San Lucas 6:21 - Qheshwa Biblia DC

²¹ Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

DIOSPA QHELQACHISQAN DEUTEROCANONICAL

²¹ Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

DIOSPA QHELQACHISQ

²¹ Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

Quechua South Bolivia: Dios Parlapawanchej

²¹ ‘Cusiskas canquichej, cunan yarkhachicojcuna. Khepata sajsachiskas canquichej. ‘Cusiskas canquichej, cunan phutiywan wakashajcuna. Khepata cusiywan asicunquichej.

San Lucas 6:21 交叉參考

Génesis 17:17

Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

Génesis 21:6

Chaypacha Saraqa unancharqa: Dios asichiwarqa, kunanqa kayta yachajkuna noqawan khuska asikonqanku.

Salmos 107:9

Payqa runaj ch'akiyninta thasnun, yarqhasqa runatataj allin imaswan sajsachin.

Salmos 119:136

Waqay mayus ñawisniymanta llojsin, kamachisqasniyki mana junt'akusqanrayku.

Salmos 143:6

Qanman makisniyta oqharini, qanmanta ch'akichikuni ch'aki jallp'a jina.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

Salmos 28:7

Señormin sinch'i jark'awajneyqa. Paypi atienekorqani, paytaj yanapawarqa. Sonqoy kusisqa kashan. Chayrayku Señorman takisaj, agradecekusajtaj.

Salmos 65:4

Kusikuyniyojmin ajllakusqaykeqa, wasiykipi tiyakunampaj pusasqayki runaqa. Wasiykipi allin kaywan sajsachisqas kasqayku, santo wasiykipi kajwan.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Isaías 30:19

Jerusalempi tiyakoj Sión llajta, manaña astawan waqankichu. Khuyakoj Señorqa waqasqaykita uyarispa khuyakusonqa, nisqaykita uyarispataj kutichisonqapacha.

Isaías 66:10

Jerusalenwan khuska mayta kusirikuychej, payta munakojkuna. Tukuy payrayku llakiywan waqajkuna kusisqa kakuychej.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 31:25

Chay sayk'usqasta, mana kallpayojkunatapis noqa mikhuchisaj, ujyachisajtaj atipachinaykama.

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Ezequiel 7:16

Tukuy atipajkunataj lomas pataman mancharisqa palomas jina ayqenqanku, chay tukuywampis juchankuraykoqa wañonqankupuni.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

San Mateo 5:6

Kusikuyniyoj kanku cheqan kausaymanta yarqhachikojkunaqa, ch'ankichikojkunapis, imaraykuchus paykuna sajsachisqas kanqanku.

San Lucas 1:53

Yarqhasqa runasta allin imaswan atipacherqa. Qhapaj runastataj mana imayojta kachaporqa.

San Lucas 6:20

Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

San Lucas 6:25

Ay, qankunamanta sajsasqas!, imaraykuchus yarqhachikunkichej. Ay, qankunamanta asikojkuna!, imaraykuchus llakikunkichej, waqankichejtaj.

San Juan 11:35

Jesustaj waqarqa.

San Juan 4:10

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

San Juan 6:35

Jesustaj paykunaman nerqa: Noqa kausay t'anta kani; noqaman jamojqa mana jayk'ajpis yarqhachikonqachu; noqapi creejtaj, ni jayk'aj ch'akichikonqachu.

1 Corintios 4:11

Kunan p'unchaykama sufriyku yarqhayta, ch'akiyta, thanta p'achayojtaj kayku; maqasqas, manataj wasiykupis uj cheqapi kanchu.

2 Corintios 11:27

Llank'aypi may sayk'uywan, sapa kuti mana puñuspa karqani. Yarqhaywan, ch'akiywan anchata ch'ayñarqani. Chiriwarkataj p'achay mana kashajtin.

2 Corintios 12:10

Chayrayku pisi kallpayoj kasqaypi kusikuni. Chantá kusikullanitaj k'amiykunapi, pisichikuypi, ñak'ariykunapi ima. Maypachachus pisi kallpayoj kani, chaypacha atiyniyoj kani.

2 Corintios 6:10

Llakisqas jina kayku, chaywampis kusisqaspuni; wajchas jina kayku. Chaywampis ashkhasta qhapajyachiyku. Mana kapuyniyoj jina kashajtiykupis, astawan tukuy ima kapuwayku.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

Apocalipsis 7:16

Manaña astawan yarqhachikonqankuchu, nitaj ch'akichikonqankuchu, nitaj intipis paykunaj patanman k'ajaykamonqachu, nitaj ni ima q'oñipis.