San Juan 21:15 - Qheshwa Biblia DC

¹⁵ Mikhuyta tukusqankutawan, Jesús nerqa Simón Pedroman: Simón, Jonaspa churin, munakuwankichu paykunamanta astawan? Pedrotaj kuticherqa: Arí Señor, yachanki munakususqayta. Jesustaj nerqa: Corderosniyta michipuway.

DIOSPA QHELQACHISQAN DEUTEROCANONICAL

¹⁵ Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

DIOSPA QHELQACHISQ

¹⁵ Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

Quechua South Bolivia: Dios Parlapawanchej

¹⁵ Miqhuskancutawan Simón Pedrota Jesuska taporka: —Jonaspa wawan Simonníy ¿paycunamanta astawanchu munacuwanqui? Pedrotaj nerka: —Arí, Señorníy, kan yachanqui munacususkayta, —nispa. Jesusri nerka: —Yachachiy mosoj nokapi jap'icuwajcunayta, —nispa.

San Juan 21:15 交叉參考

Génesis 33:13

Jacobtaj nerqa: Munasqa wauqéy, yachanki jina wawasniy pisisllaraj kanku, chantapis ovejasniy, wakasniy juch'uy uñasniyoj kanku, sayk'uspa uj p'unchayllachari wañurankuman.

2 Samuel 7:20

Imastawantaj niykiman Señor? Qanqa kay kamachiykitaqa rejsinkiña Señor Diosníy.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Jeremías 23:4

Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

Jeremías 3:15

Noqa qankunaman qosqaykichej allimpaj rijch'awaj kamachejkunasta, paykunataj qankunata kamachisonqachej, sumaj yachaywan, sumaj yuyaywantaj.

Ezequiel 34:23

Noqa David kamachiyta kutirichimusaj, payta ovejasniyta michinampaj churasaj. Pay ovejasniymanqa sumaj pastosta mikhuchipuwanqa, sumajtataj qhawanqa.

Ezequiel 46:24

Señortaj niwarqa: Chaynejpipis Diosta yupaychana wasimpi sirvejkunaqa, israelitas rikuchikuta jaywanapaj apamunku chay uywaspa aychasninta t'impuchenqanku.

San Mateo 10:37

Pichus tatanta, chayrí mamanta, noqamanta astawan munakojqa, mana noqapaj jinachu. Ajinallatataj, pichus churinta, chayrí ususinta, noqamanta astawan munakun chayqa, nillataj noqapaj jinachu.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

San Mateo 18:10

Ama mayqenta, kay juch'uykunamanta qhesachankichejchu. Noqaqa niykichej, paykunaj angelesninkoqa qhawashankupuni janaj pachapi kaj Tataypa uyanta. [

San Mateo 26:33

Pedrotaj Jesusman nerqa: Tukuyninku saqesojtinkupis, noqaqa manapuni jayk'ajpis qanta saqesqaykichu.

San Mateo 26:35

Pedro nillarqataj: Qanwan wañunay kashajtimpis, manapuni, mana rejsinichu nisqaykichu. Tukuynin yachachisqaspis kikillantataj nerqanku.

Marcos 14:29

Pedrotaj Jesusman nerqa: Tukuyninkupis iskayrayachunku, noqaqa manapuni qanmanta iskayrayasajchu.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

San Lucas 22:32

Noqataj mañakuni feniyki ama pisiyanampaj. Qantaj noqaman kutirimuspa kallpachay wauqesniykita.

San Juan 1:42

Chaymantá, Jesuspaman Simonta pusarqa. Jesusrí, allinta qhawarispa payman nerqa: Qan kanki Simón, Jonaspa churin; kunanmanta sutiykeqa Cefas kanqa. Chaytaj, Pedro niyta munan.

San Juan 13:37

Pedrotaj nerqa: Señor, imaraykutaj kunan mana qanwan riyta atiymanchu? Kausayniyta churasaj qanrayku.

San Juan 16:27

Kikin Dios Tata munakusunkichej, qankuna noqata munakuwasqaykichejrayku, creenkichejtaj Dios Tatamanta jamusqayta.

San Juan 21:12

Jesustaj yachachisqasman nerqa: Jamuychej mikhurikuychej. Manataj mayqenninkupis taporqankuchu: Pitaj kanki?, nispa. Yachasqanku Señorpuni kasqanta.

San Juan 21:7

Chaypacha, Jesuspa munakusqan yachachisqaqa, Pedroman nerqa: Señorqa, nispa. Simón Pedrotaj, Señor kasqanta uyarispa, pata p'achanta churaykukorqa, imaraykuchus q'alalla kasharqa; qochamantaj phinkiykorqa.

San Juan 8:42

Chaypacha Jesús nerqa: Cheqamantachus tataykichej Dios kanman chayqa, noqata munakuwankichejman. Diosmanta kay pachaman jamorqani; manataj sapallaymantachu, manachayqa Dios kachamuwarqa.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hechos 20:29

Noqa yachani ripusqaymanta chaupiykichejman wajkuna phiña atojkuna jina yaykonqanku tropata mana khuyaspa.

Romanos 14:1

Fepi pisi kallpayojtaqa wajyakuychej, amataj iskayrayana yuyaykunamantaqa churanakuychejchu.

Romanos 15:1

Fepi kallpayojkunaqa, pisi kallpayojkunaj llakiyninta apaysina, ama noqallanchejqa allimpi kanachu.

1 Corintios 8:11

Qampa yachayniykirayku pisi feniyoj hermanoqa chinkaponqa, piraykuchus Cristo wañorqa.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Efesios 6:24

Diospa khuyakuynin kachun, Señorninchej Jesucristota tukuy wiñaypaj munakojkunaman.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

1 Pedro 2:2

Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

1 Juan 4:19

Noqanchejqa Diosta munakunchej, pay ñaupajta munakuwasqanchejrayku.

1 Juan 5:1

Pillapis Jesusqa Cristo kasqanta creen chayqa, Diospa wawan. Pillapis tatanta munakojqa, wawantapis munakullantaj.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.