1 Juan 5:3 - Quiché Bible

³ Ri u lok'ok'exic ri Dios are ri qui nimaxic ri cäquibij ri e u takomal. Ri e u takomal man e al taj.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri uloqꞌanik ri Dios are chi kaqanimaj ri utaqanik. Man kꞌax ta kꞌut unimaxik.

K'iche'

³ We jun winak craj ri Dios, quel cubij wa' chi cunimaj ru Lok' Pixab ri Are'. Ru takanic ri Dios c'ut, man c'äx tä qui nimaxic.

K'iche' (New Orthography)

³ We jun winaq kraj ri Dios, kel kub'ij wa' chi kunimaj ru Loq' Pixab' ri Are'. Ru taqanik ri Dios k'ut, man k'äx tä ki nimaxik.

1 Juan 5:3 交叉參考

Ucab Ajawinelab 18:6

Jic xbin chuwäch ri Ajawaxel mawi jumul xutas ta rib chrij, xane' xebutz'akatisaj tak ri takomal ri xebuya' qui bixic ri Ajawaxel che ri Moises.

Salmib 119:140

Ri chi'nic la oc'owinak chquipam c'axalaj tak c'ambejenic, rumal ri' cälok'ok'ex rumal we pataninel ech la ri'.

Salmib 119:45

Jeri' quincuinic quinc'oji' pa torotajic, e nu terenem c'u ri takanic la.

Elem 20:6

quebenlok'ok'ej pa jun mil ija'lil ri quinquilok'ok'ej xukuje' quequitz'akatisaj qui banic ri e nu takomal.

E C'ambal tak Tzij 3:17

Ri qui takexic ri e u xo'l tak rakan sibalaj man e c'o ta c'o wi; ri binem pa alaj tak u be c'olem wa' pa jamaril.

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Ri Miquey 6:8

Ri Ajawaxel u bim chic chawe o winak, jachique ri' ri utz xukuje' jachique ri careyej ri are' chawe: chi chabana' ri suq'uilal, xukuje' chi chatux jic xukuje' xa jun awanima' xukuje' chi chanimaj ri a Dios ruc' mach'ibalil.

Ri Matey 23:4

Quequixim eka'n sibalaj al, c'ax cuc'axic, cäquiya' puwi' ri qui teleb ri winak. Are c'u ri ajtijab re ri pixab cuc' ri pariseyib, mawi c'u ne ruc' ri u wi' qui k'ab cäcaj cäquinak ri eka'n.

Ri Xuan 14:15

“We quinilok'ok'ej, quebinimaj na ri' ri e nu takomal.

Ri Xuan 15:10

We quinimaj ri e nu takomal, quixjeki' na pa ri lok'ok'ebal nu c'u'x, jas ri in xukuje' e nu nimam ri e u takomal ri nu Tat, in jekel pa ri lok'ok'ebal u c'u'x.

Ri Xuan 15:14

Ix ri' ri ix wachil, we quibano jas ri quixintak wi.

Romanos 7:12

Je c'u ri', tastalic ri pixab, tastalic, suc', xukuje' utz ri takomal.

Romanos 7:22

Cäquicot ri wanima' rumal ri u pixab ri Dios.

U Camulixic ri Pixab 5:10

quebenlok'ok'ej c'u ne na c'ä chu jun mil ija'lil ri quinquilok'ok'ej quequitz'akatisaj c'u qui banic ri e nu takomal.

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

Hebreos 8:10

‘Oc'owinak chic ri k'ij ri', are' wa' ri c'ulwächinic ri quinban na cuc' ri e aj Israel,’ cächa' ri Ajawaxel: ‘Quebenya' na ri nu pixab pa ri qui chomanic, pa ri canima' quintz'ibaj wi na. In quinux qui Dios are c'u ri e are' quebux na nu tinimit.

1 Juan 2:3

We cäkanimaj ri e u takomal ri Dios, kas jic ri' chke chi ketamam u wäch.

2 Juan 1:6

Are lok'ok'ebal c'uxaj wa', chi cäkabano jas ri cäquibij ri u takanic ri Dios. Are takanic wa' ri i tom ulok kas aretak xicoj ri utzalaj tak tzij, chi chixbin pa ri lok'ok'ebal c'u'x.