12 Ri tako'nib aj caj xquibij che ri Lot: “¿La c'o chi niq'uiaj awachalaxic waral? Chebac'ama' ri a c'ojol, ri a mia'l, ri e a ji', conojel ri awachalaxic ri e c'o pa we tinimit ri', chebawesaj bic, naj chebac'ama' wi bic.
Cäkasach c'u u wäch we c'olbal ri'. Sibalaj q'ui chi c'u ri tzujunic banom chuwäch ri Ajawaxel chquij ri winak re we tinimit ri', rumal ri' xujutak ulok che u sachic u wäch.”
Xbe ri Lot che qui siq'uixic ri e u ji' ri e towinak ri u mia'l che c'ulanem, xubij chque: “¡Chixwalijok, chixel bic waral, cäsach c'u u wäch we tinimit ri' rumal ri Ajawaxel!” E are c'u ri e u ji' man xeboc ta il che ri xubij ri Lot chque.
Aretak e c'o chrij ri tinimit, jun chque ri tako'nib xubij: “¡Chatxiq'uinok, chato' awib! Matca'y chawij, mawi jubik' mak'il awib pa ri beya'. Chatpakal cho tak ri juyub, we cawaj catc'asi'c.”
Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.
Quinban na chi xuwi c'o chic qui rayinic xukuje' qui yo'm chic qui tzij che u ya'ic nu k'ij ronojel ri qui c'aslemal che ri kas cutzil xukuje' chque ri quija'lil.
Xubij c'u che ri tinimit: “Chitasa' iwib chque tak ri qui cäbal ri lic'om we itzel tak winak ri', c'o jun jasach minak chque ri jastak quech, mac'ulmataj c'u ne chi xukuje' ri ix quixecäm qui mac ri qui mac e are'.”
Jeri' reta'm ri Ajawaxel queresaj chuwäch ri takchibal mac conojel ri queniman che ri Dios. Xukuje' reta'm quebutas can ri man e suc' taj rech cuc'äjisaj qui wäch pa ri k'ij re ri k'atoj tzij.
Xinta' jun ch'abal chic chicaj, ri xubij: “Chixel bic pa ri Babilon, ix ri ix nu tinimit rech man quebikajbej taj ri e u mac mawi quebirik tak iwech ri c'ax ri queburiko.
