Apocalipsis 12:9 - Qheshwa Biblia DC

⁹ Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

DIOSPA QHELQACHISQAN DEUTEROCANONICAL

⁹ Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

DIOSPA QHELQACHISQ

⁹ Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Quechua South Bolivia: Dios Parlapawanchej

⁹ Ajinapi chay jatun dragonka wijch'umuska carka. Payka chay juchallichej ñaupa catari, diablo, Satanás sutiyoj. Paypis tucuy cay pacha runasta pantachejka cay pachaman wijch'uycamuska carka. Paywan cusca sajra angelesninpis wijch'umuskasllataj carkancu, millay supaycuna caskancuraycu.

Apocalipsis 12:9 交叉參考

Génesis 3:1

Katareqa may jina yuyaysapa karqa, Señor Dios tukuy monte animalesmanta ruwasqasninmanta nisqaqa. Pay warmita taporqa: Ajinatachu Diosqa nisunkichej huertapi kaj tukuynin sach'aspa poqoyninta ama mikhunkichejchu?, nispa.

Génesis 3:13

Señor Diostaj warmita taporqa: Imatataj ruwarqankiri? Paytaj kuticherqa: Katari ch'aukiyawan, chayrayku mikhorqani chay sach'aj poqoyninta.

1 Crónicas 21:1

Supayqa israelitaspa contrampi oqharikorqa, Davidpa sonqonman churarqataj israelitasta yupachinampaj.

2 Crónicas 18:21

Chay espiritutaj nerqa reypa tukuy profetasninman llulla kajta yuyaychamunanta. Chaypacha Señor nerqa: Qan atinki ch'aukiyayta, rispa jinata ruwamuy.

Salmos 109:6

Paypa contrampi uj sajra runata churay, paypa paña ladompitaj uj ch'ataykojta churasaj.

Isaías 14:12

Sut'iyay ch'aska, kay jinatachu cielomantaqa urmamunki! Qanqa nacionesta atipaj kanki, kunantaj pampapi wijch'usqa rikhurinki.

Isaías 27:1

Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Ezequiel 28:16

Qhatusniykipi allin risusqanman jina, millay imaswan junt'aykuchikorqanki, juchallerqankitaj. Chaynejta lijrasniyoj jark'aj querubín, Diospa santo lomanmanta wijch'orqayki, k'anchaj rumis chaupimanta orqhorqayki.

San Mateo 13:39

Cizañata t'akaj enemigoqa supay. Cosechaqa mundoj, tukukuynin. Ruthojkunataj ángeles kanku.

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

San Mateo 4:1

Chaymanta, Santo Espíritu Jesusta pusarqa ch'innejman, payta supay probanampaj.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

San Mateo 4:5

Chaymanta, supayqa Jerusalén llajtamanñataj Jesusta pusarqa, temploj torrempitaj rikhuricherqa.

San Mateo 4:8

Ujtawan supay pusarqa Jesusta jatun orqo pataman. Chaymantataj tukuy mundontimpi kaj llajtasta rikucherqa, paykunaj qhapaj kapuyninkutawan.

San Lucas 10:18

Paytaj nerqa: Noqaqa supayta rikorqani, lliuj lliuj jina cielomanta urmamojta.

San Lucas 13:16

Abrahampa kay warmi wawantaqa, manachu samakuna p'unchaypi phaskarana karqa, chunka pusajniyoj watataña onqoywan supay watasqanmanta?

San Lucas 22:3

Satanastaj yaykorqa Judas Iscariote sutiyojman. Payqa Jesuspa chunka iskayniyoj yachachisqasninmanta ujnin kaj karqa.

San Lucas 22:31

Nillarqataj Señorqa: Simón, Simón, Supayqa mañan trigota jina thalanasuykichejta.

San Lucas 8:12

Ñanman urmajkunaqa Diospa palabranta uyarejkuna kanku; supaytaj jamuspa, sonqonkumanta Diospa palabranta orqhon, ama creenankupaj, nitaj salvasqas kanankupaj.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

San Juan 16:11

Juiciomanta, imaraykuchus kay pachapi kamachejqa juchachasqaña.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Hechos 5:3

Pedrotaj payta nerqa: Ananías, imaraykutaj supay sonqoykiman junt'aykorqa Santo Espirituman llullakunaykipaj, jallp'aykita vendesqayki qolqemanta wakinta pakaykunaykipaj?

Romanos 16:18

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

Romanos 16:20

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

2 Corintios 11:14

Chayqa mana t'ukunapajchu, imaraykuchus Satanaspis yachan k'anchaj angelman tukuyta.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

1 Timoteo 2:14

Manataj Adanchu ch'aukiyasqa karqa. Astawanqa warmeqa, ch'aukiyasqa kaspa juchaman urmarqa.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

1 Pedro 5:8

Maychus kajta kausakuychej, allinta qhawakuspa; imaraykuchus chejnisojniykichej supayqa, león jina qhaparqachaspa muyupayashasunkichej, mayqellantapis oqoykunampaj.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

Judas 1:9

Arcángel Miguelpis, supaywan churankuspa, Moisespa cuerpon jawa, mana munarqachu juiciopaj juchachayta. Payqa nillarqa: Señor k'amisuchun, nispa.

Apocalipsis 12:12

Chayrayku kusikuychej janaj pachakuna, chaypi tiyakojkunapis. Ay, jallp'a patapi, qocha patapipis tiyakojkunamanta!, imaraykuchus supayqa manchay phiñasqa qankunaman uraykamun, yachaspa paypaj pisi tiempollaña kasqanta.

Apocalipsis 12:3

Waj señaltaj janaj pachapi rikukorqa: Uj jatun puka sierpe, qanchis umayoj, chunka wajrayoj, umasnimpitaj qanchis pilluyoj.

Apocalipsis 12:7

Jatun maqanakutaj janaj pachapi karqa. Miguel, angelesnin ima sierpewan maqanakorqanku.

Apocalipsis 12:8

Manataj Miguelta atiparqankuchu, paykunapajtaj janaj pachapi manaña astawan tiyananku atikorqachu.

Apocalipsis 13:14

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Apocalipsis 18:2

Paytaj kallpawan qhaparerqa: Urmanña, urmanña jatun Babiloniaqa. Supaykunaj wasinman tukun, tukuy millay espíritoj pakakunanman, tukuy millay chejnina p'isqospa thapanman, nispa.

Apocalipsis 18:23

Manataj qampi lámparaj k'anchaynin lliphipenqachu, nitaj qosaj parlasqan, nitaj warmimpatapis uyarikonqañachu; imaraykuchus qhatojkunasniykipis chaypacha atiyniyoj karqanku. Qampis layqeriosniykiwan tukuy llajtakunata ch'aukiyaspa pantacherqanki.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

Apocalipsis 2:24

Tiatirapi kajkunamantaqa wakin mana chay millay yachaykunata qhaterqankichejchu. Mana yachakorqankichejchu imatachus chaykuna Satanaspa pakasqa imasninta ninku chayta. Noqaqa niykichej: Mana waj q'epita pataykichejman churaykusajchu, nispa.

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.

Apocalipsis 20:8

Paytaj llojsenqa runasta ch'aukiyaj, kay jallp'aj tawantin k'uchupi kashanku chaykunata; Gogta, Magogtawan. Chaykunatataj maqanakupaj tantanqa. Paykunaj yupayninrí, mar qochaj t'iyun jina ashkha.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

Apocalipsis 9:1

Phishqa kaj angeltaj trompetata waqacherqa. Chaypacha rikorqani uj qoyllurta janaj pachamanta jallp'aman urmamojta; ukhu pacha pujyoj llavesnintataj payman qorqanku.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.