer a c'aslemal chawe catq'uix c'u na.

Ri Joel 2:26

Ri ix quixewok na c'ä quixnoj na, quixk'ijilan c'u na che ri Ajawaxel ri i Dios, ri in xebenban nimak tak mayibal che i to'ic. Mawi ta chi c'u jumul cacanaj ta chi can ri nu tinimit nojinak ta che q'uixbal,

Marcos 8:38

We c'o jachin jun caq'uix chwe xukuje' che ri nu tijonic chquiwäch we winak ri' ri man e jic taj xukuje' e ajmaquib, xukuje' ri Rija'l Winak caq'uix na che aretak chpetic rachil ri u juluwem ri u Tat xukuje' e rachil ri tastalic tak tako'nib aj caj.”

Ri Lucax 9:26

Apachin c'u ri cäq'uix chwe in xukuje' che ri nu tijonic, ri Rija'l Winak cäq'uix na che ri are' aretak cäpe pa ri u juluwem, pa ri u juluwem ri Tataxel xukuje' ri quech ri tastalic tak tako'nib aj caj.

Romanos 10:11

Are c'u ri Tz'ibatalic cubij: “Conojel ri quecojon che ri are', man quel ta na qui q'uixbal.”