Génesis 39:3 - Qheshwa Biblia DC

³ Patronnenqa repararqa Señor paywampuni kasqanta, chayrayku tukuy imapi allin risqanta.

DIOSPA QHELQACHISQAN DEUTEROCANONICAL

³ Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

DIOSPA QHELQACHISQ

³ Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

Génesis 39:3 交叉參考

Génesis 21:20

Ajinata Dios yanaparqa Ismaelta, paytaj wiñarqa, tiyakorqataj ch'in pampapi; chantaqa sumajtataj flechayta yacharqa.

Génesis 21:22

Chay tiempollapitaj Abimelecqa soldadosninta kamachejnin Ficolwan rerqanku Abrahamwan parlaj. Chayaspataj nerqanku: Rikuyku qanta Dios tukuy ima ruwasqasniykipi yanapasusqanta.

Génesis 21:23

Chayrayku qan niy ari Diospa sutinta oqharispa, ama ima sajratapis ruwanawaykita, ni wawasniypaj, nitaj mirayniypajpis. Nillaytaj ari allinta ruwanawaykita noqa imaynatachus ruwarqayki ajinata, jinallataj allinta ruwanaykita kay runaspajpis, mayqenkunaj llajtampichus tiyakushanki chaypi.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 26:28

Paykunataj kuticherqanku: Noqayku rikuyku qanwan Señor kasqanta, chayrayku noqayku munayku qanwan uj tratota ruwayta. Chay tratoqa kay jina kanqa:

Génesis 30:27

Labantaj kuticherqa: Ama ripuychu ari, kakullay. Noqa yachani qanrayku Señorqa bendiciwasqanta.

Génesis 30:30

Manaraj kayman chayamushajteyqa pisilla tiyapusorqa, kunantaj ashkhaña tiyapusunki. Chayamusqaymantapacha Señorqa ashkhata qosunki. Kunanqa mayk'ajkamataj mana familiasniypaj llank'akusajchuri?

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

Génesis 39:23

Chayrayku carcelta qhawaj runaqa mana imamanta dakojchu José cuentayoj kashajtin, imaraykuchus Señor paywan kasharqa tukuy ima ruwasqasnimpi allin rinampaj.

2 Reyes 18:7

Señortaj paywampuni karqa; mayllamampis llojsejtin allimpuni paytaqa rerqa. Payqa Asiriamanta reypa contrampi oqharikorqa, payta mana sirviyta munaspa.

1 Crónicas 22:13

Tukuy imapi allin risonqa, leykunasninta junt'aj churakunki chayqa, jinataj Señorpa nisqasninta, Israelman Moisesnejta kamacherqa chaykunatapis. Kallpachakuy, sinch'itataj sayay; ama iskayrayaychu, amataj manchachikuychu.

1 Crónicas 9:20

Chaymanta aswan ñaupajtaqa Eleazarpa wawan Finees paykunaj kamachejninku karqa. Señortaj paywan kachun.

2 Crónicas 1:1

Davidpa wawan Salomonqa, Señor Diosnimpa yanapayninwan kamachej kaynimpi astawan kallpachakorqa, may jatunchasqataj karqa.

2 Crónicas 26:5

Zacarías kausashajtenqa Diosta mask'aj churakorqa. Zacariasqa yachacherqa Diosta manchachikuna kasqanta. Diospa qayllampi kanankama, Señorqa payta yanaparqa.

Nehemías 2:20

Noqataj nerqani: Janaj pachapi kaj Dios atipachiwasqayku. Noqayku kay kamachisqa watejmanta perqasninta jatarichisqayku. Qankunataj Jerusalenwanqa mana imatapis ruwanaykichejchu tiyan.

Salmos 1:3

Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

Zacarías 8:23

Jaqay tiempopeqa chunka waj llajtamanta runas, uj judío runaj p'achanmanta jap'iykukorqanku. Qankunawan riyta munayku, imaraykuchus uyariyku qankunawan Dios qasqanta, nispa!

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

1 Corintios 16:2

Sapa semanaj ñaupaj p'unchaynimpi, sapa ujniykichej t'aqaychej mashkhallatapis kapususqaykichejman jina. Chaytataj waqaychaychej. Chayamojtiytaj amaña qolqeta tantankichejchu.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

1 Samuel 18:14

Davidta Señor yanapasqanrayku tukuy ruwasqasnimpi allillampuni rerqa.

1 Samuel 18:28

Saulqa rikuspa, yachaspataj Davidwan Señor kasqanta, wawan Micaltaj sinch'ita munakusqanta, astawan manchachikorqa ñaupajmanta nisqaqa. Saulqa wiñaypaj enemigota jap'ikorqa tukuy kausaynimpi.

1 Samuel 3:19

Samuelqa wiñarqa, Señortaj paytaqa yanaparqa, tukuy nisqasnintataj ruwarqa.