San Juan 10:16 - Qheshwa Biblia DC

¹⁶ Waj ovejas tiyapullawantaj. Chaykunaqa mana kay t'aqamantachu kanku. Chay ovejastapis pusamunallaytaj tiyan. Paykunata wajyajtiy uyariwanqanku. Uj t'aqalla kanqanku, uj k'ata michejniyojtaj.

DIOSPA QHELQACHISQAN DEUTEROCANONICAL

¹⁶ Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

DIOSPA QHELQACHISQ

¹⁶ Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

Quechua South Bolivia: Dios Parlapawanchej

¹⁶ Waj ovejasniypis capuwan mana cay tropamantachu. Paycunata pusamunay tiyan. Paycunapis wajyaskayta uyarenkancu jamunancupaj. Ajinapi uj tropalla uj michejllataj canka.

San Juan 10:16 交叉參考

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Eclesiastés 12:11

Yachayniyojkunaj palabrasnenqa wach'ina jina. Yachachejkunaj palabrasnin tantasqasqa tantakojtinku ch'akarpu jina sumaj takasqa, uj sumaj michejpa churasqampis kanman jina.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 43:6

Patanejpi kaj nacionta nisaj kutichipuy, runasniyta. Uranejpi kaj naciontapis nisaj: Ama jap'ikuyñachu, nispa. Kacharipuway qhari wawasniyta, warmi wawasniytawan, kay pachaj k'uchusninmantapacha.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 56:8

Tukuy ch'eqerasqa israelitasta tantamoj Señorqa nin: Kay tukuy tantakamojkunamanqa astawanraj wajkunata tantamusaj.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Ezequiel 34:23

Noqa David kamachiyta kutirichimusaj, payta ovejasniyta michinampaj churasaj. Pay ovejasniymanqa sumaj pastosta mikhuchipuwanqa, sumajtataj qhawanqa.

Ezequiel 34:6

Ovejasneyqa tukuy lomasnejpi jatuchaj orqosnejpi chinkasqas purerqanku, tukuynejpi ch'eqerasqas karqanku, manataj pipis paykunamanta llakirikojkuna karqankuchu, nitaj mask'amojkunapis.

Ezequiel 37:22

Kay jallp'apitaj paykunata uj nacionllaman Israelpa lomasninman tukuchisaj. Uj reyniyojlla kanqanku. Mana jayk'ajpis ujtawan iskay llajtaschu kanqanku, nitaj iskayman t'aqakuspapis sapa ujpis waj kamachejniyojchu kanqanku.

Ezequiel 37:24

David kamachiy paykunaj reyninku kanqa, uj k'acha michejniyojlla tukuninku kanqanku. Leyesniyta kasonqanku, kamachisqasniytataj ruwaspa junt'anqanku.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Lucas 15:8

Manachu pi warmipis, chunka dracma qolqemanta ujnin kajta chinkachispa, kikimpacha k'anchata jap'ichiytawan mask'an wasinta pichaspa, tarinankama?

San Juan 10:11

Noqa sumaj michej kani. Sumaj michejqa kausayninta qon ovejasrayku.

San Juan 10:2

Pichus oveja kanchaman punkunta yaykun chayqa, chaymá ovejasta michejqa.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

San Juan 10:3

Kancha punkuta qhawajtaj paypaj punkuta kicharin. Ovejastaj michejpa vozninta rejsinku; paytaj sutisninmanta wajyaspa kanchamanta orqhon.

San Juan 10:4

Tukuy ovejasninta qharqoytawantaj, michejqa ovejaspa ñaupaqenta rin; ovejastaj qhepanta rinku, vozninta rejsisqankurayku.

San Juan 10:5

Mana rejsisqatarí, mana qhatinkuchu, astawanqa paymanta ayqenku, wajkunaj parlasqanta mana rejsisqankurayku.

San Juan 11:52

Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

San Juan 17:20

Mana paykunallapajchu mañakuni, astawanqa paykunaj palabranrayku, noqapi creenqanku chaykunapajpis. Mañakuyki tukuyninku ujlla kanankupaj; imaynatachus, Tatáy, qan noqapi kashanki, noqataj qampi, ajinata paykunapis noqanchejwan ujlla kanankupaj; chay jinamanta kay mundo qan kachamuwasqaykita creenampaj.

San Juan 6:37

Diospa tukuy qowasqan noqaman jamonqa; noqaman jamojtarí, mana qharqosajchu.

Hechos 18:10

Noqamin qanwan kashani. Manataj pipis imanasonqachu. Kay llajtapeqa ashkhas kanku noqapi creejkuna.

Hechos 22:14

Ananiastaj niwarqa: Tatasninchejpa Diosnin, ñaupajmantapacha qanta ajllasorqa, paypa munayninta yachanaykipaj, cheqan kajta rikuspa simimpa nisqanta uyarinaykipaj.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

2 Tesalonicenses 2:13

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

1 Pedro 2:10

Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

1 Pedro 5:4

Jatun michej rikhurimojtintaj, mana ismoj, lliphipej pilluta jap'inkichej.

Apocalipsis 3:20

Qhaway, punkupi kashani, wajyashanitaj. Sichus uj runa wajyasqayta uyarin, punkutataj kicharimun chayqa, noqaqa paypaman yaykusaj. Paywantaj mikhusaj, paytaj noqawan mikhonqa.