San Juan 4:23 - Qheshwa Biblia DC

²³ Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan.

DIOSPA QHELQACHISQAN DEUTEROCANONICAL

²³ Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

DIOSPA QHELQACHISQ

²³ Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

Quechua South Bolivia: Dios Parlapawanchej

²³ Arí, p'unchaycuna jamushan, cunantaj chay p'unchaycunaka. [Cunantajmin cheka yupaychajcuna Dios Tatata tucuy sonkowan cheka yuyaywantaj payta yupaychanancu.] Chayjina yupaychajcunata Dios Tataka munan.

San Juan 4:23 交叉參考

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Salmos 147:11

Señorqa payta yupaychajkunata munakuywan qhawan; khuyakuynimpi suyajkunata munakun.

Salmos 17:1

Señor cheqan kajta mañakusqayta uyariway, qhaparikusqa aytapis uyarillaway, mañakusqayta uyariway, imaraykuchus mana llullakuspachu mañakushayki.

Salmos 32:2

Kusisqamin runaqa juchanmanta Señor mana juchachajtin, pitachus Señorqa ni ima juchanmanta uyanchajtin.

Salmos 51:6

Qanqa cheqan sonqoyoj runata munakunki. Sonqoypitaj yachachiwarqanki.

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

TAKIYKUNA 2:14

Palomitáy qanqa chhanka jusk'usman pakakunki, millay manchachikuna chhanka jusk'usman pakaykukuwanki. Uyaykita rikurichikuway ari, parlapayarimuway ari. Qampa palabraykeqa sonqoyta t'ikarichiwan, qhawaykachasqaykipis k'acha.

Isaías 10:20

Chaypachaqa Israelpi pisis qhepakojkunaqa, Jacobpa mirayninmanta qhepakoj israelitasqa, manaña paykunata ñak'arichejkunapi atienekonqankuchu, manachayqa Israelitasqa santo kaj cheqa Señorpi sumajta sayanqanku.

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Isaías 43:21

Kay israelitastaqa noqapaj ruwakorqani, paykuntaj noqata yupaychawaspa takenqanku.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

San Juan 12:23

Jesustaj paykunaman kutichispa nerqa: Hora chayamunña Runaj Churin jatunchasqa kanampaj.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

San Juan 16:32

Kayqa hora chayamushanña, chayamunñapis, chaypachataj ch'eqerasqas kankichej; sapa ujpis munasqaykichejman jina ripunkichej, noqata sapayta saqerparispa; manataj sapaychu kashani, imaraykuchus Tatay noqawan kashan.

San Juan 4:21

Jesustaj kuticherqa: Warmi, creeway. Horaqa chayamushanña maypachachus mana kay orqopichu, nitaj Jerusalempichu Dios Tatata yupaychankichej.

San Juan 5:25

Cheqamanta, cheqamanta niykichej: Horaqa chayamushanña, kunantaj chay hora, wañusqas uyarenqanku Diospa Churimpa wajyasqanta, uyarejkunataj kausanqanku.

San Juan 5:28

Ama kay nisqaymanta t'ukuychejchu. Hora chayamonqa. Chaypachataj tukuy sepulturaspi kajkuna Runaj Churimpa parlasqanta uyarenqanku.

Romanos 1:9

Dioslla yachan pitachus kasusqayta, Espiritupi Churinmanta evangeliota willaspa. Diosmanta mañakuyniypi mana sayk'uspa qankunamanta yuyarikunipuni.

Romanos 8:15

Mana kamachipi kanapajchu Espiritutaqa jap'erqankichej, ujtawan mancharisqallapuni kanaykichejpaj, astawanqa chay Espirituta jap'erqankichej Diospa wawasnimpaj rejsisqas kanaykichejpaj. Chayrayku Diosmanta mañakuychej: Tatáy, Tatáy, nispa.

Romanos 8:26

Ajinallatataj Espiritupis yanapawanchej pisi kallpa kayninchejpi. Noqanchejqa imatachus maychus kasqanman jina mañakunanchejtaqa mana yachanchejchu. Kikin Espiritupis noqanchejpaj mana niy atina palabraswan ayqhospa mañapuwanchej.

Gálatas 4:6

Wawasninña kajtiykichejtaj, Diospa Churimpa Espiritunta sonqoykichejman kachamorqa. Espiritutaj mañakun: Tatáy, nispa.

Efesios 6:18

Kay tukuytaqa ruwaychej sapa p'unchay, Diosmanta mañakuspa Espiritupi tukuy mañakuywan. Ama puñuspa qhawaychej, mana sayk'uspa. Mañakuychej Diospata kajkunapaj.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.