11 Fa di veisheit is bessah es keshtlichi pearls, un nix es ebbah havva vill is gleicha zu iahra.
Fasell habb ich dei gebodda leeblich, may es gold, yau, may es fei gold.
Si sinn may veaht es gold, even's feinsht gold. Si sinn seesah es hunnich, even pyuahrah hunnich.
Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?
Es is bessah fa veisheit greeya es vi fa gold havva, un's is bessah fa eisicht nemma es vi silvah.
'S hott feel gold un's hott feel keshtlichi shtay, avvah leftz es shvetza mitt eisicht sinn may keshtlich.
Es ksetz funn dei maul is miah leevah, es dausends funn shtikkah silvah un gold.
Oh, vi sees sinn dei vadda zu miah, seesah es hunnich zu mei maul.
Veah kann en goodi fraw finna? Si is may veaht es keshtlichi shtay.
Veisheit, so vi eahbshaft, is en goot ding, un helft selli es di sunn sayna.
'Sis aw nett ivvah em say drivva so es diah frohwa misset, “Veah gayt ivvah da say nivvah un grikt's un gebt's zu uns so es miah's du kenna?”
