San Juan 15:15 - Qheshwa Biblia DC

¹⁵ Mana kamachistachu sutichasqaykichej, imaraykuchus kamacheqa mana yachanchu patronnin imatachus ruwasqanta. Noqa kausaqesta sutichaykichej, imaraykuchus Tataypa tukuy ima niwasqanta rejsichiykichej.

DIOSPA QHELQACHISQAN DEUTEROCANONICAL

¹⁵ Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

DIOSPA QHELQACHISQ

¹⁵ Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

Quechua South Bolivia: Dios Parlapawanchej

¹⁵ Manaña camachitachu sutichayquichej. Uj camacheka camachejnin imatachus ruwashaskanta mana yachanchu. Tataymanta tucuy uyariskayta willarkayquichej. Chayraycu amigosniyta sutichayquichej.

San Juan 15:15 交叉參考

Salmos 25:14

Señorqa payta manchachikojkunawan khuska kausakun, tratontataj rejsichenqa.

Proverbios 18:24

Wakin kausaqesqa mana cheqan kausaqespunichu kanku, wakin kausaqesrí, kikin wauqenmantapis astawanraj munakunku.

Amós 3:7

Señorqa manamin imatapis ruwanchu manaraj imatapis ñaupajta profetasninman willaspaqa.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Lucas 10:23

Yachachisqasninman kutirispataj, wajnejpi sapankupi nerqa: Kusikuyniyoj kanku imastachus rikusqaykichejta rikojkunaqa.

San Juan 12:26

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

San Juan 13:16

Cheqamanta, cheqamanta niykichej: Kamacheqa patronninmanta mana aswanchu, nitaj kachasqapis kachajninmanta aswan kurajchu.

San Juan 15:20

Yuyarikuychej palabrata qankunaman nisqayta: Kamacheqa patronninmanta mana aswan kurajchu. Noqatachus qhatiykachawarqanku chayqa, qankunatapis qhatiykachasonqachej. Palabraytachus waqaychanqanku chayrí, qankunajtapis waqaychallanqankutaj.

San Juan 16:12

Ashkha imastawanraj qankunaman ninay tiyan, manataj chaykunata unanchayta atiwajchejchu kunanqa.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

San Juan 4:19

Warmitaj kayta uyarispa nerqa: Señor, yuyani profeta kasqaykita.

San Juan 8:26

Qankunamanta ashkha imasta parlanay, juchachanaytaj tiyan; noqata kachamuwajqa cheqamin; noqataj paymanta uyarisqayta kay pachapi willashani.

Romanos 7:15

Imatachus ruwasqayta mana yachanichu; chayrayku mana ruwanichu imatachus munasqayta. Astawanqa imatachus chejnini, chayta ruwani.

1 Corintios 2:16

Pitaj Señorpa yuyayninta rejserqa? Pitaj Diosmanta yachachiyta atinmanri? Astawanqa Cristoj yuyaynin noqanchejpi kashan.

Gálatas 4:6

Wawasninña kajtiykichejtaj, Diospa Churimpa Espiritunta sonqoykichejman kachamorqa. Espiritutaj mañakun: Tatáy, nispa.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

Efesios 3:5

Chay pakasqa kajqa mana rikuchisqachu karqa, waj miraykunapi runaj churisninman. Kunanrí Espiritunejta sut'inchan ajllasqa apostolesninman, profetasman ima.

Colosenses 1:26

Chay pakasqa yachay, wiñaymantapacha ñaupa miraykunapi mana rejsisqachu karqa. Kunantaj sut'inchasqaña Diospata kajkunaman.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.

Santiago 2:23

Ajinapi junt'akorqa Escrituraj nisqan: Abraham creerqa Diospi. Chayraykutaj cheqan runapaj qhawasqa karqa, Diospa kausaqen nisqataj karqa.

1 Pedro 1:11

Chantá allinta qhawarqanku pichus, mayk'ajtajchus kananta. Paykunapi kaj, Cristoj Espirituntaj, ñaupajmantapacha willarqa Cristoj ñak'arinasninmanta, jatuchaj yupaychanas qhepankuta jamunanmanta ima.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.