5 Ri Saraiy xubij che ri Abram: “¡U mac awech chi quetzelax nu wäch rumal ri Agar. In xinyo'w che awixokil; camic c'ut aretak reta'm chic chi cäc'oji' na jun ral, man nim ta chic quinrilo. Chubij ba' ri Ajawaxel jachin ri ajchak'mac, we in o at!”
Ri u Dios ri a mam Abraham, ri u Dios ri nu mam Nacor, chuk'ata' tzij pakawi'.” Are c'u ri Jacob xuban ri chi'nic ri kas cäban na pa ri u bi' ri Dios ri xuk'ijilaj ri Isaac ri u tat.
Ri ajawinel Joas xsach pa u jolom ri elebal c'uxaj ri xucoj ri Joiad, ri u tat ri Zacariy che ri ajawinel, xucämisaj c'ut ri Zacariy, ri u c'ojol, ri pa ri jok'otaj ri xcämic je xubij can wa': “¡Are' ba' ri Ajawaxel chilow wa' chutok'ij c'u na wa'!”
Nu Dios, bana' la suq'uilal chwe; ¡Cojo' ib la wuc' che qui c'ulelaxic ri winak ri quequik'ijilaj diosib! ¡Chinesaj la pa u k'ab ri banal tzij xukuje' banal etzelal!
Ajawaxel, lal cäk'at la tzij paquiwi' ri nimak tak tinimit: k'ata' la tzij panuwi' jacha' chi in tz'akat pa ronojel; k'ata' la tzij panuwi' jacha' chi man c'o ta nu mac.
xquibij c'u chque: “Chrila' ri Ajawaxel ri i banom chke, xukuje' chuc'äjisaj i wäch. Ix ri ix ajchak'mac chi ri ajawinel e rachil ri e u takanelab itzel cujquilo. Kas ix ix yowinak ri ch'ich' re ch'o'j pa u k'ab che ka cämisaxic.”
Ri in man c'o ta jun etzelal nu banom chawe. At ri' ri cätajin caban etzelal, at petinak c'u che u banic ch'o'j kuc'. Ri Ajawaxel are k'atal tzij, cuk'at na tzij paquiwi' ri aj israelib xukuje' paquiwi' ri aj amonib.”
