Apocalipsis 8:10 - Qheshwa Biblia DC

¹⁰ Kinsa kaj angeltaj trompetata waqacherqa. Janaj pachamantataj uj jatun ch'aska urmamorqa, uj k'anchay jina larwaspa; mayuspa kinsa kaj t'aqanman urmarqa, yaku pujyusmanwan.

DIOSPA QHELQACHISQAN DEUTEROCANONICAL

¹⁰ Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

DIOSPA QHELQACHISQ

¹⁰ Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

Quechua South Bolivia: Dios Parlapawanchej

¹⁰ Quinsa caj angel tocajtintaj janaj pachamanta uj jatun ch'asca urmaycamorka. Jatun ninajina laurashaj carka. Mayusmanta quinsa caj parteman, yacu pujyusmanwan urmaycamorka.

Apocalipsis 8:10 交叉參考

Isaías 12:3

Qankunapis kusiywan salvación juturimanta yakuta ujyankichej.

Isaías 14:12

Sut'iyay ch'aska, kay jinatachu cielomantaqa urmamunki! Qanqa nacionesta atipaj kanki, kunantaj pampapi wijch'usqa rikhurinki.

Zacarías 13:8

Chay jallp'api tiyakojkunamantaqa, kinsaman t'aqasqamanta uj iskay t'aqan jina wañonqa. Kinsa kaj t'aqalla kausayniyoj qhepakonqanku, chay qhepakojkunataj ninanejta apasqas kanqanku; imaynatachus qolqeta ninapi ch'uwachanku chayri qorita ch'uwachanku ajinata. Chaypacha paykunaqa noqaman wajyakamuwanqanku, noqataj uyarisaj paykunata. Paykunata sutichasaj: Aylluymin. Paykunatajrí kutichiwanqanku: Señorninchejqa Diosninchejpuni, nispa. Noqa Señor chayta nini.

San Mateo 25:1

Chantá, janaj pacha reinoqa rijch'akun chunka sipaskunaman; paykunaqa k'anchanasninkuta oqharikuspa casarakojta taripaj rerqanku.

San Lucas 10:18

Paytaj nerqa: Noqaqa supayta rikorqani, lliuj lliuj jina cielomanta urmamojta.

Judas 1:13

Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.

Apocalipsis 1:20

Pakasqa yachacheyqa chay qanchis qoyllurkunamanta, paña makiypi rikusqayki chay qanchis k'anchachinasmantawanqa, kay jina: Qanchis qoyllurkunaqa, qanchis iglesiaspa angelesnin; qanchis k'anchachinas rikusqaykitaj, qanchis iglesias kanku.

Apocalipsis 12:4

Chupantaj janaj pachapi qoyllurkunaj kinsa kaj t'aqanta phiskurparerqa, jallp'amantaj wijch'uykamorqa. Chay sierpeqa wachakunayashaj warmej ñaupaqempi sayaykorqa, wachakojtinkama wawanta oqoykunampaj.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 16:4

Kinsa kaj angeltaj mayusman, yaku pujyusman ima copanmanta jich'aykorqa. Chaykunataj yawarman tukorqanku.

Apocalipsis 6:13

Cielo qoyllurkunataj jallp'a pataman urmaramorqanku, imaynatachus higo sach'ata wayra thalaspa, higosta urmarachin, ajinata.

Apocalipsis 8:7

Ñaupaj kaj angeltaj trompetanta waqacherqa; chaypacha, granizo, ninawan, yawarwan ima chajrusqa jallp'aman urmamorqa. Jallp'aj kinsa kaj suyunmanta ujnin kaj ruphaykorqa, sach'asmanta kinsa kaj rak'iyninmanta ujnin kaj ruphaykorqa, tukuy q'omer qhorapis ruphaykullarqataj.

Apocalipsis 9:1

Phishqa kaj angeltaj trompetata waqacherqa. Chaypacha rikorqani uj qoyllurta janaj pachamanta jallp'aman urmamojta; ukhu pacha pujyoj llavesnintataj payman qorqanku.

Apocalipsis 9:15

Chay tawa angelestaj phaskarasqas karqanku, pikunachus chay horapaj, chay p'unchaypaj, chay killapaj, chay watapaj wakichisqas karqanku, runaspa kinsa kaj t'aqanta wañurachinankupaj.

Apocalipsis 9:18

Kay kinsa jasut'iykunawantaj, runaspa kinsa kaj t'aqan wañorqa ninawan, q'osñiwan, azufrewantaj. Chaykunaqa caballospa simisninkumanta llojsimusharqanku.

Jueces 15:11

Kayta uyarispataj Judá ayllumanta kinsa waranqa runas Etam chhanka jusk'uman rerqanku, chaypitaj Sansonman nerqanku: Manachu yachanki filisteospa kamachimpi kashasqanchejta? Imatataj kayta ruwawaykuri? Sansón paykunaman kuticherqa: Imaynatachus paykuna ruwawarqanku jinallatataj noqapis ruwani.