San Juan 5:17 - Qheshwa Biblia DC

¹⁷ Jesustaj kutichispa nerqa: Tatayqa kunankama ruwashan, noqapis ruwashallanitaj.

DIOSPA QHELQACHISQAN DEUTEROCANONICAL

¹⁷ Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

DIOSPA QHELQACHISQ

¹⁷ Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

Quechua South Bolivia: Dios Parlapawanchej

¹⁷ Jesusri paycunata nerka: —Tatayka sumaj cajta ruwashallanpuni. Chayraycu nokapis chaymanjinallataj ruwashani, —nispa.

San Juan 5:17 交叉參考

Salmos 65:6

Qan orqosta sinch'ita sayachinki, atiyniykiwan, kallpaykiwantaj.

Isaías 40:26

Patata cielota qhawariychej. Pitaj kay tukuy qoyllurkunata ruwarqa? Pichus chaykunata orqhomuspa yupan, tukuyninkutataj sutisninkumanta wajyan; mana ujta puchuchispa. Chay jinapuni kamachinampaj atiyninwan kallpanwanqa.

San Mateo 10:29

Manachu iskay p'isqetustapis vendenku phatarayku? Chaywampis, Dios Tataykichej mana nejtenqa, ni uj p'isqetullapis jallp'aman urmanmanchu.

San Juan 10:36

Pitachus Dios Tata ajllarqa, kay pachamantaj kachamorqa; qankunataj ninkichej Dios jina parlan, nispa. Chaytaqa Diospa Churin kani nisqayraykuchu niwankichej?

San Juan 14:10

Manachu creenki noqa Dios Tatapi kasqayta, paytaj noqapi? Willaykichej chay palabrastaqa, mana noqallamantachu parlani; noqapi kaj Dios Tata chay ruwanastaqa ruwan.

San Juan 5:16

Chayrayku, judiosqa Jesusta qhatiykacharqanku wañuchinankupaj, chay imasta samarina p'unchaypi ruwasqanrayku.

San Juan 5:18

Chaymanta judiosqa Jesusta wañuchiytapuni munasharqanku, samakuna p'unchayta mana waqaychasqanrayku, astawanqa, Diosqa tatay nisqanrayku paywan kikinchakuspa.

San Juan 9:4

P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu.

Hechos 14:17

Chaywampis Diosqa, allinta runaswan rejsichikorqa: Sumajta ruwaspa, parata apachimun, chajrasta tiempompi poqochin, mikhuna patapi uywasunkichej, sonqoykichejtataj kusiywan junt'achin.

Hechos 17:28

Diospi kausanchej, kuyurinchej, kanchejtaj. Wakin poetasniykichejpis kay jinata nerqanku: Noqanchejpis paypa mirayninmanta kanchej, nispa.

1 Corintios 12:6

Imaymana ruwanas tiyan. Dios tukuy imata ruwan tukuypi. Chayampis, Diosqa kikillampuni.

Colosenses 1:16

Paypi tukuy ima ruwasqa karqa patapi kajkuna, jallp'api kajkunapis; mana rikukojkuna, sut'ipi kajkunapis. Jinallataj tronospis, qhapaj suyuspis, kuraj kamachejkunapis, atiyniyojkunapis. Ajina tukuy ima ruwasqa karqa, paynejta paypajtaj.

1 Tesalonicenses 2:13

Chayrayku noqaykupis mana samaspa Diosman graciasta qoyku, maypachachus Diospa palabranta jap'isharqankichej noqaykumanta uyarispa; chaypacha mana runakunaj palabranta jinachu, cheqamanta Diospa palabranta jina jap'erqankichej. Chay palabrataj qankuna creejkunapi llank'ashan.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.