Aj Levitib 7:18 - Quiché Bible

¹⁸ We c'o jun cätijow ri u ti'jal ri awaj re utzirisan ib che ri urox k'ij, man cäc'amar ta we tabal tok'ob ri' rumal ri Ajawaxel; man c'o ta cupatanij che ri xyo'wic ri cätijowic we ti'j ri' cäbe ri mac chrij.

Aj Levitib 7:18 交叉參考

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ri Isaiy 65:4

ri cät'uyi xo'l tak ri mukubal, queroc'owisaj tak ri ak'ab chquixo'l tak ri mukubal ri cutij ti'j ak quebunojisaj c'u tak ri e u t'uy chque tz'ilalaj tak calto.

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Jeremiy 14:10

Ri Ajawaxel je cubij wa' che ri tinimit Israel: “We tinimit ri' are cäkaj ri amak'el wacatem chuwäch cäbe je la' cäbe jeri'. Rumal ri' man cäkaj ta chnuwäch. Camic quenataj ri e u mac chwe quincot c'u na u chi'.”

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ri Ezequiel 18:20

Xuwi ri winak ri camacunic cäcäm na. Mawi ri c'ojolaxel cukajbejtaj ta ri u mac ri tat mawi ri tat cukajbejtaj ta ri u mac ri c'ojolaxel. Ri suc' cuc'am na ri tojbal rech che ri u suq'uilal; ri banal etzelal, ri c'äjisabal u wäch che ri retzelal.”

Ri Osey 8:13

We winak ri' quekaj ri tabal tak tok'ob chquiwäch, quepilon c'ut; are c'u ri in, ri Ajawaxel man quinquicot ta cuc': quenataj na chwe ri etzelal tak ri e qui banom, quinc'äjisaj c'u na qui wäch rumal ri qui mac, quinban c'u na chque chi quetzelej pa Ejipt.

Aj Levitib 10:17

“¿Jasche man xitij ri tabal tok'ob u mac rech ri macaj pa ri c'olbal ri tastajinak? Jun jasach c'u wa' ri sibalaj tastalic, u yo'm c'u ri Ajawaxel chiwe rech ix quixekan ri qui mac ri aj israelib, quirik c'u ri sachbal qui mac rumal ri Ajawaxel.

Aj Levitib 10:19

Ri Aaron, xubij che ri Moises: Chawilampe', camic ri e are' qui jachom ri tabal tok'ob chuwäch ri Ajawaxel u mac rech ri macaj xukuje' ri qui tabal tok'ob ri cächajirisaxic; are c'u ri in xebenc'ulmaj we jastak ri', we ta c'u xintij ri tabal tok'ob camic ri u mac rech ri macaj, ¿la cäc'amar ta c'u lo ri' chuwäch ri Ajawaxel?”

Aj Levitib 11:41

Mitij jun chicop ri cujururej rib cho ri ulew; awaj wa' ri etzelam u wäch.

Aj Levitib 17:16

We c'u man quebuch'aj ri ratz'iak mawi catinic, cäkajbex rumal ri u mac.”

Aj Levitib 19:5

Aretak quebiya' chuwäch ri Ajawaxel tabal tok'ob re utzirisan ib, je u banic wa' chibana' rech cuc'am ri Dios chiwe.

Aj Levitib 20:17

We c'o jachin jun cuc'am ri rana'b che rixokil, u mia'l ri u tat o ral ri u nan, cacuc'aj c'u quib, e quieb quecämisax na chquiwäch ri qui winakil; ri caruc'aj rib ruc' ri kas rana'b are jun banoj wa' ri sibalaj q'uixbal, ri cäbanowic cakaj ri u mac puwi'.

Aj Levitib 20:19

Mawuc'aj awib ruc' ri rachalal ri a nan, mawi ri rana'b ri a tat; uc'anic wa' ruc' jun achalaxic re nakaj, e quieb cäbe ri qui mac paquiwi'.

Aj Levitib 22:16

maquikajbej c'ut ri etzelal re ri qui mac u mac rech ri qui tijic ri jastak ri e tastajinak. In ri' ri Ajawaxel, ri e nu tasom.”

Aj Levitib 22:23

Jacha' che sipanic ri xak pa ech wi cuya' cächi'j jun ama' wacax o jun ama' chij pune' cutucak cakan, we c'u che u tz'akatisaxic jun chi'nic man cäc'amar ta na.

Aj Levitib 22:25

Mawi mebic'am we awaj tak ri' pa qui k'ab ri man e i winakil taj, che u chi'xic jacha' ta ne che k'obibal che ri i Dios, e awaj wa' ri c'o qui yab, man quec'amar ta wa' chque.”

Aj Levitib 5:17

We c'o jun winak cämacunic, cuc'ulelaj c'u ri u takanic ri Ajawaxel, pune' man xuch'obo aretak xubano, cäcanaj ajchak'mac, cuch'ob c'ut chi macuninak.

Aj Levitib 7:19

Ri ti'j ri cuchap apachique jasach ri tz'il, man cätij taj, xa cäporox pa k'ak'. Conojel ri e ch'ajch'oj cuya' cäquitij que ri ti'j.

Ri Amos 5:22

Man quenwaj taj ri je'lalaj tak c'oc'al ri quebichi'j che u ya'ic nu k'ij, mawi tak ri e i sipanic quech tak c'äj; man quebenc'amowaj ta ri k'obinak alaj tak ama'ib tak wacax ri quebiya' che tabal tak tok'ob re utzirisan tak ib.

Ri Malaquiy 1:10

“¡C'o ta banom wi chi c'o ta jun chiwe chi quebutz'apijtaj ri e u chi' ri wachoch, rech ma ta xak lok' caquitzij chic ri k'ak' re ri porobal ri wech! Man quinquicot ta c'ut iwuc' mawi quebentakej ta qui c'amowaxic tak ri e i sipanic.

Ri Malaquiy 1:13

Ri ix je quibij wa': ‘¡Uj k'itajinak chic che ronojel wa'!’ Quiwetzelaj c'u nu wäch. Kas c'u are na pa i c'u'x chi quinequicotok aretak quixpe che u chi'xic jun eläk'am awaj chwe, o jun wacax ch'oco'j o yawab.

Ajilanic 18:27

Are wa' ri qui cuchuj, junam ruc' ri cuchuj ri caquiban ri aj israelib aretak caquiya' jubik' re ri qui trico xukuje' ri re ri u wa'l qui uva.

Ri Lucax 16:15

Ri Jesus xubij chque: “Ri ix quik'alajisaj iwib chquiwäch ri winak chi ix suc'; are c'u ri Dios reta'm jas c'o pa iwanima'. Ri jastak ri nimak qui k'ij chquiwäch ri winak, e are itzelalaj tak jastak wa' e tz'il chuwäch ri Dios.”

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.