Efesios 1:4 - Qheshwa Biblia DC

⁴ Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

DIOSPA QHELQACHISQAN DEUTEROCANONICAL

⁴ Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

DIOSPA QHELQACHISQ

⁴ Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Quechua South Bolivia: Dios Parlapawanchej

⁴ Yuyayninmanjina manaraj cay pachata ruwashaspa Dioska ajllacuwarkanchej, Cristonejta allinyachinawanchejpaj. Munarka payman t'akaskas mana juchayoj munacuypi paypa ñaupakenpi cananchejta.

Efesios 1:4 交叉參考

2 Samuel 22:24

Paypa ñaupaqempi mana ima juchayoj purerqani; jucha ruwaymanta karunchakuni.

Salmos 135:4

Pay Jacobta ajllakorqa, Israelta, qhapaj kapuynin kanampaj.

Isaías 42:1

Qhawariy kamachiyta. Payta noqaqa sayachini, payqa noqaj ajllasqay. Paypi noqaqa kusikuni. Payman Espirituyta churani, tukuy nacionespaj cheqan kajta apamunampaj.

Levítico 20:7

Tukuyniykichej noqapaj llimphuchakuychej, noqapaj jinataj t'aqasqas kaychej; imaraykuchus noqamin Señor Diosniykichejqa kani.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Mateo 24:31

Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Juan 10:16

Waj ovejas tiyapullawantaj. Chaykunaqa mana kay t'aqamantachu kanku. Chay ovejastapis pusamunallaytaj tiyan. Paykunata wajyajtiy uyariwanqanku. Uj t'aqalla kanqanku, uj k'ata michejniyojtaj.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Hechos 13:48

Chayta uyarispataj, waj llajtayoj runasqa, kusikuspa Señorpa palabranta jatuncharqanku. Wiñay kausaypaj kajkunaqa Señorpi creerqanku.

Hechos 15:18

Ajinata nin Señorqa. Tukuy ruwasqasninta unaymantapachaña rejsicherqa.

Hechos 18:10

Noqamin qanwan kashani. Manataj pipis imanasonqachu. Kay llajtapeqa ashkhas kanku noqapi creejkuna.

Romanos 8:33

Pitaj Diospa ajllasqasninta ch'ataykunmanri? Dioslla mana juchayojta rikhurichin.

1 Corintios 1:8

Paytaj sinch'ita sayachisonqachej tukukuykama, ama pipis k'amisunaykichejpaj, Señorninchej Jesucristoj p'unchaynimpi.

Gálatas 5:13

Qankunaqa hermanos, libres kanaykichejpaj wajyasqas kankichej, amataj aychaj munaynimpajchu kachun, manachayqa ujkuna ujkuna yanapanakuychej munakuywan.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Efesios 3:17

Creesqaykichejrayku Cristo sonqoykichejpi tiyakuchun, munakuypi sumaj saphinchasqas sayanaykichejpaj.

Efesios 4:2

Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Efesios 5:27

Pay kikimpaj rikuchinampaj uj sumaj qhawasqa iglesiata, mana ch'ichiyojta, mana k'usuyojta, nitaj chay imasman rijch'akojta. Manachayqa juchamanta t'aqasqata, llimphuchasqatataj rikuchinampaj.

Colosenses 1:22

Cristoqa aycha cuerpoyoj kashaspa, wañuyninnejta Diosman qayllachisonqachej, llimphusta, mana juchayojta, mana k'aminatataj.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

1 Tesalonicenses 3:12

Señortaj qankunata munakuywan junt'achichun, ashkhayachichuntaj qankuna ukhupi, wajkuna ukhupipis; imaynatachus noqaykupis qankunata munakuyku, ajinata.

1 Tesalonicenses 4:7

Diosqa mana millay kausaymanchu wajyasorqachej, astawanqa llimphu kausayman.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

2 Timoteo 2:10

Chayrayku, tukuy imata aguantani Diospa ajllasqasninta munakusqayrayku, paykunapis salvacionta kusiywan wiñaypaj tarinankupaj Cristo Jesuspi.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

1 Pedro 1:20

Cristo chaypaj wakichisqa karqa, manaraj kay pacha ruwasqa kashajtin. Qhepantataj p'unchaykunapi rikhurimorqaña qankunata munakusqanrayku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

2 Pedro 3:14

Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

1 Juan 4:16

Noqanchej rejsinchej, creenchejtaj Dios munakuwasqanchejta. Diosqa munakuymin. Munakuypi kajqa Diospi kashan, Diostaj paypi.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.