San Juan 12:40 - Qheshwa Biblia DC

⁴⁰ Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

DIOSPA QHELQACHISQAN DEUTEROCANONICAL

⁴⁰ Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

DIOSPA QHELQACHISQ

⁴⁰ Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

San Juan 12:40 交叉參考

1 Reyes 22:20

Señortaj nerqa: Pitaj Acabta ch'aukiyaspa pusanman Galaadmanta Ramotpa contrampi maqanakoj rispa urmanampaj? Ujnin uj jinamanta nerqa, ujtaj uj jinamantañataj nerqa.

Salmos 147:3

Payqa sonqo p'akisqasta thañichin. Nanasqasnintataj jampin.

Salmos 41:4

Noqa nerqani: Señor khuyakuway, thañichiway, contraykipi juchallejtiypis.

Salmos 6:2

Señor, khuyakuway noqamanta, kallpay mana kanchu. Thañichiway, Señor, imaraykuchus tukuy ukhusniy t'unakushawan.

Éxodo 10:1

Ujtawan Señorqa Moisesman nerqa: Ujtawan rispa nimuy faraonman; imaraykuchus noqa paypa sonqonta rumiyachini, jinallataj kamachisnimpa sonqosnintapis. Ajinamanta jatuchaj t'ukuna imasta paykuna ukhupi ruwanaypaj atiyniyta rikuchispa.

Éxodo 11:10

Moiseswan Aaronwan chay t'ukuna imasta ruwarqanku faraompa ñaupaqempi. Señortaj faraompa sonqonta rumiyacherqa, chayrayku israelitasta mana saqerqachu llajtanmanta llojsinankuta.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 14:8

Egipto rey faraompa sonqonta Señorqa rumiyacherqa, israelitasta qhatirinampaj, mana kasuspa israelitasqa chay jina atiywan llojsishajtinku.

Éxodo 4:21

Chantaqa Señor nillarqataj Moisesman: Egiptoman kutispa faraompa ñaupaqempi kay t'ukunasta qosusqayta, ruwankipuni atiyta qosusqaywan. Noqataj faraompa sonqonta rumiyachisaj, paytaj israelitasta mana llojsejta saqenqachu.

Éxodo 7:13

Chay tukuywampis faraompa sonqon astawan rumiyarqa, paykunata mana kasuta ruwarqachu, Señorpa nisqanman jina.

Éxodo 7:3

Noqataj faraompa sonqonta rumiyachisaj, astawantaj ashkhayachisaj may t'ukunasta ruwayta, milagrostawan ruwayta Egipto jallp'api.

Éxodo 9:12

Señortaj astawan faraompa soqonta rumiyacherqa; chayrayku Moisesta Aarontawan mana kasuta ruwarqachu Moisesman Señor nisqanman jina.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

Isaías 6:9

Paytaj niwarqa: Riy, kay jinata chay runasman willamuy: Allinta uyarishaspapis, mana yachayta atinkichejchu, rikushaspapis manallataj unanchayta atinkichejchu.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 5:21

Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

Ezequiel 14:9

Sichus uj profeta llullata parlanqa chayqa, noqa chay profetata ch'aukiyarqani. Makiyta oqharisaj payta jasut'inaypaj, Israel ayllumantataj chinkachisaj.

Oseas 14:4

Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

Marcos 4:12

Chayrayku qhawashaspapis mana rikunkuchu; uyarishaspapis nillataj entiendeyta atinkuchu, chay jawa, ama Diosman kutirinankupaj, nitaj juchasninkupis pampachasqa kanampaj.

Marcos 6:52

Manapuni unanchayllatapis aterqankuchu t'antata mikhusqankumanta; imaraykuchus paykunaj sonqonku rumiyasqa karqa.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

San Lucas 8:10

Paytaj nerqa: Qankunamanqa Dios rejsichisunkichej reinompa pakasqa yachaykunasninta; wajkunamanrí rijch'anachinaswan parlan, qhawashaspa mana rikunankupaj, uyarishaspapis mana entiendenankupaj.

San Juan 12:39

Chayrayku mana creeyta aterqankuchu. Isaiasqa nillarqataj ari:

San Juan 9:39

Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.

Hechos 15:3

Antioquía iglesiataj paykunata kacharpayarqa. Paykunataj rerqanku Fenicianejta, Samarianejta ima, creejkunaman willaspa, imaynatachus gentilespis Diosman kutirikusqankuta. Tukuy hermanostaj maytapuni kusikorqanku chayta uyarispa.

Hechos 28:26

Kay runakunaman rispa willamuy: Qankunaqa uyarillankichej, manataj imachus kasqanta entiendenkichejchu. Qhawashaspapis mana yachankichejchu imatachus qhawasqaykichejta.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

Romanos 9:18

Ajinapeqa pitachus Dios khuyayta munan, chayta payqa khuyan. Pejpa sonqontachá rumiyachiyta munan, chayta rumiyachin.

Deuteronomio 29:4

Kunankama Señorqa entiendej sonqota manaraj qosunkichejchu, ni ñawista chay imasta rikunaykichejpaj, nitaj ningristapis uyarinaykichejpaj.

Josué 11:20

Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.