Apocalipsis 16:10 - Quiché Bible

¹⁰ Ri uro' tako'n aj caj xuk'ij ri u lak puwi' ri u tem ri itzel awaj re ajawibal. Xk'ekumar c'u ri rajawibal. Ri winak xquicach'uj ri cak' rumal rech ri k'oxowem.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri uroꞌ ángel xuꞌtixa ri kꞌo pa ri uqumubꞌal puꞌwiꞌ ri utꞌuyulibꞌal ri nimalaj awaj. Xqꞌequꞌmataj kꞌut ronojel ri rajawarem ri awaj xuqujeꞌ konojel ri winaq kakitiꞌtitej ri kaqꞌ rumal ri qꞌoxom,

K'iche'

¹⁰ Ri uro' ángel xujamij ri c'o pa ru lak puwi' ri je'lalaj u t'uyulibal ri xibibalalaj awaj, xk'ekumar c'u ronojel ri tinimit ri cätakan wi. Ri winak c'ut xquitia' ri cak' rumal ri k'axom.

K'iche' (New Orthography)

¹⁰ Ri uro' ángel xujamij ri k'o pa ru laq puwi' ri je'lalaj u t'uyulib'al ri xib'ib'alalaj awaj, xq'equmar k'u ronojel ri tinimit ri kätaqan wi. Ri winaq k'ut xkitia' ri kaq' rumal ri q'axom.

Apocalipsis 16:10 交叉參考

Salmib 78:49

Ri Dios xutak ulok ri royowal paquiwi' ri cäk'ak'anic: oyowal, c'okonic xukuje' c'axc'olil, xebucoj che u tako'n che u banic c'ax chque.

Ri Matey 13:42

Quequiq'uiak na pa ri jorno re k'ak' ri quebok' wi na ri cakuch'uch' wi na ri qui ware.

Ri Matey 13:50

quequiq'uiak na pa ri jorno ri canicowic; quebok' na chila', cäquikuch'uch'ej na ri qui ware.”

Ri Matey 22:13

C'äte ri' ri ajawinel xubij chque ri u tako'n: ‘Chebiyutu' ri rakan u k'ab, chiq'uiaka' apan pa ri k'eku'm jela'. Cok' c'u na chila', cukuch'uch'ej na ri u ware.’

Ri Matey 24:51

Ri rajaw cuc'äjisaj c'u na u wäch, cuya' na ri re cuc' ri xa' quieb qui wäch. Quebok' chila', cäquikuch'uch'ej ri qui ware.”

Ri Matey 8:12

E are tak c'ut ri takal ri ajawibal chque queq'uiak na naj pa ri k'ekumalil, ri quebok' wi na, caquikuch'uch'ej na ri qui ware.”

Ri Lucax 13:28

Chila' c'ut quixok' wi na xukuje' quikuch'uch'ej na ri e i ware, aretak quebiwil ri Abraham, ri Isaac xukuje' ri Jacob pa ri rajawibal ri Dios cuc' conojel ri k'axal tak tzij, ri ix c'ut ix yo'm apan jela'.

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.

Apocalipsis 11:10

Ri e jekel cho ri uwächulew quequicot na che ri qui cämical. Cäquiban na nimak'ij, cäquitakala' na sipanic chquixo'l. Rumal rech chi we e quieb k'axal tzij ri' qui banom c'ax chque ri e jekel cho ri uwächulew.

Apocalipsis 11:2

Mawetaj ri uwo ja ri c'o cho ri rachoch Dios, rumal rech chi yo'm chque ri man aj judeyib taj. Ri e are' cäquitac'alej na ri tastalicalaj tinimit cawinak quieb ic'.

Apocalipsis 11:8

Ri qui cuerp queya' na can pa ri nim be pa ri nimalaj tinimit, jawije' xrip wi ri Cajaw cho ri ripibal. Pa c'ambal no'j, cäbix Sodom xukuje' ri Ejipt che u bi' ri tinimit ri'.

Apocalipsis 17:17

Are c'u ri Dios u yo'm pa canima' chi cäquiban ri u chomanic ri are', chi xa junam qui chomanic cäquiya' ri cajawibal che ri itzel awaj, c'ä quetz'akatisax na ri u tzij ri Dios.

Apocalipsis 17:9

Waral c'o wi ri chomanic chque ri c'o qui no'j: Ri wukub jolomaj quebuq'uex wächaj wukub juyub, ri cät'uyi' wi ri ixok, xukuje' quebuq'uex wächaj wukub ajawinelab.

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.

Apocalipsis 18:21

Jun cowilaj tako'n aj caj xuwalijisaj jun abaj jas jun nimalaj ca', xuq'uiak bic pa ri plo, xubij: “Je u q'uiakic wa' ri nimalaj tinimit Babilon cäbanic ruc' chuk'ab, mawi jumul cäriktaj chic.

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

Apocalipsis 8:12

Ri ucaj tako'n aj caj xrok'esaj ri u trompet. Xban c'ax che ri u roxil ri k'ij, ri u roxil ri ic' xukuje' ri qui roxil ri ch'imil. Jeri' chi ri jujun qui roxil xek'ekumaric, man xquitunuj ta ri qui chaj pa ri jun u roxil ri k'ij mawi' pa ri jun u roxil ri chak'ab.

Apocalipsis 9:2

Xujak ri jul re ri k'ekumalaj c'olbal, xpaki' ulok sib pa ri jul, jas ri u sibal jun nimalaj jorno. Xk'ekumar ri k'ij xukuje' ri quiakik' rumal ri u sibal ri jul.