Jeremías 3:10 - Qheshwa Biblia DC

¹⁰ Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

DIOSPA QHELQACHISQAN DEUTEROCANONICAL

¹⁰ Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

DIOSPA QHELQACHISQ

¹⁰ Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Jeremías 3:10 交叉參考

2 Crónicas 34:33

Josiasqa qhechorqa tukuy millay ruwaykunata Israel jallp'amanta. Kamacherqataj tukuy israelitas Señor Diosninkuta sirvinankuta. Rey kausanankama mana t'aqakorqankuchu ñaupa tatasninkoj Diosninmanta.

Salmos 18:44

Uyariwaytawankama kasuwanku. Waj llajtayojkuna kamachisqayta ruwanku.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Isaías 31:6

Israelpa wawasnin, Diosman kutiriychej ari, pejpa contrantachus millay imasta ruwarqankichej, chayman.

Jeremías 11:10

Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

Jeremías 12:2

Qan paykunata sayacherqanki, paykunarí saphichakunku, wiñanku, chanta poqonkutaj. Siminkumantaqa qayllaykipi kasqankuta ninku, sonqonkupirí qanmantaqa karupi kashanku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Amós 4:9

Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

Malaquías 2:11

Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.