San Juan 17:8 - Qheshwa Biblia DC

⁸ Chay palabrasta qowasqaykitaqa paykunaman qorqani, paykunataj jap'ikorqanku. Qanmanta jamusqantapis cheqamanta yachanku, creenkutaj qan kachamuwasqaykita.

DIOSPA QHELQACHISQAN DEUTEROCANONICAL

⁸ Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

DIOSPA QHELQACHISQ

⁸ Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 17:8 交叉參考

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Proverbios 1:3

Allin yuyaychaykunata, cheqanchayta, cheqanta kausayta, uj rejta ruwayta ima jap'eqanapaj;

Proverbios 2:1

Kay palabrasniytachus uyarinki chayqa, wawáy, umaykipi kamachisqasniyta waqaychay.

Proverbios 4:10

Palabrasniyta uyariway, wawáy, jap'ikuytaj, paytaj watasniykita ashkhayachenqa.

Proverbios 8:10

Qolqeta, ch'uwa qorita jap'inaykichejmantaqa, jap'iychej ari yachachisqasniyta, allin imasta rejsiytawan.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Juan 12:49

Mana noqallamantachu parlani; kachamuwajniy Dios Tataj kamachiwasqanta parlani, yachachinitaj.

San Juan 14:10

Manachu creenki noqa Dios Tatapi kasqayta, paytaj noqapi? Willaykichej chay palabrastaqa, mana noqallamantachu parlani; noqapi kaj Dios Tata chay ruwanastaqa ruwan.

San Juan 15:15

Mana kamachistachu sutichasqaykichej, imaraykuchus kamacheqa mana yachanchu patronnin imatachus ruwasqanta. Noqa kausaqesta sutichaykichej, imaraykuchus Tataypa tukuy ima niwasqanta rejsichiykichej.

San Juan 16:27

Kikin Dios Tata munakusunkichej, qankuna noqata munakuwasqaykichejrayku, creenkichejtaj Dios Tatamanta jamusqayta.

San Juan 16:30

Kunanqa yachayku tukuy imata yachasqaykita, manataj pipis imata tapusunan kanchu; chayrayku creeyku Dios Tatamanta jamusqaykita.

San Juan 17:14

Palabraykita paykunaman willarqani; mundotaj paykunata chejnerqa, imaraykuchus paykuna mana mundojtachu kanku, noqapis manallataj mundojtachu kani.

San Juan 17:18

Imaynatachus qan mundoman kachamuwarqanki, ajinallatataj paykunata mundoman kacharqani.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

San Juan 3:17

Diosqa, mana mundota juchachanampajchu churinta kachamorqa, manachayqa paynejta mundo salvasqa kanampaj.

San Juan 3:33

Pillapis yachachisqanta jap'ikojqa, willallantaj Diosqa cheqapuni kasqanta, imaraykuchus Diospa kachamusqanqa, Diospa palabranmanta parlan, Diosqa Espiritunta mana tupusqata qosqanrayku.

San Juan 6:68

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

San Juan 8:42

Chaypacha Jesús nerqa: Cheqamantachus tataykichej Dios kanman chayqa, noqata munakuwankichejman. Diosmanta kay pachaman jamorqani; manataj sapallaymantachu, manachayqa Dios kachamuwarqa.

1 Corintios 11:23

Imatachus Señormanta yacharqani, chayllatataj yachachiykichej: Maypachachus Señor Jesús jap'ichisqa karqa; chay kikin tutallataj t'antata oqharerqa.

1 Corintios 15:1

Kunanqa, hermanos, yuyarichiykichej evangeliomanta willasqayta. Chaytataj qankunapis jap'erqankichej, chaypitaj qankuna sinch'ita sayashankichej.

Deuteronomio 18:18

Noqa paykunapaj uj sut'inchajta ayllu masinku ukhumanta rikhurichimusaj qan kikinta, paykunaman noqaj nisqayta ninampaj, imatachus paykunaman kamachisqayta.

1 Tesalonicenses 2:13

Chayrayku noqaykupis mana samaspa Diosman graciasta qoyku, maypachachus Diospa palabranta jap'isharqankichej noqaykumanta uyarispa; chaypacha mana runakunaj palabranta jinachu, cheqamanta Diospa palabranta jina jap'erqankichej. Chay palabrataj qankuna creejkunapi llank'ashan.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

1 Juan 4:14

Noqaykutaj rikorqayku, willaykutaj Dios Tata churinta kachamusqanta kay pachapi runaspa Salvajnin kanampaj.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.