Apocalipsis 2:9 - Quiché Bible

⁹ Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ In wetaꞌm ri achak xuqujeꞌ ri kꞌax ri kariqo, je xuqujeꞌ ri amebꞌail, pune jeriꞌ at, at qꞌinom. Wetaꞌm chi ri winaq ri kakibꞌij chi aꞌj Israel kakibꞌan bꞌanoj tzij chawij pune kꞌu jeriꞌ kakibꞌano, we winaq riꞌ xaq e rachoch ri Itzel.

K'iche'

⁹ In wetam chi tajin carik c'äx, wetam chi at meba', pune ta ne we ta cäbix ri kas tzij, at k'inom. Wetam chi catyok' cumal ri winak ri cäquibij chi e aj Israel. Man e aj Israel tä c'ut, xane e jun comon winak ri e rech ri Satanás.

K'iche' (New Orthography)

⁹ In wetam chi tajin kariq k'äx, wetam chi at meb'a', pune ta ne we ta käb'ix ri qas tzij, at q'inom. Wetam chi katyoq' kumal ri winaq ri käkib'ij chi e aj Israel. Man e aj Israel tä k'ut, xane e jun komon winaq ri e rech ri Satanás.

Apocalipsis 2:9 交叉參考

Ri Matey 4:10

Xubij c'u ri Jesus che: “¡Jät, Satanas! Tz'ibatal c'ut: ‘Chak'ijilaj ri Ajawaxel a Dios, xak xuwi c'u ri are capatanij.’ ”

Ri Lucax 12:21

Jewa', ri cac'ulmataj ruc' ri winak ri cumulij u k'inomal chbil rib, man k'inom ta c'u ne cho ri Dios.”

Ri Lucax 22:65

Xukuje' niq'uiaj q'ui jastak chic xquibij che, xquiyok'o.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.

Ri Lucax 6:20

Ri Jesus xca'y chque ri u tijoxelab, xubij: “Utz iwe ri ix mebayib, rumal rech chi iwech ri rajawibal ri Dios.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Hechos 14:22

Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

Hechos 26:11

Q'ui mul xinc'äjisaj qui wäch pa tak ri ja ri cäquitijoj wi quib ri aj judeyib che ri pixab. Xincoj chuk'ab chque che u k'ilic quib che ri qui cojonic. Sibalaj xpe woyowal chquij, c'ä xinoc pa tak ri tinimit ri man e aj kuc' taj che qui c'axc'obisaxic.”

Romanos 12:12

Chixquicot pa ri cu'lbal i c'u'x. Chich'ija' ri c'axc'olil. Amak'el chibana' ch'awem.

Romanos 2:17

We at cabinaj aj judey, we at uxlaninak pa ri pixab, we canimarisaj a k'ij chrij ri Dios.

Romanos 5:3

Man xuwi ta c'u wa'. Xane' cujquicot rumal quech tak ri c'axc'olil ri quepe pakawi'. Keta'm chi aretak cäkarik c'ax, cäketamaj na u ch'ijic ri c'ax.

Romanos 8:35

¿Jachin ta cujtasow chrij ri lok'ok'ebal u c'u'x ri Crist? ¿la c'axc'olil? ¿la nimalaj bis? ¿la okatanic? ¿la wija'l? ¿la ch'analiquil? ¿la ri xak quieb cubij pakawi' we ne cujcämic? ¿la ch'ich' re ch'o'j?

Romanos 9:6

Man quinbij taj chi ri Dios ma ta xubano jas ri u bim ulok. Man conojel ta c'u ri e rija'lil ri Israel kas e aj Israel.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

2 Corintios 8:2

Pune' c'o nimalaj c'axc'olil paquiwi', nim ri qui quicotemal; pune' sibalaj e mebayib, qui yo'm c'u q'ui sipanic chque niq'uiaj chic, je ta ne e k'inomab.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

1 Tesalonicenses 3:4

Aretak c'ä uj c'o iwuc', ka bim ulok chiwe chi cäkarik na c'axc'olil; jas ri xc'ulmaxic, jas ri iweta'm.

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.

Apocalipsis 2:24

Quinbij, chque ri e c'o pa Tiatir, conojel ri man qui terenem ta we tijonic ri', ri man quetamam ta ri jastak re ri Satanas, jas ri cäquibij e are'. Man quinya' ta chi c'u na jun eka'n chque;

Apocalipsis 3:9

Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.