Mak 7:19 - God Vonana Vovokaravina

¹⁹ iyamna wawaya ina kam bo inuma na inoru ku kamokamona ma karakava tupuwina kamonai ina kiibau, ma ke ku nuwanuwana ina rui.” Yesu na weni sisiyina iterei da vavai ma siya peyarina ivotawei da wawaya ina kam wapawapa.

Mak 7:19 交叉參考

Matiu 15:17

Kade kotakovi da aviyavisina kawatiyai takanikani ma tumumai na ku kamokamota erurui ma muriyai tupuwita ina kiibutawei.

1 Korint 6:13

Ma wawaya sago tupuwa ina kayowana ivi miibei na ivona bo, “Vavai na manawa kubiine ma manawa na vavai kubiine.” Vaghina, ma mara sago God weni berasi ivi ruwa ini kovini. Tupuwita na ke vipekana wapawapa kubiine. Tupuwita na Bada rapenai, ivereta da ina biga kava kata berai. Ma tuna tupuwita ekoyakoyaghi.

Apasol 11:9

Ma nani gamona kunumai ivi sisiyame kuriku, ivona bo, ‘Aviyavisina God ivonakiiyaragha da biibiina na ke kuna vonei da dowadowana.’

Apasol 10:15

Ma nani gamona ivi sisiyame, ivona bo, “Aviyavisina God ivonakiiyaragha da biibiina na ke kuna vonei da dowadowana bo puyapuyakina.”

Luk 11:41

Aviyavisina ami dabira kamonai na konuwatawei ma moyamoyakisi kurisi koverena. Nakanani kona berai na kudubina kona gigiri da God ku matana na biibiina kavakava.”

Kolosei 2:16

Tuna kubiine wawaya ina vonemi da siya sago ke kona kani bo okowa sago ke konumai na i sisiya ke koni yanei. Ma kanina kubiine ini wavumi na iyamna kegha. Ma bade i kayowana da mara ghamaghamasi kona vovokaravei na ke koni nuwapoyei. Kamporagha madegha ma nawaravi nununai ma bade viyakam marasi ghamaghamasi etereterei ma ke kota nununuri na ke koni nuwapoya da berabero kota beraberai.

Mak 7:18

Ma ivonesi bo, “Tami bade neghaneghami, bo? Namada kotakovi da aviyavisina tupuwita kupunai tarutonai na ke nuwanuwata ini dadabui God matanai,