San Lucas 8:18 - Quechua South Bolivia: Dios Parlapawanchej

¹⁸ Chayraycu sumajta khawacunayquichej tiyan imaynata uyarishaskayquichejta. Diospa niskanta jap'icojmanka astawan koska canka. Mana jap'icojmantarí jap'iskanta yuyaskanpis khechuska canka, —nispa.

Qheshwa Biblia DC

¹⁸ Chaynejta, allinta uyariychej ari: Kapuyniyojmanqa astawan qosqa kanqa; mana kapuyniyojmantataj kapusqanta yuyasqampis qhechusqa kanqa.

DIOSPA QHELQACHISQAN DEUTEROCANONICAL

¹⁸ Chayrayku, allinta uyariwaychej ari: Kapuyniyojmanqa Dios astawanraj qonqa. Mana kapuyniyojmantatajrí kapusqanta yuyasqantapis Dios qhechonqa, nispa.

DIOSPA QHELQACHISQ

¹⁸ Chayrayku, allinta uyariwaychej ari: Kapuyniyojmanqa Dios astawanraj qonqa. Mana kapuyniyojmantatajrí kapusqanta yuyasqantapis Dios qhechonqa, nispa.

San Lucas 8:18 交叉參考

San Mateo 13:12

Niskanta jap'icojmanka Dios astawanraj entiendeyta yanapanka. Ajinapi jap'icojka astawan astawanraj jap'iconka. Mana jap'icojmantarí pisi jap'iska yuyaskanpis khechuska canka.

San Mateo 25:29

Imaraycuchus Diospa niskanta jap'icojmanka astawan koska canka. Manataj pisenkachu jayc'ajpis. Mana jap'icojmantarí pisi jap'icuskanpis khechuska canka.

Marcos 13:14

‘Leejka cayta sumajta reparachun: Dios millachicun, chay thuñispa tucuchejta, maypi mana cananchu ricunquichej. Chayta ricuspaka Judea jallp'api cashaj runas orkosman aykecuchuncu.

San Lucas 19:26

Chay camachejka nerka: “Chekatapuni jap'ejmanka astawan koska canka. Mana jap'ejmantarí pisi capuskanpis khechuska canka.

San Lucas 9:44

—Cay niskayta yuyayniyquichejpi sumajta jap'icuychej: Noka, Diospa cachaska Runanka, sajra runaspa maquisnincuman jaywaskaña caj rishani, —nispa.

San Juan 15:2

Uvawan llanc'ajka tucuy mana pokoj ramata c'utun. Tucuy pokoj ramatarí c'utun astawan pokonanpaj. Ajinallatataj nokawan ujchaska runasniywan Tatayka ruwan.

Hechos 10:33

Uyariytawancamataj wajyachimorkayqui. Walejtapuni jamunqui. Chayraycu cunan tucuyniycu Diospa ñaupakenpi cashaycu uyarinaycupaj tucuy atiyniyoj Señor tucuy camachisuskanta ninawaycupaj, —nispa.

Hechos 17:11

Tesalónica llajtapi tiyacojcunamantaka Bereapi tiyacojcuna astawan c'acha runas carkancu. Paycunaka tucuy sonkowan Diospa palabranta jap'icorkancu. Sapa p'unchaytaj Diospa palabranta sumajta khawasharkancu yachanancupaj Pabloj parlaskan Diospa niskanmanjinachus caskanta.

Romanos 12:3

Dios c'achata yanapawarka cachan canaypaj. Ajina cachanpaj churaska sapa ujman nishayquichej: Ama jatunchacuychejchu maychus cananmanta astawanka. Manachayrí cheka yuyaywan khawacuychej. Sapa ujman yuyaskanmanjina Dios atiyta kon runasnin chaupipi ruwananpaj. Chaymanjina khawacuychej.

1 Corintios 14:37

Cay kancunaman kelkamushaskayka Señorpa camachiskanmin. Sichus maykenpis willaraj caskanta yuyan chayrí Espíritoj pusaskan caskanta chayka, chay kelkamuskayta allinta yachachun.

1 Corintios 3:18

Ama ni pipis payllataj pantachicuchunchu. Kancuna chaupipi cay pachapi yachayniyoj caskanta yuyajka mana yuyayniyojman tucuchun. Ajinaman tucuchun cheka yachayniyoj cananpaj.

1 Corintios 8:2

Sichus maykenpis yachaskanta yuyan chayka, manaraj yachanchu maychus yachanantaka.

Filipenses 3:4

Nokapis chayjina imaspi confiacuyta atiymanraj. Sichus maykenpis runaj yuyaskanpi confiacunman chayka, nokaka astawanraj confiacuyman.

Hebreos 2:1

[Cunan p'unchaycunaka Wawan Cristonejta Dios niskanta willawanchej.] Chayraycu tucuy sonkowan casunanchej tiyan. Pajtataj chincapushasunman.