San Juan 6:40 - Qheshwa Biblia DC

⁴⁰ Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

DIOSPA QHELQACHISQAN DEUTEROCANONICAL

⁴⁰ Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

DIOSPA QHELQACHISQ

⁴⁰ Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Quechua South Bolivia: Dios Parlapawanchej

⁴⁰ Tatay munan tucuy runa Wawan caskayta reparaspa nokapi jap'icunanta. Nokapi jap'icunanta munan wiñay causayniyoj cananpaj. Chaywanpis munan nokapi jap'icojta khepa p'unchaypi causarichimunayta, —nerka Jesús.

San Juan 6:40 交叉參考

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 53:2

Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

Números 21:9

Moisesqa broncemanta katarita ruwaspa wiphala k'aspi puntaman warkhorqa. Pipis chay katarita qhawarispa khanichikusqanmanta thañikapoj.

San Mateo 10:15

Cheqamanta niykichej, juicio p'unchaypeqa aswan ñak'ariy kanqa chay llajtapaj, Sodomamanta, Gomorramantawan nisqaqa.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

Marcos 16:16

Pichus creejqa, bautizachikojtaj, salvasqa kanqa; mana creejtajrí wañuypaj juchachasqa kanqa.

San Lucas 2:30

Ñawisniywan rikunitaj kachamusqayki Salvadorta, wakichisqaykita tukuy runaspa ñaupaqempi.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Juan 11:24

Martataj nerqa: Arí, noqa yachani kausarimunanta qhepa p'unchaypi, wañusqas kausarimonqa chaypacharaj.

San Juan 11:25

Jesustaj payman nerqa: Noqa kani kausarimuy, kausaytaj; pichus noqapi creejqa, wañuchumpis kausanqa.

San Juan 12:45

Noqata rikuwajqa kachamuwajniytapis rikullantaj.

San Juan 12:50

Yachanitaj paypa kamachiynenqa, wiñay kausay kasqanta. Chayrayku, imatachus parlaspaqa, Tataypa niwasqanman jina parlani.

San Juan 14:19

Uj chhikamantawan mundoqa mana rikuwanqañachu; qankunarí rikuwankichej. Noqa kausasqayrayku, qankunapis kausankichej.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

San Juan 3:36

Churipi creejqa wiñay kausayniyoj, Churipi mana creejtajrí, kausaytaqa mana rikonqachu; astawanqa Diospa phiñakuynin paypa patampi kashan.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

San Juan 5:24

Cheqamanta, cheqamanta niykichej: Pichá parlasqayta allinta uyarin, kachamuwaj Tataytapis creen chayqa, wiñay kausayniyoj; manataj juicio p'unchaypi juchachasqachu kanqa, astawanqa wañuymanta kausayman yaykun.

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

San Juan 6:39

Kachamuwajniypa munaynintaj kay jina kashan: Tukuy paypa qowasqanta mana ujtapis chinkachinaychu tiyan. Kay mundoj tukukuynin p'unchaypitaj, payta wañusqamanta kausarichimusaj.

San Juan 6:44

Mana pipis noqaman jamunmanchu, manachus kachamuwaj Tatay pusamunman chayqa, noqataj qhepa p'unchaypi payta kausarichisaj.

San Juan 6:54

Pillapis aychayta mikhoj, yawarniytataj ujyajqa, wiñay kausayniyojña; noqataj payta kausarichisaj qhepa p'unchaypi.

San Juan 8:56

Ñaupa tataykichej Abrahamqa kusikorqa p'unchayniyta rikuyta munaspa, rikuspataj mayta kusikorqa.

Romanos 5:21

Chayqa karqa imaynatachus jucha atiyniyoj karqa wañuy kanampaj, ajinallatataj Diospa khuyakuynimpis atiyniyoj kanqa, cheqan kajnejta wiñay kausaypaj Señorninchej Jesucristonejta.

Romanos 6:23

Juchaj pagonqa wañuymin, Diospa regalonrí wiñay kausay, Cristo Jesús Señorninchejpi.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Hebreos 11:1

Creeyqa suyakusqasninchejpa sinch'i sayaynin, mana rikusqanchejpata rikuchiynin.

Hebreos 11:27

Creesqanrayku Egiptomanta riporqa, reypa phiñakuyninta mana manchachikuspa; kallpachakuspataj sayarqa, mana rikukoj Diostapis rikushanman jina.

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

1 Juan 2:25

Kaymá chay wiñay kausayqa, mayqentachus kikin Jesucristo nerqa qonawanchejta.

Judas 1:21

Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.