“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.
In ri' ri Ajawaxel ri xixinwesaj ulok pa Ejipt rech quinux i Dios: rumal ri' rajawaxic quixux tastalic, ri in man quinban ta etzelal, in c'u tastalic in.”
Man cuya' ta c'ut cäk'ax ta chrij ri ch'ukubal, mawi cakeb ta ruc' ri porobal, rech man cärawasij ta ri k'ijilabal rumal ri u yab. In ri' ri Ajawaxel ri ix nu tasom che nu patanixic.”
Chebatasa' che ronojel wa', rumal rech chi e are' ri quechi'n ri wa che ri a Dios. E tastal c'u chawe, rumal rech chi ri in, ri Ajawaxel, in tastalic, man quinban ta etzelal, in c'ut ri quinbanowic chi quetastaj chwe.
Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.
Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,
Chicojo' ri chuk'ab che ri c'olem pa jamaril cuc' conojel xukuje' ri ruc'axic jun tastalic c'aslemal; we c'u man jewa', man c'o ta jun cäcuinic querila' u wäch ri Ajawaxel.
Xubij c'ut ri Josue chque: “Ri ix man quixecuin ta che u patanixic ri Ajawaxel, rumal rech chi are' jun Dios tastalic ri man cuban ta etzelal xukuje' achixomanel, ri man quebucoch'o ta ri e i c'ulelanic xukuje' tak ri e i mac.
