Joel 2:18 - Qheshwa Biblia DC

^18-19 Chaypacha Señorqa ayllunman rikucherqa munakuyninta. Jallp'ampi kaj runasninta khuyakuspataj, nerqa: Apachimusqaykichej trigota, vinota, aceiteta ima, sajsasqas kanaykichejkama, manataj ujtawan saqesajchu mana creejkuna qankunamanta burlata ruwakunankuta.

DIOSPA QHELQACHISQAN DEUTEROCANONICAL

¹⁸ Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

DIOSPA QHELQACHISQ

¹⁸ Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

Joel 2:18 交叉參考

2 Reyes 19:31

Jerusalempi puchojkuna qhepakonqanku. Sión orqopitaj kausajkuna kanqankuraj. Kaytaqa Atiyniyoj Señorpa jatun munaynillan ajinata ruwanqa.

Salmos 103:13

P'enqaypi rikhurichunku, kausayniypa enemigosnin. P'enqaypipuni rikhurichunku, mana allin kayniyta munajkunaqa.

Salmos 103:17

Diosníy, qan yachaq payta kasukojkunapaj, cheqanchaynintaj tukuy runa mitaspaj.

Isaías 37:32

Jerusalenmanta Sión orqomantawan puchojkuna kanqanku. Sumajta munakoj Tukuy Atiyniyoj Señorlla chaytaqa ruwanqa.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Lamentaciones 3:22

Señorpa munakuynenqa mana jayk'ajpis tukukunchu, khuyakuynimpis mana tukuchisqachu.

San Lucas 15:20

Kikimpacha sayariytawantaj kutiporqa tatampaman. Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa.

Deuteronomio 32:16

Waj dioskunata yupaychaspa Diosta mayta phiñacherqanku. Millay lantisninkuwan phiñakuyninta k'ajaricherqanku.

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

Deuteronomio 32:43

Naciones kusikuychej Diospa ayllunwan. Diosqa aynita kutichenqa kamachisninta wañuchisqankumanta. Enemigosninman aynita kutichenqa. Payqa jallp'anta, aylluntawan llimphuchanqa.

Santiago 5:11

Pacienciakuspa ñak'arejkunataqa, kusikuyniyoj kasqankuta ninchej. Qankuna uyarerqankichej Jobpa paciencianta llakiykunapi imaynatachus Señor paymanta khuyakusqanta.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.