Aj Levitib 7:7 - Quiché Bible

⁷ Ri tabal tok'ob ri u mac rech ri chak'maquil xak junam ruc' ri tabal tok'ob ri u mac rech ri macunic, e are tak c'ut ri pixab xak e junam chque qui cabichal: ri chi'm cux na rech ri cojol tabal tok'ob ri cäpatanij che u rikic ri sachbal macaj.

Aj Levitib 7:7 交叉參考

Ucab Ajawinelab 12:16

Are' c'u ri puak ri quech tak ri sipanic u mac ri chak'maquil xukuje' u mac ri macaj man quec'am ta bic chupam ri rachoch Dios, xane' quech ri e cojol tabal tok'ob.

Ucab Ajawinelab 12:17

Pa ri k'ijol ri', ri Hazael, ajawinel re Siriy, xch'ojinic xutokij ri Gat xk'ax c'u pa u k'ab, xpe c'u che u banic ch'o'j ruc' ri Jerusalen.

Aj Levitib 14:13

Rajawaxic cupil ri ama' chij pa ri c'olbal ri tastalic ri cätok' wi ri qui kul ri awaj ri queya' che tabal tok'ob che u josk'ixic ri macaj xukuje' ri e tabal tak tok'ob ri quechajirisaxic. Ri tabal tok'ob che u josk'ixic ri chak'maquil cux rech ri cojol tabal tok'ob, xukuje' ri tabal tok'ob josk'ibal macaj, jun jasach c'u wa' ri sibalaj tastalic.

Aj Levitib 2:10

Are c'u ri cacanaj can che ri sipanic, ri are' jubik' ri sibalaj tastalic chquixo'l ri sipanic ri quenicowisaxic che u ya'ic u k'ij ri Ajawaxel, cäcanaj che ri Aaron xukuje' chque ri e rija'lil.

Aj Levitib 2:3

Are c'u ri jubik' ri cäto'taj can che ri sipanic, ri are jubik' ri sibalaj tastalic chquixo'l ri sipanic ri quec'atisax che u ya'ic u k'ij ri Ajawaxel, cacanaj che ri Aaron xukuje' chque tak ri e rija'lil.

Aj Levitib 6:17

Maquitzac ruc' ch'am, e nu yo'm wa' chque jacha' ri qui tz'akatil ri sipanic ri queya' chwe ri queporoxic, jun jasach c'u wa' ri sibalaj tastalic, e jacha' ri tabal tak tok'ob qui mac ri macaj xukuje' u mac ri chak'maquil.

Aj Levitib 7:8

Junam xukuje', ri cojol tabal tok'ob ri capilow ri awaj ri cächajirisaxic re jachin jun, ri u tz'umal ri awaj cäcanaj can che ri are'.

Ajilanic 5:8

We c'u ri winak ri cäban wi ri banoj c'ax cäminak chic man c'o ta c'u jun rachalaxic ri' nakaj ta che ri caya' ta wi ri rajil u q'uexel, cacanaj na can wa' che ri Ajawaxel che u to'ic ri cojol tabal tok'ob, c'o chi c'u na ri' ri ama' chij ri rajawaxic cuchi'j na ri cojol tabal tok'ob, che u rikic ri sachbal mac che u josk'ixic ri u mac we winak ri'.

1 Corintios 10:18

Kas chebiwila' ri aj israelib; ri quequitij quech ri awaj ri e chi'm che tabal tok'ob ri' caquic'am quech ri tabal tok'ob.

1 Corintios 9:13

¿La ma ta iweta'm chi ri quechacun pa ri tastalicalaj tak jastak re ri rachoch Dios, cäquitij que ri jastak re ri rachoch Dios? ¿La ma ta iweta'm chi ri quepatanin chuwäch ri porobal, cäquitij que ri ti'j re ri awaj ri cäya' puwi' ri porobal?