Apocalipsis 3:2 - Quiché Bible

² Chatc'astajok. Chaya' qui chuk'ab ri jastak ri e c'o na, ri xa jubik' cäraj man quecämic. Quinwilo chi man tz'akat taj ri a chac chuwäch ri nu Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xaq jeriꞌ are katanik chatkꞌastajoq, chakꞌasuj ri raj kakamik, rumal cher wilom chi ri achak man qajinaq ta cho ri Dios.

K'iche'

² Chatc'astajok, chabana ru banic ri c'ä c'o awuc' ri xa jubik' man cäsach u wäch. Wilom c'ut ri tajin cabano chi man jicom tä ri' cho ri nu Dios.

K'iche' (New Orthography)

² Chatk'astajoq, chab'ana ru b'anik ri k'ä k'o awuk' ri xa jub'iq' man käsach u wäch. Wilom k'ut ri tajin kab'ano chi man jikom tä ri' cho ri nu Dios.

Apocalipsis 3:2 交叉參考

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 15:3

Ri Abiam xebuban ri junam tak macaj ri xebuban ri u tat nabe, man xux ta c'u jic ri ranima' che u nimaxic ri Ajawaxel ri u Dios, jacha' ri xuban ri David ri e u mam.

Ucab Tzijobelil 25:2

Ri e u banoj tak ri Amasiy e suc' chuwäch ri Ajawaxel, man jic ta c'ut xbin amak'el.

Ri Job 16:5

ch'uch'ujalaj tak tzij ri que cu'bisan tak c'uxaj, che u ya'ic chäjin anima' chiwe xukuje' i chuk'ab.

Ri Isaiy 35:3

Chebicowirisaj ri tukarib, chiya' qui chuk'ab ri e cosinak,

Ri Isaiy 56:10

e moyirinak c'ut ri chajil rech ri nu tinimit, man c'o ta jas cäquinabej. Conojel e memab tak tz'i', ri man quecuin ta quewalijic xak cotolem cäquipatanij, xak achic' cäquibano sibalaj qui' cäquina' ri waram.

Ri Isaiy 57:12

Quinwesaj c'u na u tzijol ri a c'aslemal, ri at cachomaj chi sibalaj at tz'akat.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Ri Daniel 5:27

TEKEL: Ri lal, xpajtaj la pa ri pajbal, man c'u c'o ta alal la;

Ri Zacariy 11:16

Rumal rech chi quencojo' na jun ajyuk' puwi' we ulew ri' ri man coc ta na il chque ri chij ri quijolom qui be, mawi cutzucuj ta na ri sachinak, mawi cucunaj ta na ri socotajinak, mawi cutzuktzubej ta ri tukarinak, xane' are cutij na ri qui ti'jal ri e chomak na mawi c'u ne quebuto' ta can ri quixq'uiak.

Ri Matey 23:5

Cäquiban ronojel ri qui chac rech queca'yex cumal ri winak: cäquinimarisaj u wäch ri rabarak tak wuj ri cäquicoj chiquipalaj, xukuje' che ri qui k'ab; cäquinimarisaj ri u chiyichic ri u chi' catz'iak;

Ri Matey 25:13

Chixc'asc'at ba', rumal rech chi man iweta'm taj jachique k'ij, mawi iweta'm jachique jok'otaj cäpe ri Rija'l winak.”

Ri Matey 25:7

Xewalij c'u conojel ri alitomab ri', xequisuc'umala' ri yabal qui c'olbal k'ak'.

Hechos 18:23

Xc'oji' q'ui k'ij chila', xel bic. Xoc'ow pa tak ri tinimit re Galas xukuje' Prij chquijujunal. Xebupixbej conojel ri cojonelab rech cac'oji' u chuk'ab ri qui cojonic.

U Camulixic ri Pixab 3:28

Chabij che ri Josue jas ri rajawaxic cubano; chaya' u chuk'ab, chaya' chajin anima' che, are c'u cäc'amow na qui be ri tinimit, are cäjachow na ri ulew che quechbal ri cawila' na camic.’

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

Apocalipsis 16:15

Chiwilampe', quinpetic je jacha' jun eläk'om. Utz re ri cäc'asc'atic, ri quebuchajij ri ratz'iak, rech man ch'anal taj cäbinic, man quebel ta ri u q'uixbal.

Apocalipsis 2:4

C'o c'u jas quinna' chawij, chi a yo'm can ri lok'ok'ebal c'u'x ri c'o awuc' nabe.

Apocalipsis 3:1

“Chatz'ibaj che ri tako'n re ri comon cojonelab pa Sards: ‘Ri c'o ri wukub ruxlabal ri Dios ruc', xukuje' e c'o ri wukub ch'imil ruc', je cubij wa': Weta'm jas ri a chac cabano. Weta'm chi at cäminak, pune' elinak a tzijol chi at c'aslic.

Apocalipsis 3:3

Chnataj ba chawe ri tzij ri a c'amom xukuje' ri a tom; chabana', chaq'uexa' ri a c'u'x. We c'u man catc'asc'atic, quinpe awuc' jacha' ta ne jun eläk'om, man c'o ta canabej jachique jok'otaj quinpe awuc'.