Números 21:7 - Qheshwa Biblia DC

⁷ Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

DIOSPA QHELQACHISQAN DEUTEROCANONICAL

⁷ Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

DIOSPA QHELQACHISQ

⁷ Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

Números 21:7 交叉參考

Génesis 20:17

Chaymanta Abrahamqa Diosmanta mañaporqa. Diostaj thañicherqa Abimelecta, jinallataj warminta; chanta kamachisnintapis, paykuna ajinamanta wawasniyoj kanankupaj.

Génesis 20:7

Kunanqa kutichipuy kay warmita qosanman, imarayuchus payqa profeta, Diosmanta mañapusonqa kausanaykipaj. Mana qopunki chayri, qan, tukuy qampata kajkunasnintin wañunkichejpuni.

1 Reyes 13:6

Chanta kutichispa Diospa profetanman reyqa nerqa: Mañakuyki Señor Diosniykimanta mañapunawaykita thañinampaj noqaj makiy. Diospa runantaj Señormanta mañarqa, reypa makintaj thañiporqa imaynachus ñaupajta karqa jina.

2 Reyes 13:4

Joacazqa Señorpa ñaupaqempi mañakorqa, Señortaj payta uyarerqa, imaraykuchus Señorqa imaynatachus Siriamanta rey Israelta ñak'arichisqanta rikorqa.

Job 42:10

Job ajinata Señormanta kausaqesnimpaj mañapusqanmanta, Diosqa Jobman kutichiporqa ñaupaj kapusqanmanta iskay jinatawan.

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

Salmos 106:23

Diosqa paykunata tukuchisaj nerqa. Ajllakusqan Moisés paykunarayku mañakojtintaj, Señorpa phiñakuynenqa tiyaykaporqa.

Salmos 78:34

Dios wañuchejtin chaypacharaj mask'aj kanku, payman kutirispa mana samarispa mask'aj kanku.

Éxodo 10:17

Chayrayku kunanqa mañakuykichej juchasniyta perdonanawaykichejta kunan kutillaña. Kunanqa qankuna mañaychej ari Señor Diosniykichejmanta, kay wañuchej jasut'iyllatapis qhechunampaj.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Éxodo 32:30

Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

Éxodo 8:28

Faraontaj nerqa: Noqa saqesqaykichej ch'in pampaman rispa Señor Diosniykichejman rikuchikuta jaywamojta, ama ancha karuman rinaykichej kajtenqa; chaypi noqapajpis mañapuwaychej.

Éxodo 8:4

K'aylankulasqa patasniykiman wicharenqanku, tukuy Egipto runaspa patanman, jinallataj kamachisniykimampis.

Éxodo 8:8

Jina kajtintaj faraonqa Moisesta Aarontawan wajyachispa nerqa: Señormanta mañaychej ari, k'aylankulasta chinkachinampaj, noqamanta, runasniymantawan karunchachispa, noqataj saqesaj israelitas llojsinankuta Señorman rikuchikusta jaywamunankupaj.

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 37:3

Rey Sedequiastaj, Selemiaspa wawan Jucalta kacharqa, jinataj Maasiaspa wawan sacerdote Sofoniasta, Jeremiasta tapumunankupaj: Noqaykurayku Señor Diosninchejmanta mañapuwayku, nispa.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Números 11:2

Runastaj Moisesman qhaparerqanku. Moisestaj chay ratopacha Señormanta mañakorqa. Ninataj chay kikimpacha thasnukorqa.

San Mateo 27:4

Nerqataj: Juchallini mana juchayojta wañuyman entregaspa. Paykunataj nerqanku: Ima ruwanayku tiyan chaywanri? Qan chaytaqa imanaypis.

Hechos 8:24

Simontaj nerqa: Qankuna Diosmanta mañaripuwaychej ama imapis kay nisqaykichejmanta chayamunawampaj.

Romanos 10:1

Hermanos, cheqamanta sonqoypa munaynenqa, Diosmanta mañakuyniypis, israelitas salvasqas kanankupaj.

Deuteronomio 9:20

Chanta Señorqa Aarompajwan mayta phiñakorqa payta chinkachiyta munaspa, noqataj Diosmanta mañakorqani ama Aaronta wañuchinanta.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.

1 Samuel 15:30

Saul kutichillarqataj noqa juchallini, nispa. Chaywampis mañakuyki tukuy israelitaspa ñaupaqempi, jinataj kurajkunaspa ñaupaqempipis allillampajpuni qhawanawaykita. Kutimuytaj, Señor Diosniykita noqawan yupaychamuna.