San Lucas 7:39 - Qheshwa Biblia DC

³⁹ Kayta rikuspataj, Jesusta wajyaj fariseoqa umachakorqa: Sichus kay runa cheqamanta profeta kanman chayqa, rejsinmanchá pichus, imayna laya juchasapa warmichus llankhaykusqanta.

DIOSPA QHELQACHISQAN DEUTEROCANONICAL

³⁹ Chayta rikuspa, Jesusta wajyarikoj fariseoqa sonqonpi nerqa: Sichus kay runa cheqapuni Diosmanta sut'inchaj kanman chayqa, rejsinmanchá imayna millay kawsayniyoj warmichus payta llankhaykushasqanta, nispa.

DIOSPA QHELQACHISQ

³⁹ Chayta rikuspa, Jesusta wajyarikoj fariseoqa sonqonpi nerqa: Sichus kay runa cheqapuni Diosmanta sut'inchaj kanman chayqa, rejsinmanchá imayna millay kawsayniyoj warmichus payta llankhaykushasqanta, nispa.

Quechua South Bolivia: Dios Parlapawanchej

³⁹ Miqhunancupaj Jesusta wajyarka, chay fariseo Simón, tucuy chayta ricorka. Yuyarkataj sonkonpi: “Sichus chekamanta cay runa Diospa willajnin canman chayka, sumajta yachanman pichus llanqhaskanta. Cay warmeka chhica juchasapa caskantapis yachanmanpuni carka”, nispa yuyarka.

San Lucas 7:39 交叉參考

Proverbios 23:7

Imaynatachus sonqompi yuyashan chay kikillantaj payqa, chayrayku payqa wajyasunki mikhunapaj, ujyanapajtaj; manataj imatapis cheqantaqa nisunkichu.

Isaías 65:5

Sapa ujtaj nin: Maypichus kanaykipi kakullay, ama qayllamuwaychu, imaraykuchus noqa qanmanta aswan llimphu kani. Chaykunaqa q'oshñi jina senqayta k'arachiwanku, tukuy p'unchaynintin nina k'ajaj jina kanku.

San Mateo 20:16

Ajinata qhepapi kajkuna ñaupajpi rikhurenqanku. Ñaupajpi kajkunataj qhepapi kanqanku, imaraykuchus wajyasqas ashkha; pisistaj ajllasqasqa kanku.

San Mateo 21:11

Kuticherqankutaj: Kayqa profeta Jesús, galileo, Nazaret llajtamanta.

Marcos 7:21

Runaspa sonqonkumanta llojsimunku: Sajra yuyaykuna, qhenchachakuykuna, tantalla puriykuna, runa wañuchiykuna, suwaykuna, wajpa kapuyninta munapayaykuna, sajra ruwaykuna, ch'aukiyaykuna, aychaj munayninta ruwaykuna, sajra rimaykuna, runaykachaykuna, mana yuyayniyoj kaykuna ima.

San Lucas 12:17

Yuyaynimpitaj payqa nisharqa: Imanasajtari? Manaña maymampis waqaychayta atinichu cosechasniytaqa.

San Lucas 15:2

Chaynejta fariseosqa, leymanta yachachejkunawan thutuspa nisharqanku: Kay runaqa juchasapaswan tantakun, paykunawan khuskataj mikhun, nispa.

San Lucas 16:3

Mayordomotaj umacharikuspa nerqa: Imanasajtaj kunanri? Patronniypis mayordomo kayniyta qhechupuwan; llank'ayta mana atinichu; mañakuytapis p'enqakuni.

San Lucas 18:4

Jueztaj unayta mana uyariyta munarqachu. Chaymantaña yuyarikuspa nerqa: Diostaqa mana manchachikunichu, nitaj pitapis kasuta ruwanichu.

San Lucas 3:8

Allinta kausaychej ari, rikuchispa juchamanta kutirikusqaykichejta; ama qankunapuralla ninakuychejchu: Tatanchejqa Abraham nispa. Noqa niykichej, Diosqa kay rumismantapis atin oqhariyta Abrahampaj wawasta.

San Lucas 7:16

Chayta rikuspataj tukuyninku mancharikorqanku. Diosta yupaychayta qallarerqanku nispa: Jatun profeta noqanchej ukhupi rikhurin. Dios ajinata ayllunta watukoj jamun.

San Lucas 7:37

Chantá llajtapi kaj, uj juchasapa warmitaj, fariseoj wasimpi Jesús kasqanta yachaspa, apamorqa q'apaj jawina perfumeta, yuraj rumi yuritupi.

San Lucas 7:38

Paypa qhepampi, chakisnin qayllapi tiyaykukuspa waqayta qallarerqa; waqayninwantaj chakisninta joq'ochaspa chujchasninwan ch'akicherqa. Chakisninta much'araspataj perfumewan jich'aykorqa.

San Lucas 7:40

Jesustaj chayman kutichispa nerqa: Simón, ujta nisqayki. Paytaj nerqa: Niway ari, Maestro, nispa.

San Juan 4:19

Warmitaj kayta uyarispa nerqa: Señor, yuyani profeta kasqaykita.

San Juan 7:12

Chay runa ukhupitaj Jesusmanta parlasharqanku. Wakin nerqanku: May k'acha chay runaqa. Wakintaj nerqanku: Mana allinchu, imaraykuchus ashkha runasta ch'aukiyashan.

San Juan 9:24

Judiostaj watejmanta wajyarqanku ciego karqa chay runata, nerqankutaj: Diosta yupaychay; noqayku yachayku chay runaqa juchasapa kasqanta.