Génesis 28:3 - Qheshwa Biblia DC

³ Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

DIOSPA QHELQACHISQAN DEUTEROCANONICAL

³ Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

DIOSPA QHELQACHISQ

³ Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

Génesis 28:3 交叉參考

Génesis 1:28

Chantá bendicerqataj nispa: Mira casta kaychej, miraychej, mundoman junt'aychej; atiyniyojtaj kaychej, atipaspa mar qochapi kaj challwasta, tukuy p'isqosta, tukuy qhatatakojkunatawan jallp'a patapi.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 17:20

Ismael wawaykimanta niwasqaykitapis uyariyki, paytapis bendicisaj. Paypis ashkha wawasniyoj kanqa, jinallataj miraynintapis ashkhayachisaj. Ismaelqa chunka iskayniyoj kurajkunaj tatanku kanqa, jinallataj paymanta ruwasaj uj jatun nacionta.

Génesis 24:60

Chaymantataj Rebecata bendicispa nerqanku: Oh, hermanayku, qan kanki waranqa waranqaspa mamanku, mirayniyki qhechuchun ashkha llajtasta enemigosninkumanta.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 27:33

Isaacqa mancharikuspa kharkatitispa jajllu jajllullamanta nerqa: Chanta, pitaj rerqa montemanri, aycha mikhuytataj apamuwanri? Noqaqa mikhuniña manaraj apamushawajtiyki, bendicionniyta paymanña qopuni, pay qhepakun bendicisqa.

Génesis 41:52

Sullk'a kajtataj suticharqa Efrainta, imaraykuchus nerqa: Dios niwan wawasniyoj kanayta runaj llajtampi may llakisqa ñak'arispa purisqaypi, nispa.

Génesis 43:14

Tukuy Atiyniyoj Dios qankunamanta khuyakuchun, ama imapis qankunawan kanampaj, chay runa ujnin wauqeykichejta kacharimpunampaj, jinallataj kay Benjamintapis. Sichus Diospuni munan mana wawasniyoj kanayta chayqa, jina mana wawasniyoj qhepakusaj!

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

Génesis 49:25

Tataykej Diosnin qanta yanapasuchun, tukuy atiyniyoj Dios, bendicisuchun janaj pacha bendicioneswan, musphay ukhu mar qochaj bendicionninwan. Qanmanta mirajkuna warmis ashkha wawasniyoj kachunku.

Génesis 9:1

Dios bendicerqa Noeta wawasnintawan, nispa: Miraychej ashkhayaychejtaj, mundomantaj junt'aychej.

Salmos 127:1

Manachus Señorninchej wasinta ruwan chayqa, qhasillata wasichajkunaqa llank'anku. Manachus Señor llajtata jark'anqa chayqa, qhasillata qhawajkunaqa qhawanku.

Salmos 127:3

Wawasninchejqa Señormanta regalo kanku, Señorpa bendicionnin kanku.

Éxodo 1:7

Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

Éxodo 6:3

Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Apocalipsis 21:22

Manataj chaypi templota rikorqanichu. Llajtaj templonqa kikin Señormin, Tukuy Atiyniyoj Dios, Corderotaj.

Rut 2:4

Jinallamanta Boozqa Belenmanta chayaykamusqa, napaykorqataj ruthojkunasninta: Señor qankunawan kachun!, nispa. Señor qanta bendicisuchun, nispataj kuticherqanku.