1 Juan 2:18 - Quiché Bible

¹⁸ Lok'alaj tak walc'ual, are wa' ri q'uisbal tak k'ij. Jas ri i tom chi cäpe na jun ri cuban u c'ulel che ri Crist, camic c'ut e c'o chi q'ui ri cäquiban qui c'ulel che ri Crist. Rumal c'u ri' cäkach'obo chi are chi wa' ri q'uisbal tak k'ij.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Loqꞌalaj taq walkꞌwaꞌl, uj kꞌo chi pa ri kꞌisbꞌal taq qꞌij, jetaq ri xitatabꞌej chi kape na ri winaq ri kujaluj chi are Cristo, sibꞌalaj e kꞌi chik ri winaq ri kakijaluj chi aꞌreꞌ e Cristo rumal laꞌ kinbꞌij chiꞌwe chi uj kꞌo pa taq ri kꞌisbꞌal taq qꞌij kamik.

K'iche'

¹⁸ Ix ri', ri ix je' ta ne alaj tak walc'ual, uj c'o chic pa ri q'uisbal tak k'ij. Ri ix i tom chi cäpe na jun ri cuban u c'ulel che ri Cristo. Cämic c'ut qui c'utum chi quib q'uia ri cäca'n qui c'ulel che ri Cristo, rumal c'u ri' ketam chi uj c'o chic pa ri q'uisbal tak k'ij.

K'iche' (New Orthography)

¹⁸ Ix ri', ri ix je' ta ne alaj taq walk'ual, uj k'o chik pa ri k'isb'al taq q'ij. Ri ix i tom chi käpe na jun ri kub'an u k'ulel che ri Cristo. Kämik k'ut ki k'utum chi kib' k'ia ri käka'n ki k'ulel che ri Cristo, rumal k'u ri' qetam chi uj k'o chik pa ri k'isb'al taq q'ij.

1 Juan 2:18 交叉參考

Ri Matey 24:11

Quewalij na q'ui ri cäquijaluj na quib chi e k'axal tak tzij. E q'ui ri winak ri quequisub na.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Ri Matey 24:5

E q'ui quepe na pa ri nu bi', cäquibij: ‘In ri' ri Crist.’ E q'ui c'ut ri quequisub na.

Marcos 13:6

E q'ui quepe na, pa ri nu bi' cäquibij: ‘In ri' ri Crist’. Quequisub na q'ui winak.

Ri Xuan 21:5

Ri Jesus xubij chque: “Alabom, ¿la man c'o ta e i cärim?” Ri e are' xquibij che: “Man c'o taj.”

Romanos 13:11

Are chibana' wa'. Iweta'm c'ut jas qui banic ri k'ij camic. Are k'ijol wa' ri rajawaxic cujc'astaj che ri waram. Camic c'ut nakaj chic c'o wi ri ka colotajic chuwäch ri aretak c'äte xujcojonic.

Romanos 13:12

Oc'owem cuban ri ak'ab, cäketet chi ulok ri k'ij; mäkaban chi ri chac re ri k'eku'm. Chkabana' ba ri chac re ri sakil. Chkacojo' ri chacubal re ch'o'j.

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

1 Pedro 1:20

Are etamatal chi ulok aretak c'ä majok cäban ri uwächulew, xk'alajisax c'ut pa ri q'uisbal tak k'ij rumal iwech.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

2 Pedro 3:3

Iweta'm chi c'u wa', chi pa ri q'uisbal tak k'ij quepe na winak ri cäquetz'bej u wäch ri jastak aj Dios, are cäquiban na ri etzelal re qui rayibal ri e are',

1 Juan 2:22

¿Jachin ri banal tzij? Are ri' ri cubij chi ri Jesus man are ta ri Crist. Are ri' ri cabanow u c'ulel che ri Crist, ri man cuya' taj u k'ij ri Tataxel xukuje' ri C'ojolaxel.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

1 Juan 4:3

Ri man je ta retamaxic u wäch wa' ri Jesus rumal, man c'o ta ri ri Ruxlabal ri Dios ruc'; xane' are c'o ri uxlabal ri u banom u c'ulel che ri Crist. Ix i tom chi we uxlabal ri' cäpe na; je c'u ri', c'o chic cho ri uwächulew.

2 Juan 1:7

E q'ui c'ut ri e benak cho ri uwächulew ri cäcaj quixquisubu, cäquibij chi ri Jesucrist man c'o ta u cuerp xpe cho ri uwächulew. Ri jun ri je cubij wa', are subunel ri cuban u c'ulel che ri Crist.

Ri Juds 1:18

jas ri xquibij can chiwe: “Pa ri q'uisbal tak k'ij quec'oji' na winak ri xak cäquetz'bej qui wäch niq'uiaj chic, ri xuwi cäquilij u banic ri itzel tak qui rayinic, man cäquiya' ta c'u u k'ij ri Dios.”