San Lucas 6:17 - Quechua South Bolivia: Dios Parlapawanchej

¹⁷ Chanta paycunawan Jesús uraycuspa uj pampapi sayaricorka. Chaypi ashqha yachacojcunan ashqha runaspiwan carkancu. Paycuna carkancu tucuy Judea jallp'amanta, Jerusalén llajtamanta, jatun kocha kayllanej Tiro llajtamanta Sidón llajtamantawan. Jesusta uyarej jamorkancu, onkoynincumanta thañichicojpis.

Qheshwa Biblia DC

¹⁷ Jesusqa paykunawan orqomanta uraykamuspa qhepakorqa uj pampapi. Chaypi payta suyasharqanku ashkha yachachisqasnin; ashkha runastaj tukuy Judeamanta, Jerusalén llajtamanta, qocha cantopi Tiro Sidón llajtasmanta ima.

DIOSPA QHELQACHISQAN DEUTEROCANONICAL

¹⁷ Jesuswan, chay chunka iskayniyoj kuraj kachankunawan ima orqomanta urayk'amuspa, uj pampaman chayarqanku. Chaypitaj payta suyasharqanku yachachisqankuna, waj ashkha runapis tukuy Judea jap'iymanta, Jerusalén llajtamanta, qocha kantupi Tiro qayllapi llajtakunamanta, Sidón qayllapi llajtakunamanta ima.

DIOSPA QHELQACHISQ

¹⁷ Jesuswan, chay chunka iskayniyoj kuraj kachankunawan ima orqomanta urayk'amuspa, uj pampaman chayarqanku. Chaypitaj payta suyasharqanku yachachisqankuna, waj ashkha runapis tukuy Judea jap'iymanta, Jerusalén llajtamanta, qocha kantupi Tiro qayllapi llajtakunamanta, Sidón qayllapi llajtakunamanta ima.

San Lucas 6:17 交叉參考

San Mateo 11:21

—¡Ay, phutiy, ari, kancuna Corazín llajtapi tiyacojcunapajka! ¡Ay, phutiy, ari, kancuna Betsaida llajtapi tiyacojcunapajka! Dios atiyninwan jatun t'ucunasta kancuna uqhupi ruwarka. Tiro llajtayojcuna Sidón llajtayojcunapis ancha sajras carkancu. Chaywanpis paycuna uqhupi chay jatun t'ucunasta Dios ruwanman carka chayka, paycunaka payman unayña cutiricapuncuman carka. Ajinaka llamp'u sonkowan juchallicuskancumanta mayta llaquicuspa sajra ruwaskasnincuta sakepuncuman carka. Chayta ricuchinancupaj luto p'achasnincuta usphatawan umasnincuman jich'acuncuman carka.

San Mateo 12:15

Jesusrí chay imasta yachaspa chaymanta llojsiporka. Ashqha runas paywan risharkancu. Tucuy paycunatataj thañichisharka.

San Mateo 14:14

Barcomanta llojsispataj Jesuska may ashqha runasta ricorka. Paycunamantari sonkon nanarka. Qhuyacuspataj onkoskasta thañiracherka.

San Mateo 15:21

Jesuska chaymanta llojsipuspa Tiro llajta Sidón llajta chaynejman riporka.

San Mateo 5:1

Jesustaj may ashqha runasta ricuspa orkoman wicharerka. Chaypi tiyaycucojtintaj yachacojcunan payman kayllaycorkancu.

San Lucas 5:15

Chaywanpis tucuynejpi runas Jesusmanta uyarerkancu. Ashqha runastaj jamusharkancu uyarej, onkoynincumanta thañicojtaj.

San Lucas 6:12

Chaypacha Jesús orkoman llojserka Dioswan parlaricoj. Chaypitaj tutantinta Dioswan parlaricusharka.

San Lucas 6:16

Jacoboj wawan Judas, Judas Iscariotepiwan. Payka khepata Jesusta jaywaycorka.

San Lucas 6:18

Supaycunawan muchuchiska runastapis Jesús thañichisharka.