Apocalipsis 2:23 - Qheshwa Biblia DC

²³ Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

DIOSPA QHELQACHISQAN DEUTEROCANONICAL

²³ Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

DIOSPA QHELQACHISQ

²³ Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Quechua South Bolivia: Dios Parlapawanchej

²³ Chay warmej yachachiyninta casojcunata wañuywan tucuchisaj. Ajinapi tucuy ajllacuskasniyka yachankancu, runaj pacaska yuyayninta sonkontapis sut'ita noka khawaj caskayta. Yachankancutaj sapa ujniyquichejman ruwaskayquichejmanjina kosunayquichejta.

Apocalipsis 2:23 交叉參考

1 Crónicas 17:18

Imatawantaj astawan niykiman Señor kay kamachiykita allin runapaj qhawachisqaykimantari? Qanqa rejsinki kay kamachiykitaqa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Job 24:23

Diosqa saqen sumaj kusiypi kausajta, imaynatachus parisqantataj sumajta qhawan.

Salmos 139:1

Señorníy qan allinta qhawawanki, rejsiwankitaj.

Salmos 26:2

Allinta qhawaway yachanawaykipaj, maychus kasqayta yachaway, sonqoy ukhupi yuyasqasniyta, munasqasniyta ima.

Salmos 44:21

manachu chayta yachaspa phiñakuwaj karqa? Qanqa sonqoyku ukhupi pakasqa kajtapis yachankipuni.

Salmos 62:12

Señorníy, qampata ari khuyakoyqa, imaraykuchus tukuy ima ruwasqankuman jina, t'inkata qopunki.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

Jeremías 11:20

Qanrí Tukuy Atiyniyoj Señor, uj cheqan juez kanki; qan rejsinki tukuy runaj sonqonta imaynachus kasqanta. Rikuchiway imaynatachus chay runasta jasut'inki chayta, makisniykiman churamuni noqamanta kaj ruwana imasta.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 20:12

Tukuy Atiyniyoj Señor, qanlla cheqan ñawiwan qhawawanki, qanmin rikunki runaj tukuy sonqonta, noqamampis rikuchiway imaynatachus chay runasta jasut'isqaykita; chayrayku makillaykiman kausayniyta churani.

Sofonías 1:11

Qhapariychej qankuna, Mortero nisqa chaynejpi tiyakojkuna, imaraykuchus qhatunata apaykachajkuna tukuyninku wañuranqanku. Qolqewan qhatuspa purejkunapis tukuyninku t'unasqas kanqanku!

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

San Lucas 16:15

Chaynejta paykunaman nerqa: Qankunaqa sumaj runaman rijch'akunkichej, llimphu runaspis kawajchej jina; astawanqa Dios yachashan sonqoykichejta; runas sumajpaj qhawasqankoqa, Diospa ñaupaqempi ancha millay.

San Juan 21:17

Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

San Juan 4:16

Jesustaj nerqa: Kunanqa riy qosaykita wajyamuy, kutimuytaj.

Hechos 1:24

Kay jinatataj Diosmanta mañakorqanku: Señor, tukuypa sonqonta rejsej, rikuchiwayku ari mayqentachus kay iskay qharismanta ajllasqaykita, apostolniyki kanampaj, kamachisqaykitataj ruwanampaj Judaspa cuentanmanta, pichus juchanrayku saqerparerqa ruwananta, maypachachus juchallikusqanrayku rinan karqa chayman rinampaj.

Romanos 14:12

Ajinaqa sapa ujninchej Diosman willakunanchej tiyan noqanchej kikinchejmanta.

Romanos 8:27

Dios sonqosta rejsejqa, yachan imachus Espíritoj yuyaynin kasqanta. Santo Espiritoqa, Diospa munayninman jina ajllasqasnimpaj mañapun.

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Gálatas 6:5

Sapa uj kikin q'epinta apachun.

Deuteronomio 13:11

Chayta uyarispa tukuy israelitas manchachikuywan manaña ujtawan jina sajra kajta ruwanqankuchu.

Deuteronomio 17:13

Chayta runas yachanqanku chayqa, manchachikuyniyoj kanqanku, manaña jinata machu machuykachaspapis ruwanqankuchu.

Deuteronomio 19:20

Wajkunapis chayta yachaytawan manchachikonqanku, manañataj chay jina sajrata ruwanqankuchu.

Deuteronomio 21:21

Chay llajtamanta tukuy runas rumiswan ch'anqaspa payta wañuchenqanku. Ajinamanta qankuna ukhumanta sajra kajta chinkachinkichej. Chayta uyarispataj israelitasqa manchachikonqanku.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Apocalipsis 2:11

Ningriyoj kajqa uyarichun imatachus Espíritu iglesiasman nisqanta. Pichus atipanqa chaytaqa, iskay kaj wañuy mana imananqachu.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

Apocalipsis 20:12

Rikullarqanitaj wañusqasta, jatuchejkunata, juch'uykunatapis Diospa ñaupaqempi sayashajta. Libros kicharikorqanku, chantá waj libropis kicharikullarqataj. Chayqa kausaypa libron. Wañusqastaj juchachasqas karqanku, imamantachus librospi escribisqa kasqanmanta, ruwasqankuman jina.

Apocalipsis 20:13

Mar qochataj chaypi wañusqa kajkunata qoporqa. Wañuypis, ukhu pachapis paykunapi wañusqas kajkunata qopullarqataj. Sapa ujninkutataj juchacharqa ruwasqasninkuman jina.

Apocalipsis 22:12

Kayqa usqhayta jamushani, t'inka aparisqa sapa ujman maychus ruwasqanman jina qopunaypaj.

Apocalipsis 6:8

Rikullarqanitaj uj q'ellu caballota. Patampi lloq'asqa kajpatataj sutenqa wañuy karqa. Wañuy nisqataj payta qhatisharqa. Payman tukuynin jallp'amanta tawan kaj suyuta qorqanku wañuchinampaj espadawan, yarqhaywan, onqoykunawan, jallp'api monte animaleswan ima.

1 Samuel 16:7

Señortaj nerqa: Ama allin rijch'ayninta qhawaychu, nitaj jatun kaynintapis, paytaqa noqa qhesachani. Runaqa k'acha kaynillanta qhawan, noqaqa mana runa jinachu qhawani, manachayqa sonqonta qhawani, nispa.