Jeremías 21:5 - Qheshwa Biblia DC

⁵ Noqa kikiy qankunaj contraykichejpi maqanakusaj tukuy atiyniyta kachaykuspa k'ajaj phiñakuyniywan.

DIOSPA QHELQACHISQAN DEUTEROCANONICAL

⁵ Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

DIOSPA QHELQACHISQ

⁵ Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 21:5 交叉參考

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 9:15

Sichus mana makiyta oqhariyman qanta nanachisunaypaj, runasniykitawan, manchay jasut'iyniywan chayqa, kay jallp'a patamanta chinkachisqaña kawaj karqa.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

Jeremías 37:10

Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

Jeremías 6:12

Wasisninku, llank'anasninku, chanta warmisninkupis, wajkunaj makinkuman chayanqanku. Noqaqa makiyta oqaharisaj kay jallp'api tiyakojkunata jasut'inaypaj. Noqa Señormin chayta nini.

Lamentaciones 2:3

K'ajaj phiñakuyninwan israelitaspa atiyninta chinkachin. Enemigosnin rikhurimojtinkama, payqa atiyninta wajnejman ithirichin. Payqa Jacobpa ayllumpi ninata jina phiñakuyninta jap'iykuchin, chaytaj tukuy munayninta q'olaykun.

Ezequiel 39:3

Lloq'e makiykipi kaj flecha k'uru k'aspiykita p'akerparisaj, flechasniykitataj paña makiykimanta pampaman urmachisaj.

Ezequiel 5:8

Chayrayku noqa Señorqa, qanta niyki: Noqapis Jerusalén contraykipi churakusaj arí, noqa juchachasqayki muyuyniykipi kashanku chay nacionespa rikunanta.

Deuteronomio 4:23

Qankunataj amapuni qonqaychejchu Señor Diosniykichej qankunawan tratota ruwasqanta. Amapuni ima lantitapis ruwakuychejchu. Amataj ruwankichejchu, mayqenkunatachus Señor Diosniykichej mana munanchu ruwanaykichejta imaman rijch'akojllatapis chaykunatawan.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?