2 “Ri in cätajin quinwaric c'asc'atinak c'ut ri wanima'. Xinto chi ri quinlok'ok'ej casiq'uin chuchi' ri uchi'ja: ‘¡Chajaka' chnuwäch, nu lok'; alaj wana'b, alaj nu ut ri k'apoj! ¡Ri nu jolom nebel rumal ri räxk'ab! ¡Ri räxk'ab re ri chak'ab cabelel pa nu jolom!’
Nu palomax ri quebac'u' awib xo'l tak ri abaj, pa tak chicajil xukuje' c'axalaj tak c'ubal ib chaya' chwe chi quinwil ri a palaj, chaya' chwe chi quinta' ri a ch'abal. ¡Man c'o ta c'o wi ri awilic! ¡Sibalaj qui' ri a tatabexic!’ ”
“¡Ulem cuban ri quinlok'ok'ej! ¡Quinta' chi apanok ri u ch'abal! Cach'opinic petinak paquiwi' nimak tak juyub, cach'opinic petinak chquixo'l ri alaj tak juyub.
Xaweläk'aj ri wanima', alaj wana'b, at ri catec'ulan wuc'; xaweläk'aj ri wanima' ruc' xa jun a cayenic ri xaya' chwe, ruc' jun chque ri jujun tak rabaj a chachal.
are c'u ri alaj nu ut ri k'apoj xa jun u tuquiel xa jun ri mialaxel ri sibalaj cajwaxic rech ri ixok ri xalanic. Aretak xca'yex cumal ri alitomab xequicot ruc'; xukuje' tak ajawinelab ixokib xukuje' ri man kas ta e ixokilab caquiya' u k'ij.”
Ri qui ja'il conojel tak ri plo man quecuin ta ri' che u chupic ri lok'ok'ebal c'uxaj; mawi ta ne tak ri nima' quecuin ta che u chupisaxic. We ta c'o jun quebuchi'j ta conojel ri u k'inomal che u q'uexwäch ri lok'ok'ebal c'uxaj, xa etz'ben tak wächaj cuc'ulaj na.”
Xinchi'j ri uwo wachak rech quinrapuxic xukuje' xak xinna' chi xebok ri wismachi'. Man xinwesaj ta ri nu palaj chquiwäch ri xinquiyok'o xukuje' xinquichubaj.
Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.
E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.
Chawilampe', in tac'al chuchi' ri ja, quinc'orc'otic. We c'o jun cuta' ri nu ch'abal cujak c'u ri uchi'ja, quinoc na ruc' pa ri ja', quinwa' na ruc', xukuje' c'u ri are' wuc' in.