Apocalipsis 11:3 - Quiché Bible

³ Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

RI KꞌAKꞌ TESTAMENTO PA TZIJOBꞌAL KꞌICHEꞌ

³ Kinya xuqujeꞌ na bꞌe chike ri kebꞌ qꞌalajisal taq we kinkitzijoj na jun mil rukꞌ kebꞌ ciento rukꞌ oxkꞌal qꞌij, kakikoj na katzꞌyaq bꞌantal che koxtar rech kaqꞌalajinik chi sibꞌalaj kebꞌisonik.

K'iche'

³ Ri in c'ut queintak na bi ri quieb nu k'alajisanelab ri cäquitzijoj na ri nu Tzij. Mil quieb ciento ruc' oxc'al k'ij cäquitzijoj na ri nu Tzij, qui cojom c'u atz'iak re bis.

K'iche' (New Orthography)

³ Ri in k'ut keintaq na b'i ri kieb' nu q'alajisanelab' ri käkitzijoj na ri nu Tzij. Mil kieb' ciento ruk' oxk'al q'ij käkitzijoj na ri nu Tzij, ki kojom k'u atz'iaq re b'is.

Apocalipsis 11:3 交叉參考

Chapletajic 37:34

Ri Jacob xujis ri ratz'iak chrij rumal ri u bis, xucoj atz'iak re bis, q'ui k'ij xrok'ej u wäch ri u cämical ri u c'ojol.

Ucab Samuel 3:31

Ri David xuya' takanic che ri Joab xukuje' chque conojel ri e achilaninak, xubij chque: “Chebijisa' ri iwatz'iak chiwij chebicojo wakwoj tak atz'iak chiwij, chiwok'ej ri u cämical ri Abner.” Ri ajawinel xteri' bic chrij ri Abner aretak xc'am bic pa mukic,

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Ucab Ajawinelab 19:1

Aretak ri ajawinel Ezequiy xuta' ri xbixic, xujis ri ratz'iak chrij, xebucoj wakwoj tak atz'iak chrij che u c'utic chi c'axc'obinak ri ranima' xbe c'ut pa ri rachoch ri Ajawaxel,

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Ri Nehemiy 9:1

Pa ri k'ij juwinak quiejeb (24) re ri rajilabal ri ic' ri', ri aj israelib xquimulij quib man xquitij ta qui wa; xecatz'iakila' tak quib cuc' wakwoj tak atz'iak, xquijopij c'u ulew pa qui jolom.

Ri Job 16:15

In nojinak che bis, xebencoj wakwoj tak atz'iak xinmuk c'ut ri nu jolom chupam ri puc'uc' ulew.

Salmib 69:11

we quincoj atz'iak re bis, conojel cäquitze'j nu wäch.

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Ri Jeremiy 1:10

“In quebenya' na ri e nu tzij chachi'. Camic quinya' tz'akatalaj takanic pa a k'ab paquiwi' ajawibal xukuje' nimak tak tinimit, che bokonic xukuje' t'akinic, xukuje' che yojinic xukuje' che c'äjinic, xukuje' c'u che yacanic xukuje' che tac'abanic.”

Juyuwem 2:10

Ri e u ri'jab tak tatayib ri je'lalaj Sion quet'uyi cho ri ulew man quech'aw taj, quequiq'uiakala' ulew pa qui jolom quequicoj wakwoj tak atz'iak chquij. Ri c'ojolab aj Jerusalen quequipachba' ri qui jolom c'a cho ri ulew.

Ri Ezequiel 4:6

Aretak c'u atz'akatisam we k'ijol ri', catk'oyi na puwi' ri awiquiak'ab caya' c'u na ri u mac ri rajawibal ri Juda chawij cawinak k'ij. Jun k'ij cuc'ut jun junab chak'maquil.

Ri Daniel 12:7

Ri achi ri e u cojom tak sakloloj atz'iak re lino xebuyac ri u k'ab chicaj, cätajin cuban ri chi'nic ri kas cäban na pa ri u bi' ri c'aslic Dios, xubij: ‘Pa oxib junab ruc' wakib ic', aretak cätanabax u banic c'ax che ri u cuinem ri u tinimit ri Dios, c'äte ri' cäq'uis na qui tza'm conojel we jastak ri'.’

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 8:14

Ri xtzelebex u wäch are wa': ‘C'ä chu quieb mil oxib sient (2,300) xk'ekal xukuje' ak'abil. Aretak oc'owinak chi wa', ri k'ijilabal cäch'ajch'obisax na.’

Ri Joel 1:13

Ix, cojol tabal tok'ob pataninelab rech ri porobal, chebicojo wakwoj tak atz'iak chixok' c'u rumal k'oxomal, rumal rech chi pa ri rachoch ri i Dios man e c'o ta chic c'äj mawi u wa'l uva che quiya'ic tak sipanic.

Ri Jonas 3:5

Ri winak ri e c'o pa ri tinimit, chi ri'jab chi ac'alab xecojon che ri Dios, xquiya' u bixic chi man cätijow ta wa, xukuje' xequicoj wakwoj tak atz'iak che u c'utic ri k'oxomal.

Ri Jonas 3:8

Chebicojo c'u wakwoj tak atz'iak chiwij, che u c'utic ri k'oxomal, chitok'olej c'u ri Dios ruc' ronojel ri i chuk'ab. Chequiya' canok chquijujunal ri itzel qui c'aslemal xukuje' ri tokinic ri c'ä cätajin queban camic,

Ajilanic 11:26

Quieb achijab, ri jun Eldad u bi' ri jun chic Medad, ri e are' juch'ob chque ri oxc'al lajuj (70), ri man xebe ta chupam ri Lic'om Rachoch Dios xane' xecanaj can chupam ri kajebal. Xukuje' c'u ne ri e are' xkaj ri uxlabal paquiwi' xquichaplej c'u tzijonem e jacha' e k'axal tzij chupam ri kajebal.

Ri Matey 11:21

Ri Jesus xubij: “¡C'ax awe, tinimit Corazin! ¡C'ax awe, Betsaid! Ri nimak tak mayibal ri xinban iwuc' ix, we ta pa Tir, we ta pa Sidon xeban wi, ri e are ojer ta ri' xquiq'uex qui c'u'x. Rumal ri' xquicoj ta chaj xukuje' xquicoj ta wakwoj atz'iak ri' chquij.

Ri Matey 18:16

We c'u man cutatabej ri a tzij, chebac'ama' bic jun o quieb winak chic awuc'. Jeri' ix c'o ix quieb oxib ri iweta'm jas u banic ri c'ax c'o chixo'l ruc' ri awachalal, rech quejiquibax ri i tzij.

Ri Lucax 10:13

“¡C'ax cärik na, tinimit Corazin! ¡C'ax cärik na, tinimit Betsaid! We ta pa Tir pa Sidon xeban wi ri nimak tak mayibal ri e bantajinak iwuc', ojer ta ri' xquiq'uex ri qui c'u'x, xet'uyi' ta ri pa chaj, xquicoj ta atz'iak wakwoj ri che u c'utic chi quebison rumal ri qui mac.

Ri Lucax 24:48

Ix c'ut ix k'alajisanelab che wa'.

Ri Xuan 15:27

Xukuje' ri ix quixk'alajisan na, rumal rech chi ix c'olinak c'u wuc' kas pa ri tiquiritajic.”

Ri Xuan 3:27

Ri Xuan xubij chque: “Man cäcuin ta jun winak c'o cuc'amo, we ta ma ta cäyataj che chicaj.

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Hechos 13:31

“Q'uialaj k'ij ri Jesus xuc'utula' rib chquiwäch ri winak ri e c'o ruc' aretak xel ulok pa Galiley, xbe pa Jerusalen. E are' c'u ri' quek'alajisan chquiwäch ri winak camic jas ri quilom.

Hechos 2:32

We Jesus ri' xc'astajisax rumal ri Dios. Konojel c'u uj xkilo chi xc'astajic.

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

2 Corintios 13:1

Are urox mul wa' ri quinbe iwuc'. Rajawaxic cächomax na ronojel c'ulmatajic rumal ri qui tzij e quieb o e oxib k'alajisanelab.

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

U Camulixic ri Pixab 17:6

Xuwi cuya' cätak u cämisaxic jun winak we e c'o quieb o oxib k'alajisanelab chrij, we xa jun ri k'alajisanel, man c'o ta jun winak cuya' cätak u cämisaxic.

U Camulixic ri Pixab 19:15

“Ri tzujunic ri cuya' xa jun k'alajisanel man c'ot u chuk'ab che u c'utic chi jun winak u banom jun cämisanic o apachique mac. Xuwi c'o u chuk'ab ri tzujunic we cäban cumal quieb o oxib k'alajisanelab.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 11:2

Mawetaj ri uwo ja ri c'o cho ri rachoch Dios, rumal rech chi yo'm chque ri man aj judeyib taj. Ri e are' cäquitac'alej na ri tastalicalaj tinimit cawinak quieb ic'.

Apocalipsis 11:6

C'o qui cuinem che u tz'apixic ri caj, rech man cäpe ta chi jäb pa tak ri k'ij aretak cäquitzijoj ri u tzij ri Dios. Xukuje' c'o qui cuinem che qui q'uexic ri ja' pa quic', xukuje' che u banic c'ax che ri uwächulew ruc' ronojel u wäch c'axc'olil joropa' mul ri cäcaj.

Apocalipsis 12:6

Ri ixok xanimaj bic pa ri chaki'j uwo sak, jawije' suc'umam wi jun u c'olbal rumal ri Dios, rech chila' cätzuk wi jun mil quieb sient oxc'al (1260) k'ij.

Apocalipsis 13:5

Xya' che ri xibibal awaj jun u chi' ri quebubij c'axalaj tak tzij nimak tak jastak ri cayok'on che ri Dios. Xya' c'u che chi catakan cawinak quieb (42) ic'.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.