Apocalipsis 17:5 - Quechua South Bolivia: Dios Parlapawanchej

⁵ Frentenpi uj suti kelkaska carka, “Jatun Babilonia”. Sut'inchaskaka niyta munan: Cay llajtamanta jamun tucuy cay pacha khenchachacuycuna millachiycunapiwan.

Qheshwa Biblia DC

⁵ Frentempitaj uj suti escribisqa karqa: Pakasqa yachay, jatun Babilonia, qhenchachakoj warmispa maman, kay pachapi millaykunajtapis.

DIOSPA QHELQACHISQAN DEUTEROCANONICAL

⁵ Jinallataj chay warmej mat'inpi uj suti qhelqasqa karqa, watuy mana atina suti: Jatun Babilonia, phisu warmikunaj mamanku, chantá kay pachapi tukuy millay kajpa maman, nispa.

DIOSPA QHELQACHISQ

⁵ Jinallataj chay warmej mat'inpi uj suti qhelqasqa karqa, watuy mana atina suti: Jatun Babilonia, phisu warmikunaj mamanku, chantá kay pachapi tukuy millay kajpa maman, nispa.

Apocalipsis 17:5 交叉參考

Filipenses 3:19

Chayraycu paycunaka wiñay wañuyman chayancu. Paycunaj diosnincutaj wijsancumin. P'enkaynincumanta jatunchacuncu. Cay pacha imasllamanta yuyancu.

2 Tesalonicenses 2:7

Cunan p'unchaycuna sajra caj pacaypi llanc'ashanña. Chay jarc'aj caypi canancama chay c'ullu runa jarc'aska canka.

Apocalipsis 1:20

Kanchis ch'ascasta paña maquiypi ricorkanqui. Kanchis kori c'anchanastapis ricorkanqui. Chay kanchis ch'ascaska chay kanchis iglesiaspa willajcunancu cancu. Chay korimanta kanchis c'anchanastaj Diospa ajllacuskasnin cancu, chay kanchis iglesias, —nerka chay parlamuwajka.

Apocalipsis 11:8

Ayastaj jatun llajtaj callesninpi wijch'uconkancu. Chay jatun llajtaka Sodomawan Egiptowan ninacun. Chay llajtallapitaj Señornincoka chacataska carka.

Apocalipsis 14:8

Chanta iscay caj angel khepanta jamorka. Nerkataj: —¡Urmanña, urmanña chay jatun llajta Babiloniaka! Chay llajtaka mana frenoyojjina millay sajra causayninwan tucuy llajtasta ujyaycucherka juchallicherkataj, —nispa.

Apocalipsis 16:19

Chaywan jatun llajta Babiloniaka quinsaman partiska carka. Nacioncunaj llajtasnincupis urmararkancu. Ajinapi Dioska jatun llajta Babiloniaj juchasninmanta yuyaricuspa manchay c'ajaj phiñacuyninwan juchacharka.

Apocalipsis 17:1

Chay kanchis vasosniyoj angelesmanta ujnin jamuspa parlaycuwarka: —Jamuy, Babilonia llajtaj contranpi juiciota ricuchiskayqui. Kochacuna patapi tiyashaj khenchachacoj llajtata Dios juchachashan.

Apocalipsis 17:2

Cay pacha runaspa camachejcunancu cay llajtawan khenchachacorkancu. Paypa khenchachacuyninwantaj cay pachapi tiyacojcunaka machachiskas carkancu, —nispa. [Diosta mana casuy juchaka millay khenchachacuyjinamin.]

Apocalipsis 17:7

Angeltaj niwarka: —¿Imaraycutaj t'ucushanqui? Chay warmimanta payta apaj animalmantapis noka sut'inchaskayqui, —nispa. Niwarkataj: —Ajinapi yachanqui chay kanchis umayoj chunca wajrayoj millay animalmanta.

Apocalipsis 18:2

Sinch'iwantaj khaparerka: —¡Urmanña, urmanña, chay jatun Babiloniaka! Supaycunaj tiyacunancu wasiman, tucuy millay supaycunaj cuartelnincuman tucuporka. Tucuy millay p'iskospa jusc'uncuman, chejniska p'iskospa jusc'uncumantaj tucuporka.

Apocalipsis 18:21

Uj callpasapa angel jatun rumita, molino rumitajina okharispa kochaman wijch'uycorka. Nerkataj: —Jatun Babiloniaka cayjina sinch'iwan wijch'uska canka. Manaña ni jayc'ajpis cankachu.

Apocalipsis 19:2

Chekantapuni juzgaskanta ricucherka khencha warmita juchachaspa. Chay khencha warmeka cay pacha runasta juchanwan juchallicherka. Diospa camachisnintapis wañuracherka. Chayraycu Dioska payta juchacharka.

Apocalipsis 7:3

—Jallp'ata, kochasta, sach'astapis amaraj ñac'arichiychejrajchu. Diosninchejpa camachisninta frentesnincupi sellonwan marcanaycu tiyan paypata caskancuta ricuchinapaj. Tucuynincuta sellanaycucama suyariychej, —nispa.