San Juan 3:35 - Qheshwa Biblia DC

³⁵ Dios Tataqa Churinta munakun; chayrayku tukuy imata makinman churarqa.

DIOSPA QHELQACHISQAN DEUTEROCANONICAL

³⁵ Diostaj Churinta munakuspa, tukuy imata makinman churan.

DIOSPA QHELQACHISQ

³⁵ Diostaj Churinta munakuspa, tukuy imata makinman churan.

Quechua South Bolivia: Dios Parlapawanchej

³⁵ Dios Tataka Wawanta munacun, tucuy imatataj churarkaña paypa atiyninpi cananpaj.

San Juan 3:35 交叉參考

Génesis 41:44

Faraontaj nerqa: Noqaqa faraonlla kani; kay tukuynin Egipto jallp'api, mana pipis makinta, nitaj chakintapis oqharenqachu, qan mana imatapis nejtiykeqa.

Génesis 41:55

Egiptopi mikhuymanta pisipaspaqa rej kanku faraonmanta mañakoj. Faraontaj egipciosman nerqa: Riychej Josemanta mañakamuychej, ruwaychejtaj paypa nisqanta, nispa.

Salmos 2:8

Mañaway chayaqeykipaj nacionesta, tukuy kay pachatataj k'uchunkama qampata kanampaj qosqayki.

Proverbios 8:30

chaypacha noqa chaypi karqani, paywan khuska sapa p'unchay. Noqaqa payta kusichillarqanipuni. Tukuy rato paypa ñaupaqempi phujllaspa karqani.

Isaías 42:1

Qhawariy kamachiyta. Payta noqaqa sayachini, payqa noqaj ajllasqay. Paypi noqaqa kusikuni. Payman Espirituyta churani, tukuy nacionespaj cheqan kajta apamunampaj.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Mateo 3:17

Chaymantataj, cielomanta Dios nimorqa: Kaymin ancha munasqa Chureyqa. Paywan kusisqa kani.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 13:3

Jesustaj yacharqa Dios Tatamanta jamusqanta, Diosmantaj kutipushasqanta. Yachallarqataj Dios tukuy atiyta payman qosqanta.

San Juan 15:9

Imaynatachus Dios Tata noqata munakuwan, ajinallatataj noqapis qankunata munakuykichej, munakuyniypitaj kakuychej.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

San Juan 5:20

Dios Tataqa Churita munakun, chayrayku imatachus ruwan chay tukuyta Churiman rikuchin. Aswan jatun ruwanastaraj rikuchenqa, qankunataj chayta rikuspa t'ukunkichej.

San Juan 5:22

Dios Tataqa mana pitapis juzganchu; imaraykuchus Churiman tukuy atiyta qorqa, pay juzganampaj; Churita tukuy runas yupaychanankupaj, imaynatachus Dios Tatata yupaychanku, ajinata. Pillapis Churita mana yupaychajqa, nillataj kachamoj Tatantapis yupaychanchu.

1 Corintios 15:27

Diosqa, Cristoj chakisnin uraman tukuy imata churarqa; imaynatachus nerqa paypa chakisnin uraman tukuy imata churasqanta. Chakisnin uraman churajtaj Dios. Paytaj mana chakisnin urapichu.

Efesios 1:22

Dios tukuy imata Cristoj chakisnin uraman churarqa, tukuy imapi iglesiapi uma kanampaj.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.