San Juan 19:30 - Qheshwa Biblia DC

³⁰ Jesustaj vinagreta llamiytawan nerqa: Tukuy ima tukusqaña. Umanta k'umuykuspataj, espiritunta Dios Tataman qoporqa.

DIOSPA QHELQACHISQAN DEUTEROCANONICAL

³⁰ Jesustaj chay k'allku vinota llamiytawan, nerqa: Imachus ruwanayta tukuychaniña, nispa. Chantá umanta liwiykuspa, wañuporqa.

DIOSPA QHELQACHISQ

³⁰ Jesustaj chay k'allku vinota llamiytawan, nerqa: Imachus ruwanayta tukuychaniña, nispa. Chantá umanta liwiykuspa, wañuporqa.

Quechua South Bolivia: Dios Parlapawanchej

³⁰ Chay ujyanata ch'onkaricorka. Chaymantataj nerka: —Ruwanayta tucuniña, —nispa. Umanta c'umuycuspataj causayninta Diosman jaywacorka.

San Juan 19:30 交叉參考

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Salmos 22:15

Simeyqa k'analla jina ch'aki pacha kashan, qalluytaj pata simiyman k'askaykun, wañuy ñut'u jallp'aman churaykuwanki.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Mateo 27:50

Ujtawan sinch'ita qhaparispa, Jesús wañuporqa.

San Mateo 3:15

Jesustaj kuticherqa: Saqeway kunan bautizachikojta, imaraykuchus aswan walej Diospa kamachisqantaraj junt'ana. Chaymanta Juan saqellarqaña Jesús bautizachikunanta.

Marcos 15:37

Jesustaj, sinch'ita qhaparispa wañuporqa.

San Lucas 22:37

Noqaqa niykichej: Chay escribisqaqa noqapiraj junt'akunan tiyan: Juchasapaswan yupasqa karqa; noqamanta escribisqaqa junt'akushanña.

San Lucas 23:46

Chaypacha Jesusqa sinch'ita qhaparerqa: Tatáy, makisniykiman espirituyta saqeni, nispa. Chayta nispataj wañuporqa.

San Juan 10:11

Noqa sumaj michej kani. Sumaj michejqa kausayninta qon ovejasrayku.

San Juan 10:18

Kausayniytaqa mana pipis qhechuwanmanchu, astawanqa noqa kikiymanta qoni. Atiyniy tiyan kausayniyta qonaypaj, jinallataj watejmanta jap'ikapunaypaj. Kay kamachiytaqa Tataymanta jap'erqani.

San Juan 17:4

Noqa kay pachapi alabarqayki, tukuchaniñataj ruwanasta qowasqaykitaqa.

San Juan 19:28

Chay qhepata Jesús tukuy ima tukuychasqaña kasqanta yachaspa, Escritura junt'akunampaj nerqa: Ch'akishawan.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

Romanos 10:4

Leypa tukukuynenqa Cristomin, tukuy paypi creejkuna Diospaj cheqan runas kanankupaj.

Romanos 3:25

Payta Dios churarqa wañuyninwan allinyachinampaj, fenejta yawarnimpi. Ajinapi pacienciawan cheqa kayninta rikucherqa, pampacharqataj tukuy ñaupaj juchasta.

1 Corintios 5:7

Llimphuchakuychej ari chay mauk'a levaduramanta, mosoj masa kanaykichejpaj; qankunaqa mana levadurayoj t'anta jina kankichej. Cristomin Pascuanchejqa. Pay ñak'arerqa noqanchejrayku.

Filipenses 2:8

Runa kaspataj, k'umuykukorqa; paytaj kasukoj kaspa wañuyman rerqa, cruzpi chakatasqa wañumoj.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Hebreos 9:22

Leyman jinataj, yaqha tukuy ima yawarwan pichakun. Yawar mana jich'akojtintaj, mana juchapis pampachakunchu.