Aj Levitib 26:9 - Quiché Bible

⁹ Quinya' c'u na nu wäch chiwe, quinbano chi quixpok'colijic, quixq'uiyir c'u na, quinjekeba' na ri nu c'ulwächinic iwuc'.

Aj Levitib 26:9 交叉參考

Chapletajic 1:28

xebutewichi'j: “Chec'ol q'ui iwalc'ual; chinojisaj ri uwächulew, chixtakan puwi'; xukuje' chixtakan paquiwi' ri cär, xukuje' paquiwi' ri chicop ri e c'o qui xic', xukuje' paquiwi' conojel ri awaj ri cäquijururej quib puwi' ri ulew.”

Chapletajic 17:20

Nu tom ri a ch'awem puwi' ri Ismael, quintewichi'j c'u ri are'; quinbano chi quec'oji' e q'ui u c'ojol xukuje' chi queq'uiyir ri e u k'ab tak rachalaxic. Ri Ismael queralc'ualaj na cablajuj (12) c'amal tak be ri nimak qui k'ij. Quinbano chi ri are' cupok'isaj na jun nim tinimit, sibalaj nim.

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 48:4

cuc' tak we tzij ri': ‘Chawilampe', quinbano chi sibalaj queq'uiyir ri e a c'ojol, ri e awija'l quequipok'isaj na nimak tak tinimit. Chque c'ut, ri e awija'lil quinya' wi na we ulew ri'. Cux c'u na quech chbe k'ij sak.’

Chapletajic 6:18

Awuc' c'u at quinjekeba' wi ri nu c'ulwächinic, queboc na ri e a c'ojol pa ri jucub, ri awixokil, ri e awalib xukuje' ri at.

Nabe Ajawinelab 3:8

in c'o c'ut che c'amal u be ri tinimit la ri cha'om la: jun tinimit ri sibalaj nim ri rumal ri u q'uiyal, man cuya' taj cajilaxic mawi cachomaxic e joropa'.

Ucab Ajawinelab 13:23

Xel c'u u c'u'x ri Ajawaxel chque xukuje' xutok'obisaj qui wäch, xa' rumal rech ri u c'ulwächinic xuban ruc' ri Abraham, ri Isaac xukuje' ri Jacob, xoc c'u il chque man xraj ta c'ut xusachisaj ta qui wäch mawi xeburokij ta bic chuwäch. Man u banom ta c'u c'ä camic.

Ri Nehemiy 2:20

Xintzelej c'u u bixic chque: “Ri Dios ri c'o pa ri caj cuya' na chke chi utz cujel na puwi' ri cakabano. Uj, ri uj u pataninelab, cäkachaplej na u banic ri yacanic, ri ix man c'o ta jubik' iwe che ri Jerusalen.”

Ri Nehemiy 9:23

Xban la chi sibalaj xepok' tak ri e qui c'ojol e jacha' ta ne ri ch'imil ri e c'o chicaj, xec'am c'u la bic che u banic quech che ri ulew, ri chi'm la chque ri e qui mam chi caquiban quech che.

Salmib 107:38

Ri Ajawaxel quebutewichi'j, quebupok'isaj, xukuje' quebupok'isaj ri cawaj.

Salmib 89:3

Xban la jun c'ulwächinic ruc' ri David; xchi'j la che ri lok'om pataninel la, ri cha'om la:

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Elem 2:25

Xeril ri Dios, xretamaj c'ut ri cätajin caquic'ulmaj.

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Ri Jeremiy 23:3

Kas in c'ut quebenc'am na ulok tak ri e nu chij ri e to'tajinak pa tak ri ulew ri xinban wi chque chi xebanimaj wi bic, quebenmulij na quinban c'u na chque chi quetzelej na ulok chquipam tak ri quecha', rech sibalaj queq'uiyir tak na ri cal.

Ri Jeremiy 23:4

Quebencoj c'u na ajyuk'ab ri quechajinic, rech ma ta c'o jas ri caquixibij ta wi na quib mawi c'o ta jun cäsach ta na chque. In, ri Ajawaxel, quinjiquiba' u bixic.”

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

Ri Ezequiel 16:62

In quinc'ac'arisaj na ri nu c'ulwächinic awuc', cawetamaj c'u na chi in ri' ri Ajawaxel.

Ri Ezequiel 36:9

Ri in quebenchajij na, quinban c'u na chi cätajixic xukuje' chi cätic u wäch.

Aj Levitib 26:15

we c'u quebijech'obisaj ri nu takanic, man nim ta quiwil wi ri nu pixab, mawi quitz'akatisaj qui banic ri cäquibij ri e nu takomal, man quebitz'akatisaj taj ri nu c'ulwächinic we je quiban wa',

Ri Lucax 1:72

Quel ta c'u na u c'u'x chque ri e ka mam, man casach ta c'u na pa u jolom ri tastalic u c'ulwächinic.

U Camulixic ri Pixab 28:11

Ri Ajawaxel cuc'ut na ri rutzil chawäch quebuya' na q'ui awalc'ual, q'ui cal ri awawaj xukuje' q'ui qui wächinic pa ri ulew ri xcha' chque ri e a mam chi cuya' na chawe aretak xuban ri chi'nic ri kas cäban na.

U Camulixic ri Pixab 28:4

Quetewichitaj na ri awalc'ual xukuje' ri u wächinic tak ri a tico'n, xukuje' ri cal tak ri a wacax, ri cal tak ri a chij xukuje' conojel ri cal ri awawaj.

U Camulixic ri Pixab 7:13

Quixulok'ok'ej na, quixutewichi'j na, quixuq'uiyirisaj na; quebutewichi'j na ri e i c'ojol, ri e u wächinic tak ri i tico'n, ri i trico, ri u wa'l i uva, ri iwaseit, ri cal ri i wacax xukuje' ri cal ri e i chij, pa ri ulew ri xcha' chque ri e i mam chi cuya' na chque aretak ri Dios xuban ri chi'nic ri kas cäban na.

Hebreos 8:9

We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.