Levítico 26:13 - Qheshwa Biblia DC

¹³ Noqamin kani qankunaj Señor Diosniykichejqa. Noqa Egiptomanta orqhomorqaykichej, manaña paykunaj wata kamachisnin kanaykichejpaj. Noqa yugoykichejpa coyundasninta p'itirani. Umaykichejta patata oqharichispa puricherqaykichej.

DIOSPA QHELQACHISQAN DEUTEROCANONICAL

¹³ Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

DIOSPA QHELQACHISQ

¹³ Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Levítico 26:13 交叉參考

Salmos 116:16

Señor noqa kamachiyki kani, warmi kamachiyki kani, warmi kamachiykej wawan kani, watawasqanku lazota qan phaskarawanki.

Éxodo 14:8

Egipto rey faraompa sonqonta Señorqa rumiyacherqa, israelitasta qhatirinampaj, mana kasuspa israelitasqa chay jina atiywan llojsishajtinku.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Isaías 51:23

Chaytataj llakichisunki chaykunamanñataj qosaj, pikunachus pampaman siriykuy, pataykita purinaykupaj, nisunku chaykunaman. Qantaj paykunata kasuspa pampaman sirerqanki, paykunataj pataykita ñanta jina purerqanku.

Isaías 9:3

Señor, qanqa jatun kusiyta apamunki, may jatumpuni kusikuytaqa. Tukuy kusikonqanku cosechapi kusikunku, ajinata; maytapuni kusikonqanku, qhapaj imasta rak'inakuspa kusikunku, ajinata.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Jeremías 28:4

Jinallataj Judamanta Joacimpa wawan rey Jeconiastapis kayman kutichimullasajtaj. Chantá Judamanta Babiloniaman apachisqas karqanku chay tukuy puchoj runastawan. Arí, noqa Babiloniaj reynimpa yugonta p'akisaj. Noqa Señor chayta nini.

Ezequiel 30:18

Egiptoj atiyninta p'akejtiy, atiyniyrayku wapuyayninta chinkachejtiytaj, Tafnes nisqa llajtapajqa chay p'unchaypi inti laqhayaykonqa. Egipto llajtatataj urphuykonqa, ranchosnimpi tiyakojkunatataj presochaspa apanqanku.

Ezequiel 34:27

Campospi kaj sach'asqa sumajta poqonqanku. Jallp'astaj sumaj poqoyta qonqanku. Ajinamanta ovejasneyqa kikin jallp'ankupi mana ima llakiyniyoj kausanqanku. Noqa aylluyta kacharichisaj, pikunachus ñak'aricherqanku chaykunaj makisninmanta, chaypacharaj noqa Señor kasqayta yachanqanku.

Oseas 11:4

Misk'i parlaywan may munakuywantaj wataspa paytaqa noqanejman aysamorqani, uyay chayman astawan paykunata k'askaykuchikorqani uj ñuñoj wawasta jina; astawantaj k'umuykorqani paykunata mikhuchinaypaj.

Levítico 25:38

Noqamin kani Señorqa qankunaj Diosniykichej, Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj.

Levítico 25:42

Paykunaqa noqaj kamachisniy, noqa Egiptomanta orqhomorqani. Chayrayku paykunataqa mana vendekuyta atinkuchu wata runasta jina.

Levítico 25:55

Israelitasqa kamachisniy, noqa kikiypa kamachisniy. Noqa Egiptomanta orqhomorqani. Noqamin kani paykunaj Diosnin.

Nahúm 1:13

Kay pataykipi kashan chay yugota q'alata t'unasaj cadenasniykitapis p'itiraj.