14 Xbe ri Lot che qui siq'uixic ri e u ji' ri e towinak ri u mia'l che c'ulanem, xubij chque: “¡Chixwalijok, chixel bic waral, cäsach c'u u wäch we tinimit ri' rumal ri Ajawaxel!” E are c'u ri e u ji' man xeboc ta il che ri xubij ri Lot chque.
Xa c'u jubik' man cäsakaric, ri tako'nib aj caj xquibij che ri Lot: “We man cawaj catcämic aretak cäkasach u wäch we tinimit ri', aninak chatwalijok, chac'ama' c'u bic ri awixokil, xukuje' ri quieb a mia'l.”
Aretak e c'o chrij ri tinimit, jun chque ri tako'nib xubij: “¡Chatxiq'uinok, chato' awib! Matca'y chawij, mawi jubik' mak'il awib pa ri beya'. Chatpakal cho tak ri juyub, we cawaj catc'asi'c.”
Ri tako'n xquibinibej ri rulewal ri Eprain xukuje' ri Manases, xek'ax pa conojel tak ri tinimit c'ä xebopan na pa Zabulon. Xak c'u xetze'n ri winak xukuje' xquetz'bej qui wäch.
Ri e are' xa' xquitze'j qui wäch ri e u tako'n ri Dios, man nim ta xquil wi ri xutak u bixic chque xa' c'u xequetz'bej qui wäch ri e k'axal tzij, xyactaj c'u na ri royowal ri Ajawaxel puwi' ri u tinimit, ri man c'o ta chi cunabal che.
Kas pa ri ak'ab ri' ri ajawinel xutak u siq'uixic ri Moises rachilam ri Aaron, xubij c'u chque: “Jix, chiya' can ri nu winak, ri ix xukuje' ri aj israelib. Jix che u k'ijilaxic ri Ajawaxel jacha' ri i bim.
Je c'u ri', ¡miban chi ba' ri q'uixbal u banic!, co ne mäjat'ix chi na ri tikom ch'ich' ri cojom chiwe nu tom c'u u tzijol chi ri Ajawaxel ri c'o ronojel u cuinem cusach na u wäch ronojel ri ulew.
Ajawaxel ri lal xinsub la, are c'u ri in xinya' wib pa subic; nim na ri chuk'ab la, xcuin c'u la che nu ch'äquic. Xak amak'el in yacal tze'; conojel xak cäquetz'bej nu wäch.
ri Azariy, u c'ojol ri Osaiy, ri Joanan, u c'ojol ri Carey, xukuje' niq'uiaj achijab chic ri e banal tak nimal xquibij che ri Jeremiy: “¡Ri cabij xa' banoj tzij! Ri Ajawaxel ri ka Dios man u bim ta chawe chi mujejekel ta pa Ejipt.
¡Chixanimajok chixel bic pa Babilon! ¡Cato'tajisaj rib jachin ri cäcuinic! ¡Mixcäm rumal ri u mac ri are'! Are k'ijol wa' rech ri nu yo'w q'uexelal, quintoj c'u na che jacha' ri takal che.
Xubij c'u che ri tinimit: “Chitasa' iwib chque tak ri qui cäbal ri lic'om we itzel tak winak ri', c'o jun jasach minak chque ri jastak quech, mac'ulmataj c'u ne chi xukuje' ri ix quixecäm qui mac ri qui mac e are'.”
“¡Chixel chquixo'l we winak ri', xa c'u pa jok'otaj quinsachisaj na qui wäch!” Ri Moises xukuje' ri Aaron xquimej quib c'ä xquiya' na ri qui palaj cho ri ulew,
Jewa' xc'ulmaxic aretak xalax ri Jesucrist: Ri Mariy, u nan ri Jesus, tz'onom chic che c'ulanem rumal ri Jose. Maja' c'u cäquirik quib aretak ri Mariy yawab winak chic rumal ri Ruxlabal ri Dios.
Aretak cätajin cäkebic, ri itzel uxlabal co xuq'uiak ri ala pa ulew, xubak'atila'. Ri Jesus xuyaj ri itzel uxlabal, xucunaj ri ala, xujach bic che ri u tat.
Aretak xquita' ri u tzij, chi c'o jun xc'astajisax chquixo'l ri cäminakib, jujun xquitze'j. Ri niq'uiaj chic xquibij: “Catkatatabej chi na jumul che wa'.”
Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.
