Apocalipsis 13:6 - Quechua South Bolivia: Dios Parlapawanchej

⁶ Diospa contranpitaj sajrata parlarka. Diospa sutinpa, paypa yupaychana-wasinpa, paywan cusca janaj pachapi cajcunaj contrancutawan sajrata parlarka.

Qheshwa Biblia DC

⁶ Simintataj kicharerqa sajrata rimaspa Diospaj, sutimpaj, wasimpaj, janaj pachapi tiyakojkunaj contranta ima.

DIOSPA QHELQACHISQAN DEUTEROCANONICAL

⁶ Chantá chay waj sierpeqa Diospaj millayta rimarqa, jinallataj Diospa sutinta, Diospa tiyakunanta, chantá janaj pachapi tiyakojkunaj contranta ima maldicillarqataj.

DIOSPA QHELQACHISQ

⁶ Chantá chay waj sierpeqa Diospaj millayta rimarqa, jinallataj Diospa sutinta, Diospa tiyakunanta, chantá janaj pachapi tiyakojkunaj contranta ima maldicillarqataj.

Apocalipsis 13:6 交叉參考

San Mateo 12:34

¡Kancuna runa wañuchi catarisjina canquichej! Sajra caspa ¿imaynatataj allin cajta parlayta atiwajchejrí? Runaka sonkonpi junt'a cajmanta parlan.

San Mateo 15:19

Imaraycuchus runaj sonkonmanta sajra yuyaycuna llojsimun. Chaymanta runata wañuchin, khenchachacun, sajra puriypi causan, suwacun, llullacuytawan willan runa-masinmanta, Diospaj sajrata parlan.

San Juan 1:14

Chay Niska, Cristoka, runaman tucuspa nacecorka. Payri nokaycuwan tiyacorka. Paypi Diospa cayninta ricorkaycu. Dios Tataj c'ata Wawan caskanraycutaj paypeka Diospa cayninta ricorkaycu. Cristoka c'acha cayninwan cheka cajwanpis junt'amin.

Romanos 3:13

[Sajra sonkoncumanta millay parlanas llojsimun.] Simincuwan parlancu runasta pantachinancupaj. Niskasnincu runasta nanachin catarej qhaniskanjina.

Colosenses 1:19

Chayta Diospa sumaj yuyaskanmanjina munarka Cristopi tucuy Dios caynin tiyacuskanraycu.

Colosenses 2:9

Tucuy Diospa caynin Jesucristopi tiyacun.

Hebreos 9:2

[Yupaychana-waseka iscayman t'akaska carka. Ñaupakenpi uj jatun awaska khatanayoj carka.] Chay uqhu ñaupaj partenka Diospaj T'akaska carka. Chaypi churaska carka chay kori c'anchana, chay kori mesapiwan Diosman jaywaska t'antata churanapaj.

Hebreos 9:24

Chayraycu Cristoka mana chay rijch'acoj ruwaska cajllamanchu yaycorka. Manachayrí quiquin janaj pachaman yaycorka. Cunantaj Diospa ñaupakenpi nokanchej jawa sayacushawanchej.

Apocalipsis 11:12

Willajcunataj uyarerkancu janaj pachamanta sinch'iwan wajyamojta: —Cayman wicharimuychej, —nispa. Paycunataj janaj pachaman Diospa phuyunpi wicharerkancu. Enemigosnincutaj paycunata wicharishajta khawarkancu.

Apocalipsis 12:12

Chayraycu janaj pachapi cajcuna ¡mayta cusicuychej! ¡Phutiy, ari, cay pachapi cajcunapajka, kochaspi cajcunapajpis Satanás kancunaman uraycamuskanraycu! Pisi tiempollaña paypaj caskanta yachaskanraycu manchay rabiaska cashan.

Apocalipsis 15:5

Chaymantataj janaj pachapi ricorkani Diospa camachiskasninta churana, chay yupaychana-wasita quichaskata.

Apocalipsis 18:20

Chayraycu janaj pachapi cajcuna, cay llajtaj tucucuskanmanta cusicuychej. Diospa runasninpis cachasninpis willajcunanpis, cusicuychej. Cay llajta kancunaman sajrata ruwaskanmanta Dios juchachaskanraycu cusicuychej.

Apocalipsis 21:3

Uyarerkanitaj jatun tiyanamanta sinch'iwan nimojta: —¡Khawaychej! ¡Diospa tiyacunanka runas chaupipiña! Dioska tucuy atiyninwan paycunawan cusca tiyacaponka. Paycunataj paypa runasnin cankancu. Dios quiquintaj paycunawan cusca tiyacuspa Diosnincu canka.

Apocalipsis 4:1

Chay imasmanta khepatarí janaj pachata quichaskata ricorkani. Cornetaj wakayninjina ñaupajpi parlamuwajta ujtawan uyarillarkanitaj. Nokaman parlaspataj niwarka: —Wicharimuy cayman. Cay ricuskasniyquej khepanta jamojcunata ricuchiskayqui, —nispa.

Apocalipsis 4:4

Chay jatun tiyanari iscay chunca tawayoj tiyanaswan muyuriska carka. Chay tiyanaspitaj iscay chunca tawayoj curajcuna tiyaskas carkancu. Yuraj p'achawan p'achalliskas, atipaskancumanta umancupitaj kori pilluwan churaskas carkancu.

Apocalipsis 5:13

Tucuy causashajcuna, janaj pachapi caj, cay pachapi caj, cay pachaj uranpi caj, kochaspi caj, tucuy chaycunapi cajcunatapis yupaychajta uyarerkani: —Atiyninwan camachinanpaj tiyananpi tiyaska cajman, Corderomanpis yupaychana cachun. May sumajpaj may jatunpaj khawaska, atiyniyojpis cachun, wiñaypa wiñayninpaj, —nispa.

Apocalipsis 7:15

Chayraycutaj Diospa tiyananpa ñaupakenpi cashancu. Tuta p'unchay yupaychana-wasinpi payta yupaychashancu. Chay jatun tiyanapi tiyaska cajri munacuywan paycunata wakaychanka.

Apocalipsis 7:9

Chay imasmantataj may ashqha runasta ricorkani. Paycuna ancha ashqhas cancu mana yupay atina. Tucuy jallp'amanta, ayllusmanta, llajtasmanta, tucuy laya parlaycunamanta cancu. Atipajcuna caskancuraycu yuraj khoysu p'achawan p'achalliskas, maquisnincupitaj palmas okhariskas cashancu. Jatun tiyanaj ñaupakenpi Corderoj ñaupakenpiwan sayaskas cashancu.