Levítico 17:11 - Qheshwa Biblia DC

¹¹ Imaraykuchus tukuy kausajpataqa yawarnimpi kausaynin kashan. Noqa kamachiykichej yawarta altarman ch'ajchumunaykichejta juchasniykichej perdonasqa kanampaj. Yawarqa kausaymin, chaynejta juchasqa pampachasqas kanku.

DIOSPA QHELQACHISQAN DEUTEROCANONICAL

¹¹ Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

DIOSPA QHELQACHISQ

¹¹ Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

Levítico 17:11 交叉參考

Hebreos 9:22

Leyman jinataj, yaqha tukuy ima yawarwan pichakun. Yawar mana jich'akojtintaj, mana juchapis pampachakunchu.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Romanos 3:25

Payta Dios churarqa wañuyninwan allinyachinampaj, fenejta yawarnimpi. Ajinapi pacienciawan cheqa kayninta rikucherqa, pampacharqataj tukuy ñaupaj juchasta.

Marcos 14:24

Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa.

Génesis 9:4

Uj imallata mana mikhunaykichejchu tiyan: Yawarniyoj aychata, imaraykuchus chay yawarpi kausayqa kashan.

Colosenses 1:14

Paypi kacharisqas kanchej, juchasninchejtaj pampachasqas kanku.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Hebreos 13:12

Chayrayku Jesuspis, llajtamanta jawapi ñak'arerqa, runata kikin yawarninwan llimphuchanampaj.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Levítico 17:14

Imaraykuchus tukuy ima kausajpataqa kausaynin yawarpi kashan. Chayrayku israelistasman nini, ni ima kausajpata yawarninta mikhunkichejchu. Imaraykuchus tukuy ima kausajpata yawarpi kausaynin kashan. Chayrayku yawarta mikhojqa ayllun ukhumanta chinkachisqa kanqa.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

Levítico 8:15

Chaymantataj Moisesqa chay waka uñata ñak'arqa, pisi yawarta jap'ispataj maki dedonwan altarpa cantosnimpi wajras jina ruwasqa karqanku chaykunata jawerqa tukuy muyuynintinta t'aqasqa kanampaj. Chaymanta puchoj yawarwantaj altarpa muyuyninta jich'arqa. Ajinamanta altarqa t'aqasqa karqa, allinyakuytataj tarinankupaj.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

Levítico 16:11

Chaymantataj Aaronqa torillo ofrendta apachimonqa rikuchikuta Señorman jaywanampaj kikin juchasninmanta, paypa juchasninmanta perdonta tarinampaj, jinallataj familiampajpis.

Levítico 1:5

Chay runaqa Señorpa ñaupaqempi torotaqa ñak'anqa. Chaymantaqa chay toroj yawarninta Aarompa mirayninmanta kaj sacerdotes Señorman jaywanqanku. Chaymantataj Dioswan tinkukuna toldo punku yaykuypi kashan chay altarta yawarwan ch'ajchonqanku patanta tukuy muyuyninta ima.

Levítico 17:12

Chayrayku israelitasman nini: Ama mayqenniykichej, nitaj karu llajtayoj qankunawan tiyakojpis yawartaqa mikhunanchu tiyan.

Levítico 4:25

Chaymantataj sacerdoteqa uj dedonwan chhapuspa juchaspa cuentanmanta ñak'asqa uywaj yawarninwan jawenqa chay ruphachina altarpa wajras jina kaj esquinasninta. Chay tukuynin puchoj yawarwantaj jich'anqa rikuchikuta ruphachina altarpa uranman.

Levítico 4:26

Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

Deuteronomio 12:23

Yawartaqa ni ima kashajtin mikhunkichejchu, imaraykuchus yawarqa kausaymin. Ajinaqa amapuni yawartaqa aychawan khuska mikhunkichejchu.