Jeremías 4:8 - Qheshwa Biblia DC

⁸ Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

DIOSPA QHELQACHISQAN DEUTEROCANONICAL

⁸ Chayrayku qhashqa p'achawan p'achallikuychej. Nanaywan qhaparqachaspa waqaychej, imaraykuchus Tata Diospa k'araj phiñakuynenqa manaraj noqanchejmanta t'aqakunchu, nispa.

DIOSPA QHELQACHISQ

⁸ Chayrayku qhashqa p'achawan p'achallikuychej. Nanaywan qhaparqachaspa waqaychej, imaraykuchus Tata Diospa k'araj phiñakuynenqa manaraj noqanchejmanta t'aqakunchu, nispa.

Jeremías 4:8 交叉參考

Salmos 78:49

Paykunaj patankuman Diosqa k'arajta phiñakuspa, apachimorqa phiñakuyta, sinch'i llakiyta, rabiakuyta ima tukuchej sajra angelesta jina.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

Jeremías 25:34

Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 48:20

Moabqa may k'umuykachachisqa, mancharisqataj kashan. Paymanta nanaywan waqaychej. Arnón mayupi willamuychej Moabqa chinkachisqa kasqanta.

Jeremías 6:26

Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

Lamentaciones 1:12

Qankuna, ñanta rejkuna, manachu sonqoykichejta noqamanta nanachikunkichej? Sayarispa qhawariwaychej, kay llakiyta ñak'arishani chaymanta astawan llakiy kanchus manachus chayta. Kay jinataqa Señorpuni jasut'ishawan k'ajaj phiñakuynimpi.

Ezequiel 21:12

Qantaj, sonqo nanayta qhapariy, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuranankupaj juchachasqas kanku, chayrayku llakiywan pechoykita takakuy.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

Números 25:4

Chaymanta Moisesman nerqa: Israelitaspa tukuy kurajkunasninta tantachiy; paykunatataj noqaj ñaupaqeypi wañurachiy p'unchaypi sumajta inti k'ancharimushajtin. Ajinamanta k'ajaj phiñakuypis israelitasmanta qhechukonqa.