7 Chabij chwe, u lok'ok'ebal c'u'x ri nu c'aslemal, ¿Jawije' quebayuk'uj wi tak ri a jumulaj? ¿Jawije' quebac'am wi bic che uxlanem aretak curik ri tiq'uil k'ij? ¿Jas ta che xak quinbinic jacha' jun wacatel, Chquinakaj tak ri e qui jumulaj tak ri e awachil?”
Ajawaxel, ch'ukul wech, quinrak nu chi' che ch'abexic la. ¡Mäk'il ib la che nu to'ic! We cäk'il ib la che nu to'ic quinna' wib ri' chi in c'o chic chquixo'l ri cäminakib.
Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,
“Ri quinlok'ok'ej uxinak, chquixo'l tak ri achijab, jacha' ri u che'al mansa'n chquixo'l tak ri che' ri e c'o pa ri c'ache'laj. ¡Man c'o ta c'o wi aretak xint'uyi' chuxe' ri u mujal! ¡Sibalaj qui' xinna' ri u wächinic!
ri u pa u chi' man c'o ta c'o wi ri u qui'al. ¡Ronojel are' are jun ch'äcanel! Je u banic wa' ri nu lok', je u banic wa' ri lok' chwe, ixokib aj Jerusalen.”
“Ri lok' chnuwäch benak pa ri ticbal u cotz'i'j, chupam ri ticbal u cotz'i'j ri c'oc'arinak, che u yuk'uxic ri u jumulaj xukuje' che qui ch'upic tak ri roxox.
Mawi jumul quec'oji' chi winak chupam, mawi jun cäjeki' chi chupam. Ri aj arabib man quebec'ol ta chic chila', mawi ri ajyuk'ab cäquiyuk'uj ta chic ri qui chij chila'.
Ruc' ronojel ri wanima' quinbik'bit che la chak'ab kas pa ri wanima' q'uiyinak wi ulok ri rayinic che tzucuxic la. Aretak cak'at la tzij puwi' ri uwächulew ri achijab cäquetamaj na jas ri suq'uil.
Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.
Quinebixon na pa ri u bi' ri wanima' wib ruc' ri utz na, ri bix ri quinbixoj che ri ticbal u uva. Ri wanima' wib ruc' c'o jun ticbal u uva pa jun ulew ri sibalaj cäwächinic.
Cächa ri Ajawaxel ri c'o ronojel u cuinem: “Chupam we ulew ri' ri uxinak chaki'j uwo sak, ri man e c'o ta wi winak mawi awaj xukuje' pa conojel ri u tinimit tak, queq'uiy chi na echa' ri quequic'am wi na bic tak ri ajyuk'ab ri e qui jumulaj.
Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.
Apachin ri are lok' na ri u tat o ri u nan chnuwäch in, man in takal ta che; apachin ri are lok' na ri u c'ojol o ri u mia'l chnuwäch in, man in takal ta che.
Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.
Quilok'ok'ej ri Jesucrist pune' man iwilom ta u wäch, quixcojon che pune' man quiwil ta camic. Sibalaj quixquicot ruc' ri Jesucrist, ruc' jun quicotemal ri man quixcuin ta che u bixic, c'o i quicotemal ri nim u k'ij.
Chiwe ix ri quixcojonic: pakal rajil. Chque c'u ri man quecojon taj: “Ri abaj ri xquixutuj ri yacanelab, are wa' ri abaj ri xux nim u k'ij, ri cächapow ri yacom;”
Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”
