Chapletajic 15:13 - Quiché Bible

¹³ Xubij c'u ri Ajawaxel che: “Rajawaxic cawetamaj chi ri e awija'lil quequirika' na c'ax pa jun ulew chic, queboc na che lok'om tak pataninelab, quiejeb sient (400) junab cäban na c'ax chque.

Chapletajic 15:13 交叉參考

Chapletajic 15:16

Oc'owinak chi quiejeb sient (400) junab quetzelej na ulok ri e awija'lil pa we c'olbal ri', maja' c'u caquitz'akatisaj u banic ri quetzelal ri aj amoreyib.”

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Chapletajic 47:4

Uj petinak rech cujelcanaj pa we ulew ri', rumal rech chi c'o nimalaj wi'jal pa Canaan, man c'o ta chic k'ayes chque ri ka chij. Bana' la tok'ob ya' la chke chi cujcanaj che jekelem chupam ri ulew Gosen.”

Salmib 105:42

Xnataj c'ut ri tastalicalaj chi'nic che ri u banom che ri Abraham ri pataninel rech.

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.

Elem 1:13

Ri aj ejiptib sibalaj xquicoj c'anal paquiwi' ri aj israelib pa ri qui chac.

Elem 1:14

Sibalaj c'u xban c'ax che ri qui c'aslemal cuc' c'axalaj tak chac. Xetak che u banic xok'ol che u banic xan, xukuje' che qui banic ronojel u wäch chac pa ri juyub. Pa conojel c'u ri chac ri cäquibano cäcoj c'anal paquiwi',

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

Elem 22:21

Maban c'ax che ri rokxanim rib awuc', xa c'u xiwokxanij na iwib ix pa Ejipt.

Elem 23:9

Maban c'ax che ri rokxanim rib awuc', xa c'u xiwokxanij na iwib ix pa Ejipt, i no'm chic ri c'ax re ri okxanim ib pa jun ulew chic.”

Elem 3:10

Chatakej ba' ri a be, catintak na bic ruc' ri ajawinel che resaxic ulok ri nu tinimit Israel ri c'o pa Ejipt.”

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

Ajilanic 20:15

Ri e ka mam xebe pa Ejipt sibalaj c'u naj xebeytaj chila', e are' c'ut ri aj ejiptib xquiban c'ax chke uj, xukuje' chque ri e ka mam;

Hechos 7:17

“Nakaj chic ri k'ij aretak cuban na ri Dios jas ri u chi'm ulok che ri Abraham, xq'uiy ri tinimit Israel, xeq'uiyir ri aj israelib pa Ejipt.

Gálatas 3:17

Quinbij c'u wa': Ri Dios xuya' che ri Abraham jun c'ulwächinic, xuc'ut chuwäch chi kastzij cuban na jas ri u bim. Rumal wa, oc'owinak chi quiejeb sient ruc' juwinak lajuj (430) junab, aretak xya' ri pixab che ri Moises, ri pixab man cuya' taj cusach u wäch ri chi'm.

U Camulixic ri Pixab 10:19

Chilok'ok'ej ba ri man i winakil ta ri xa rokxanim rib chixo'l, je c'u xiban ix, xiwokxanij na iwib pa Ejipt.

U Camulixic ri Pixab 5:15

Chnataj chawe chi xatc'oji' na che lok'om pataninel pa Ejipt, are c'u ri Ajawaxel ri a Dios xatresaj ulok chila' ruc' nimalaj chuk'ab. Rumal c'u ri' ri Ajawaxel ri a Dios catutako chi man catchacun ta pa ri k'ij re uxlanem.