Zephania 1:14 - Pennsylvania Dutch Bible

¹⁴ Da grohs dawk fumm Hah is nayksht; eah is nayksht un kumd kshvind. Heichet, da dawk fumm Hah zayld biddah sei, even da shteiksht mensh zayld naus greisha.

Zephania 1:14 交叉參考

Maleachi 4:5

Saynet, ich zayl eich da brofayt Elia shikka eb sellah grohs un shreklich dawk fumm Hah kumd.

Ezekiel 30:3

Sellah dawk is nayksht, yau, da dawk fumm Hah is nayksht, en dawk funn volka, en zeit funn druvvel fa di heida.

Zephania 1:7

Seind shtill fannich Gott da Hah, fa da dawk fumm Hah is nayksht. Da Hah hott en opfah grisht, un hott selli es kaysa voahra rein gmacht.

Joel 2:11

Em Hah sei shtimm dunnaht fannich sei greeks-gnechta; sei greeks-mennah sinn shteik un feel, un mechtich sinn selli es eem heicha. Da dawk fumm Hah is grohs un shreklich, veah kann's ausleida?

1. Thessalonicher 4:16

Fa da Hah selvaht zayld runnah kumma fumm Himmel mitt en laudah grish, mitt di shtimm fumm haychshta engel, un mitt em blohs-hann funn Gott. Un di dohda in Christus zayla seahsht uf shtay.

Ezekiel 7:12

Di zeit is kumma, da dawk is do. Da kawfah froit sich nett un da fakawfah is nett bedreebt, fa da zann is geyyich alli-ebbah.

Jesoiya 33:7

Gukket moll, eiyah feichtlohsi mennah greisha naus fa hilf, selli es fridda sucha heila biddahlich.

Jesoiya 15:4

Hesbon un Eleale sinn am heila; iahra shtimma vadda keaht gans drivva an Jahza. Fasell doon di greeks-leit funn Moab laut heila; iahra moot is gans faloahra.

Jakobus 5:9

Doond nett grumla geyyich nannah, leevi breedah, so es diah nett fadamd vaddet. Gukket moll, da richtah shtayt fannich di deah.

Di Apostelgeschichte 2:20

Es licht funn di sunn zayld zu nacht drayya, un da moon zu bloot, eb da grohs un vundahboah dawk fumm Hah kumd.

Joel 1:15

Vay zu uns fa sellah dawk! Fa da dawk fumm Hah is nayksht; da dawk vann da Awlmechtich fadeahvung bringd.

2. Petrus 2:3

Deich lusht fa geld zayla si eich nemma mitt falshi vadda. Iahra gericht is shund lang am ivvah si henka, un iahra fadamnis shlohft nett.

Amos 8:2

“Vass saynsht du, Amos?” hott eah kfrohkt. “En koahb foll zeidich frucht,” habb ich ksawt. No hott da Hah ksawt zu miah, “Es end is do fa mei leit Israel; ich hayb nimmi zrikk funn si shtrohfa.

Joel 2:31

Es licht funn di sunn zayld zu nacht drayya, un da moon zu bloot, eb sellah grohs un shreklich dawk fumm Hah kumd.

Zephania 1:10

Uf sellah dawk,” sawkt da Hah, “zayld en laudah grish kumma fumm Fish-Doah, heiles fumm nei dayl funn di shtatt, un en laudah grach funn di hivla.

Joel 3:16

Da Hah zayld roahra funn Zion, un sei shtimm heahra lossa funn Jerusalem; di eaht un da himmel zayla shidla. Avvah da Hah hald sei leit aus di kfoah; eah is en shteik gebei es di Kinnah-Israel nei gay kenna.

Joel 2:1

Blohs es blohs-hann in Zion; losset di kfoah vissa gmacht uf mei heilichah hivvel. Ziddahret, alli-ebbah im land, fa da dawk fumm Hah is am kumma un is nayksht.

Ezekiel 12:23

So sawk zu eena, ‘Dess is vass da Hah sawkt: Ich zayl dess sawwes shtobba, un si zayla's nimmi sawwa in Israel.’ Avvah sawk eena, ‘Di dawwa sinn nayksht vann alli vision folfild sei zayld.

Jeremia 48:41

Di shtatt Karioth is gnumma vadda, un di fashteikti shtett ivvah-gnumma. Di hatza funn Moab iahra greeks-gnechta an selli zeit zayla sei es vi's hatz funn en veibsmensh am en kind havva.

Jeremia 30:7

Vi furchtboah zayld sellah dawk sei! Es zayld sei vi kenn anra. Es is di zeit fumm Jakob sei druvvel avvah eah zayld frei gmacht sei difunn.

Jeremia 25:36

Heichet zu di shohf-heedah am brilla, di foah-gengah funn di drubb iahra heiles, veil da Hah am iahra vayt fadauva is.

Jesoiya 66:6

Heichet di ufruah funn di shtatt, heichet di yacht fumm tempel! Dess is di yacht fumm Hah, am sei feinda shtrohfa fa vass zu eena heaht.

Hebräer 12:26

An selli zeit hott sei shtimm di eaht kshiddeld, avvah nau hott eah dess fashprocha, “Noch ay moll shiddel ich nett yusht di eaht avvah aw da Himmel.”

Philipper 4:5

Losset alli-ebbah eiyah sanftmoot sayna. Da Hah is nayksht.

Jesoiya 8:22

No gukka si geyyich di eaht un sayna yusht dreebsawl un finshtahnis. Si sinn im dunkla un in angsht un zayla in di finshtahnis gedrivva sei.

Ezekiel 7:16

Selli es ivvahrich sinn un es vekk kumma zayla uf di berga sei un zayla yammahra vi di dauva in di deicha, awl dess yaydahs deich sei aykni sinda.

Joel 3:14

Drubba un drubba leit sinn in di valley fumm gericht! Da dawk fumm Hah is nayksht in di valley fumm gericht.

Jeremia 46:5

Avvah vass doon ich sayna?” sawkt da Hah. “Si sinn fagelshtaht, si sinn am vekk shpringa, iahra mechtichi mennah sinn gebodda. Si shpringa kshvind fatt, unni zrikk gukka, angsht is ivvahrawlich.